JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Naimori husu PM ho PR solusiona lista membru Governu pendente

Naimori husu PM ho PR solusiona lista membru Governu pendente

Konselleiru Partidu KHUNTO, José dos Santos Naimori Bucar, husu Primeiru Ministru (PM) Taur Matan Ruak, atu halo esforsu hodi diálogu  ho Prezidente Repúblika, Francisco Guterres ‘Lú Olo’, atu solusiona tiha lista kandidatu membru VIII Governu ne’ebé pendente hela, tanba governasaun la’o tinan ona.

“Kompetensia ne’e iha Prezidente Repúblika, se fó impaktu ba povu, ne’e Prezidente ninian, tanba Prezidente mak la fó tomada de posse. Signifika iha ministériu ne’ebé mak refere ba, tanba ministru ne’e seidauk simu posse, enstaun ministériu ne’e falla tebes, tanba laiha ema ida atu asegura ministériu ne’e ho di’ak, maibé, Prezidente Repúblika mós la sala, Primeiru Ministru rasik mós presiza halo negosiasaun di’ak ho Prezidente Repúblika, atu nune’e, haree ema ne’ebé mak Prezidente la gosta ne’e, para ita bele troka, bainhira hatudu faktus ruma, maibé tenki ba ko’alia ho Prezidente para bele klarifika katak, ema ne’e sala duni ka la’e, maibé se parte hotu nonok, nia impaktu ne’e la’os ba CNRT de’it, maibé ba povu tomak, no povu rasik hasoru impaktu ba dezenvolvimentu, no buat hotu, la’os sira atu tu’ur iha ministériu ne’e, la’os mós partidu. Ha’u labele hateten dehan, sala ne’e Prezidente Repúblika nian ka Primeiru Ministru nian, maibé povu hatene, povu mak sei identifika rasik, sala husi ne’ebé”, hateten Naimori iha nia rezidensia Manleuana, Kuarta(19/06/2019).

Naimori afirma, maske iha diverjensia polítika, maibé líder sira tenki tau sentidu Estadu no povu bo’ot liu, duke sentidu partidária mak aas liu povu, nune’e, labele husik povu sai vítima bebeik, ba aktu ukun na’in sira nian, tempu ona povu atu senti moris haksolok ho dezenvolvimentu iha era independensia nia laran.

Lee hotu :   Timor GAP hahú hala’o negosiasaun ba projetu pipeline

“Ita hotu halo polítiku, ita tenki iha sentidu Estadu, maske diferente partidu, sei laiha sentidu Estadu no tau liu prioridade polítika iha laran ne’e ladi’ak, sentidu Estadu ne’e, partidu bele ida-ida, maibé interese ne’e atu serví ba Estadu nian, Estadu mak povu Timor-Leste rasik”, tenik Jóse dos Santos Naimori.

Líder másimu partidu KHUNTO ne’e akresenta, PM mak iha kompetensia tomak atu bele esforsu hodi asegura servisu ministériu sira iha Governasaun ne’e, nu’udar Xefe Estadu.

Tanba ne’e presiza diskute bebeik asuntu ne’e ho Prezidente Repúblika to’o hetan solusaun.

“Loloos ne’e, Primeiru Ministru rasik tenki ba diskute ho Prezidente Repúblika, tanba membru Governu ne’e iha Primeiru Ministru nia liman rasik, la’os ministru mak atu ba hasoru Prezidente. Nu’udar líder ida iha AMP, ha’u hakarak sujere ba Primeiru Ministru, tenki ba ko’alia ho Prezidente Repúblika, para bele fó tomada de posse ba ema na’in 9 ne’e, tanba polítikamente husi PLP na’in 10 ne’e kompletu, KHUNTO hela na’in rua, no CNRT nian na’in 7, entaun Primeiru Ministru mak sei ko’alia buat ida ho PR, kuandu Primeiru Ministru mak nonok hela, entaun ema dehan vítima ne’e mak CNRT, tanba ema haree realidade, maibé Primeiru Ministru mós la sala, tanba buat hotu tenki fila-fali ba Prezidente rasik, Prezidente Repúblika mak iha kompetensia tomak atu bele fó tomada de posse iha kualker tempu ohin ka aban, dehan katak, sira na’in 9 ne’ebé pendente, envolve iha korupsaun, hatudu to’ok buta ruma ba, faktus ruma para ita bele hatene, se laiha fó to’ok oportunidade ne’e ba sira, lidera fulan 6 ou 7 to’ok, depois mak ita hodi haree, se sira kontinua halo sala, bele hasai, se ba mak sira servisu ho loos, entaun ida ne’e mak hatudu realidade,

Lee hotu :   FRETILIN kestiona governu limita vendedór ambulante

Tanba ne’e ita presiza haree faktus, tanba sira na’in 9 ne’e lideransa nasionál CNRT nian, se sira mak ema át karik maun Xanana la hatama sira iha lista, signifika ema sira ne’e di’ak,”afirma Bukar.

Lista kandidatura membru Governu ne’ebé pendente mak hanesan, Helder Lopes, Sergio Lobo, José Turquel, Virgilio Smith, Jacinto Rigoberto, Tomas Cabral, Amandio Benevides, maibé iha kandidatu na’in tolu hanesan Francisco Kalbuadi Lay, António Verdial, Kay Rala Xanana Gusmão mak rezigna aan ona husi lista refere.

Enkuantu pozisaun Governu ne’ebé sei mamuk mak hanesan, Ministru Finansa, Ministru Interior, Ministru Komersiu no Industria, Ministru Turizmu no Ministru Saúde, inklui Vise Ministru Negosius Estranjeiru no Kooperasaun, ho Ministru Planu Investimentu Estratéjiku, Ministru Estatal no Vise Ministru Agrikultura no Peskas.say

Add to Comments Here!!!!

error: Content is protected.
Secured By miniOrange
You might also like:
Xanana Gusmão halo tinan ba dala 73, Husu Timor-oan hotu atu servisu maka’as ba dezenvolvimentu TL

Líder karismátiku, Kay Rala Xanana Gusmão,...

DIA 21/06/19 || GMNTV LIVE STREAM || DADER KMANEK

DIA 20/06/19 || GMNTV LIVE STREAM || JORNAL NASIONAL KALAN

Close