JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sei anunsia kandidatu troka Alkatiri iha tempu badak

Governu sei anunsia kandidatu troka Alkatiri iha tempu badak

Primeira Vise Prezidente Parlamentu Nasionál, (PN), Maria Angelina Sarmento, garante, VIII Governu konstitusional, sei anunsia no publika kandidatu ne’ebé atu troka Marí Alkatiri hodi assume kargu nu’udar Prezidente Rejiaun Administrativu Espesial Oé-cusse Ambeno (RAEOA) no Zona Ekonomia Espesial Sosial Merkadu (ZEESM).   

Reprezentante povu ne’e hato’o asuntu ne’e, relasiona ho mandatu atúal Prezidente Autoridade RAEOA ne’ebé sei remata iha loron 30 fulan Jullu tinan ne’e.

“PN aprova ona lei númeru 3/2014, kona-ba kriasuan RAEOA no ZEESM, alterasaun artigu ne’ebé foka liu ba nomeiasaun, se mak iha kompetensia eskluziva ba mandatu autoridade RAEOA nian ne’e, ita entrega hika’as ba Primeiru Ministru, tanba ne’e, agora dadaun kompetensia governu nian, ha’u fiar katak, iha tempu badak governu sei anunsia ba públiku, kona-ba kandidatu se mak sei subtitui Marí Alkatiri,  atu ba sai Prezidente Autoridade RAEOA nian”, afirma  Maria Angelina Sarmento ba jornalista iha PN, Sesta (12/07/2019).

Vise Prezidente Segundu Órgaun lejislativa  ne’e afirma, governu rezerva no tetu ona nia tempu hodi altera lei RAEOA ne’e, oportunidade mós ba Xefe Estadu atu bele halo estaudu no foti desizaun, maibé bainhira Xefe Estadu veta, governu bele estende mandatu atual Prezidente RAEOA Marí Alkatiri nian, to’o iha Prezidente foun hodi substitui.

“Ita fó mós tempu ba Prezidente Repúblika atu estuda alterasaun lei ne’e, depois nia bele promulga no halo publikasaun iha jornal da repúlika, ba artigu ne’ebé mak sofre ba alterasaun, governu rezerva ona ninia periodu ne’ebé mak iha ne’e, kuandu sei dauk hetan promulgasaun, bele estende tan Marí Alkatiri nia mandatu, hanesan Prezidente Interinu to’o hein Prezidente Autoridade foun, foin bele substitui nia, (Marí Alkatiri). Tanba ne’e, ita fó fiar ba governu hodi hala’o nia kompetensia ida ne’e, inklui  mós Prezidente Repúblika uza mós oportunidade ne’e uza nia direitu pormulga ou veta alterasaun lei ne’e”, tenik Angelina Sarmento.

Lee hotu :   PR estuda hela alterasaun pakote LAP-LFP ■Alkatiri: PR sei la veta tratadu tasi Timor

Entretantu, iha Segunda (8/07) ne’e, Parlamentu Nasionál diskute no aprova ona alterasaun lei estatutu RAEOA ho votus a favor 34, kontra 0 no abstensuan 0, ba alterasaun lei artigu 19 no 21, husi lei númeru 3/2014 kona-ba kompetensia nomeasaun ba Prezidente Autoridade RAEOA ZEESM, inklui ezonerasaun ba mandatu Prezidente Autoridade RAEOA nian.

No iha Kaurta loron (10/07), Prezidente Parlamentu Nasionál, Arão Noe Amaral baixa kedas alterasaun lei  númeru 3/2014 ne’e ba Prezidente Repúblika, Francisco Guterres Lú Olo, hodi estuda no promulga ou veta tuir kompetensia ne’ebé hatur ona iha konstituisaun RDTL artigu 88.say

Add to Comments Here!!!!

error: Content is protected.
Secured By miniOrange
You might also like:
José Ramos Horta: Dezenvolvimentu infraestrutura mak hasa’e ekonomia rai-laran

Premiadu Nobel da Paz, José Ramos...

CPLP na GMN edição 11 de Julho de 2019

Komemora 30 agostu, Manufahi sei hala’o atividade expo no desportiva

Administradór  Munisípiu Manufahi,  Arantes Isaac, hateten,...

Close