JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

José Ramos Horta: Dezenvolvimentu infraestrutura mak hasa’e ekonomia rai-laran

José Ramos Horta: Dezenvolvimentu infraestrutura mak hasa’e ekonomia rai-laran

Premiadu Nobel da Paz, José Ramos Horta, hateten, atu dezenvolve ekonomia iha rai laran, tenki dezenvolve uluk infraestrutura bázika, hanesan estrada, portu no aeroportu.

“Ha’u fó parabens ba governu ne’ebé lidera husi Primeiru Ministru (PM), Taur Matan Ruak ho lider nasional, Xanana Gusmão ne’ebé kontinua buka halo investimentu ho vizaun no korajen, hodi hari’i infra-estrutura, tanba iha mundu ne’e ita hakarak dezenvolve ekonomia, tenki dezenvolve uluk infra-estrutura”, Ramos Horta ba jornalista sira bainhira partisipa iha lansamentu explozaun no ateru tasi ne’ebé hodi halo konstrusaun portu Tibar, Liquiça, Sesta (12-07-2019).

Tuir eis Prezidenti Repúblika ne’e hateten, nasaun dezenvolvidu sira hanesan America, Australia, Afrika no China mós dezenvolve sira nia ekonomia hahu ho infra-estrutura, hanesan estrada, ponte, portu no aeroportu.

“Tenki halo formasaun no haruka Timor-Oan ba estranjeiru hodi estuda, tanba tuir programa Fundo Desenvolvimento Capital Humano (FDCH), importante hakle’an dame no estabilidade dezenvolvimentu ba oin, liu-liu ohin serimonia ida ne’e hola parte dezenvolvimentu portu Díli no portu Tibar, tanba ne’e, atu halo portu ne’e tenki fera fatuk ho sistema modernu la’os ho ai-suak”, akresenta premiadu Nobel da Paz ne’e.

Entretanto durante tinan 17, hahú husi tinan 2002 to’o ohin loron, governu hahú halo ona konstrusaun fíziku hanesan, konstrusaun aeroportu, Komandante em Xefi Kay Rala Xanana Gusmão, auto-estrada iha Suai-Covalima, estrada nasional Díli-Aileu, Díli-Maliana, ponte CPLP-Comoro, Ponte Comoro III, aeroportu Rota do Sândalo-Oe-Cusse, irigasaun Tono-Oe-Cusse, sentrál elétrika Hera-Díli, Betano-Manufahi no Oecusse no mós estrada nasional ligasaun Díli ba parte leste, ne’ebé oras ne’e dau-daun iha faze konstrusaun nia laran. Ety

Lee hotu :   FRETILIN husu Governu kontrola grupu ilegál Riin Besi Asu

Add to Comments Here!!!!

error: Content is protected.
Secured By miniOrange
You might also like:
CPLP na GMN edição 11 de Julho de 2019

Komemora 30 agostu, Manufahi sei hala’o atividade expo no desportiva

Administradór  Munisípiu Manufahi,  Arantes Isaac, hateten,...

Dom Virgílio husu joven sira kontribui ba paz

Bispu Dioseze Díli, Dom Virgílio do...

Close