JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Proposta alterasaun lei ba ratifika FM, Komisaun 3 simu ona

Proposta alterasaun lei ba ratifika FM, Komisaun 3 simu ona

Komisaun tolu iha Parlamentu Nasionál (PN), hanesan komisaun  B, C no D, simu ona proposta alterasaun lei husi meja PN iha Kinta (11/07), no iha Sesta loron (12/07),  hahú diskute no prepara kedas ajenda diskusaun ba aletrasaun lejislasaun hirak ne’e iha semana oin.

Prezidente Komisaun D, ne’ebé trata asuntu ekonomia no dezenvolvimentu, Virgina Ana Belo informa, komisaun D hamutuk ho komisaun C, sei halo audiénsia ho Xefe Negosiador Fronteira Marítima, Kay Rala Xanana Gusmão, inklui BCTL, ministériu finansa, SEFOPE no parte relevante sira ne’ebé iha ligasaun ho tratadu fronteira no petróleu.

“Depois PPN baixa lei ba komisaun sira, komisaun D hetan lei tolu, ida ne’e ho karakter urjensia uitoan, ita tenta atu to’o iha 30 de Agostu ne’e, lei ho tratadu tama dala ida de’it, tuir planu Tersa semana oin tenki tama ona iha plenária, maibé ami husu PPN atu fó tan tempu uitoan mai ami, para elebora relatóriu pareser”, informa Prezidente Komisaun D ne’e ba jornalista iha PN, Sesta(12/07/2019).

Virgina Ana Belo subliña,  iha diskusaun ho parte Governu, sei diskute mós estatutu traballador Timor-oan iha tasi laran, atu bele iha direitu hanesan ho traballador internasional.

“Alterasaun lei ne’ebé Goveru hato’o ne’e labarak ida, tanba la’os substansia lei, maibé halo de’it ajustamentu, ita muda de’it, tanba área sira ne’e tama hotu ita nian ona, ne’eduni laiha buat barak mak atu muda, la muda konteudu jerál husi lei ne’e. Tempu ladun sufisiente, maibé ba interese nasionál, ita tenta to’o ho tempu uitoan ne’e atu halo diskusaun”, dehan Virgina Ana Belo.

Iha sorin seluk, Prezidente Komisau C, ne’ebé trata asuntu finansa públika, deputada Fernanda Lay mós reforsa, komisaun sira sei esforsu no oferese aan atu servisu to’o kalan,  durante diskusaun, hodi bele aselera prosesu ne’e, atu atinji objetivu no mehi ne’ebé Timor-Leste iha.

Lee hotu :   Timor-oan protesta Embaixada Portugal

“Ohin ami elabora ami nia kalendáriu, para debate iha loron hirak ne’ebé determina ona, ami mós fahe dokumentu ho nota teknika ne’ebé diplen halo tiha ona, para deputadu sira lee durante fim de semana iha uma, segunda oin ami komesa halo audiénsia kona-ba asuntu sira ne’e”, relata Fernanda Lay.

Lejisladora ne’e haktuir, tuir kalendáriu indikator ne’ebé komisaun prepara, tempu ba diskusaun no audiénsia inklui aprova relatóriu pareser husi 15 to’o 17 fulan Jullu ne’e.

“Hakarak ka lakohi tenki harmoniza lei ne’e ho tratadu tasi Timor ne’e, liga mós ho lei estabilidade tributaria,  ne’ebé uluk ita fahe ho Australia, agora mai hotu Timor-Leste, sei ita la altera lei sira ne’e, ita la prontu para rekolla reseitas sira ne’ebé tenki tama ba ita-nia kofre Estadu, iha audiénsia sei iha esplikasaun husi autoridade no membru Governu kompetente kona-ba asuntu ida ne’e, ne’ebé sei ko’alia. loron 17 tenki aprova ona iha jeneralidade, maibé depois de aprova, ami sei husu atu hatun fali mai komisaun, hodi debate iha espesialidade, ida ne’e normal, depois espesialidade remata mak ami lori fali ba plenária diskuti final global”, akresenta Lay.

Entretantu, komisaun B, ne’ebé trata asuntu seguransa, negósiu estranjeiru, simu lei 2 hanesan, lei nú 7/V (1ª) rejime laboral no migratóriu espesial ne’ebé aplika iha projetu Bayu Undan, inklui proposta rezolusaun nú 2/V  (1ª) Ratifikasaun tratadu fronteira tasi Timor entre Timor ho Australia.

Nune’e, komisaun C finansa públika, simu lei 4, mak hanesan proposta lei nú 5/V (1ª), segunda alterasaun lei nú 9/2005, 13 fulan Agostu lei fundu petrolíferu nian, no lei nú 6/V (1ª) alterasaun lei nú 8/2008, loron 30 fulan Juñu kona-ba lei tributaria, inklui primeira alterasaun lei nú 3/2003, loron 1 fulan Jullu kona-ba kontratu tributasaun Bayu undan, no primeira alterasaun ba lei nú 4/2003, loron 1 fulan Jullu kona-ba dezenvolvimentu mina iha tasi Timor.

Lee hotu :   PM Taur: Novembru aprezenta proposta OJE 2019 ba PN

Alende ne’e, komisaun D, ekonomia no dezenvolvimentu, diskute lei 3, mak hanesan, proposta lei nú 4/V (1ª) segunda alterasaun lei nú 13/2005, loron 2 fulan Setembru lei ba atividade petrolíferu, ho lei nú 5/V (1ª) segunda alterasaun lei nú 9/2005 loron 3 fulan Agostu kona-ba fundu petrolíferu inklui lei nú 7/V (1ª) rejime laboral no migratóriu espesial ne’ebé aplika iha projetu Bayu undan.say

Add to Comments Here!!!!

error: Content is protected.
Secured By miniOrange
You might also like:
DIA 12/07/19|| GMNTV LIVE STREAM || JORNAL NASIONAL KALAN

DIA 12/07/19|| GMNTV LIVE STREAM || DADER KMANEK

DIA 12/07/19|| GMNTV LIVE STREAM || JORNAL AS 12

Close