JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri rejeita ameasa deputadu FRETILIN rezigna husi PN

Alkatiri rejeita ameasa deputadu FRETILIN rezigna husi PN

Sekretáriu Jeral Partidu FRETILIN, Marí Bin Amude Alkatiri, rejeita informasaun ne’ebé hatete katak, nia sei haruka deputadu opozisaun FRETILIN sira atu hatama karta rezignasaun, bainhira la kumpri nia orden iha Parlamentu Nasionál.

Antes ne’e publikasaun iha média sosial, ne’ebé média nasionál balun publika tutan, kona ba dikursu Sekretáriu Jeral Partidu FRETILIN, Marí Alkatiri kona ba konvíviu CCF, iha loron 3 fulan Agostu hateten katak, Marí Alkatiri eziji lideransa partidu, inklui deputadu opozisaun, ne’ebé deklara apoiu maioria iha Parlamentu Nasionál, atu hatama karta rezignasaun bainhira la kumpri nia orden.

Hatán ba kestaun ne’e, eis Prezidente Rejiaun Adiministrativa Espesial Oe-cusse Ambeno ne’e hateten, nia parte la hasai liafuan ameasa ba deputadu FRETILIN, maibé nia hatete depende ba vontade membru deputadu FRETILIN, atu rezigna-an, karik la satisfeitu ho estratéjia partidu nian.

“Ita bo’ot sira inventa tau ba iha ha’u nia ibun, no depois dehan ha’u mak halo deklarasaun, ita bo’ot jornalista sira inventa, ha’u la dehan, ha’u ate fó parabens ba deputadu sira tanba iha korajen atu foti desizaun vota kontra, halo nusa hasai fali deputadu, no ha’u la dehan ha’u mak atu hasai, se mak senti ladi’ak ho estratéjia FRETILIN nian, rezigna-an ba, ha’u la’os dehan ha’u mak atu hasai, porque ha’u mós laiha kompetensia para atu hasai, imi jornalista sira ne’e, tau sai iha ami nia ibun depois dehan ami mak esplika fali ne’e sala”,Marí Alkatiri hato’o lia hirak ne’e, hafoin partisipa programa grande entrevista, iha GMN, Kinta (15/08).

Nune’e mós Marí Alkatiri konsidera, informasaun ne’ebé fó sai iha média sosiál no publika tutan husi média nasionál ne’e la los.

Lee hotu :   Governu seidauk informa ba PN atu aprezenta OJE iha loron 13

Relasiona mós publikasaun ne’e Comite Central FRETILIN, liu husi komunikadu imprensa ne’ebé fó sai iha loron hitu fulan Agostu ne’e, konsidera notísia falsu ne’ebé fó sai iha média nasionál kona ba deklarasaun Sekretáriu Jerál Partidu FRETILIN, Marí Alkatiri ne’e, nu’udar notísia manipuladu no provoka instabilidade iha rai laran.

Maske nune’e, maibe iha video ne’ebé fo sai ba públiku no viral maka’as iha rai laran ne’e, Sekretariu Jeral FRETILIN, Mari Alkatiri, hatete, “La’os ita-nia bankada tomak ho korajen vota kontra tuir orientasaun komisaun polítika nasional nian, e balu halo fali deklarasaun apoia fali sorin, Governu agora maioria nia sorin, ne’e la hela hanesan ne’e. Diak liu sira rona ha’u koalia agora prepara-an sira rezigna-an ona. Hakarak ba, ba! Hakarak ba, ba! Ne’e livre, demokrasia, demokrátiku, ba. Agora kontinua iha FRETILIN no halo kontra FRETILIN nia vontade, ne’e ha’u la admite.”

Ho deklarasaun Marí Alkatiri nian ne’e, halo militante FRETILIN balu fó komentáriu iha media sosial la konkorda ho diskursu Alkatiri nian ne’ebé extreme liu ne’e bele ladiak.

Tinan 20 nia laran balansu dezenvolvimentu seidauk diak

Eis Prezidente Rejiaun Administrativa Espesial Oe-cusse Ambeno (RAEOA), Marí Bin Amude Alkatiri hatete, tinan 20 ona Timor-Leste nia dezenvolvimentu seidauk la’o diak. Tanba bee moos, saúde, no edukasaun ba povu la máximu.

“Ita tenki honestu, povu espera dadauk iha konsulta popular ne’e hotu, bainhira tenta halo planu nasional dezenvolvimentu, konsulta povu, povu hakarak lolos define lolos saida mak povu hakarak, to’o agora ita seidauk konsege kuandu ita dehan edukasaun ida ho kualidade saúde ida ho kualidade, buat sira ne’e hotu ita seidauk konsege, nutrisaun mós ladiak, ne’e ita atu ba iha ne’ebé, 20 anos depois osan bar-barak ita gasta, ita seidauk ho vida ida ne’ebé ho kualidade, di’ak liu oituan ba povu, bee moos mós laiha, tanba ne’e mak ha’u dehan tenki korajen uitoan, para dehan 20 anos ne’e balansu negativu, para ita bele haree 20 anos mai oin ne’e ita atu halo nusa, bele kuriji saida mak sala.  Sei ita hotu dehan halo festa hotu, dehan positivu hotu entaun aban bainrua se mak atu kuriji los, balansu negative”,Marí Bin Amude Alkatiri hato’o lia hirak ne’e, hafoin partisipa programa Grande Intervista iha GMN, Kinta (15/08/2019).

Lee hotu :   PR Lú Olo : Kompozisaun VII Govenu refleta nesesidade Estadu

Tinan ne’e, Timor-Leste sei komemora loron konsulta popular 30 de Agostu ba dala 20 no hetan partisipasaun husi  forsa interfet sira.

Liu husi komemorasaun ne’e, hodi hanoin hikas sofrimentu povu Timor-Leste nian, wainhira hakat ba sentru votasaun, hodi ezerse sira nian direitu votu ba independénsia, nune’e bele kore-aan husi okupasaun Indonézia.

Tuir ajenda, komemorasaun loron istóriku nasionál ne’e, sei hala’o iha Tasi-tolu Díli, ho prezensa konvidadu sira husi nasaun oi-oin.

Nune’e mós ba komemorasaun ne’e Governu sei gasta orsamentu dolar amerikanu rihun atus tolu sanulu resin walu (US$ 318.000). mya

 

Add to Comments Here!!!!

error: Content is protected.
Secured By miniOrange
You might also like:
Governu TL-Japaun seidauk iha akordu formal konstrusaun Aerportu Comoro

Embaixadór Japaun iha Timor-Leste, Hiroshi Minami,...

Dia 16/08/2019 || GMNTV LIVE STREAM || JORNAL NASIONAL KALAN

Dia 16/08/2019 || GMNTV LIVE STREAM || JORNAL AS 12

Close