JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT lamenta Governu laiha kapasidade rezolve problema nasionál

CNRT lamenta Governu laiha kapasidade rezolve problema nasionál

Reprezentante povu iha Parlamentu Nasionál (PN), konsidera, VIII Governu konstitusional laiha kapasidade hodi rezolve problema nasionál liu-liu lahatene halo jestaun ba lixu, tanba realidade lixu kontinua aumenta ba beibeik iha kapital Díli.

Deputada bankada CNRT, Veneranda Lemos, hateten, situasaun ne’e kontinua aumenta, tanba governu la aplika ho rigór dekretu lei ne’ebé mak aprova ona, tanba ne’e mak problema lixu kontinua ás iha sidade Díli.

“Tanba sa mak problema lixu ne’e, deputadu sira semana-semana levante hela de’it, sai fali hanesan satan ba governu, deputadu sira mak tenki foti, hafoin governu halo atuasaun. ita haree iha estrada, tasi ninin, no ita haree iha bairro laran, iha jardin no fatin públiku sira ne’e, nakonu ho lixu, maibé atuasaun husi governu rasik, ita lahatene halo oinsa mak halo jestaun ba foti lixu sira ne’e. Iha dekretu lei ida, maibé ha’u la lembra nia númeru, ne’ebé dekretu ne’e rasik hateten dehan, soe lixu ba fatin ne’ebé mak governu prepara tiha ona, to’o tuku 07:00 de’it, labele liu husi ne’e, tanbasa mak la implementa ida ne’e, tanbasa mak governu labele kontrola, tanbasa mak lixu ne’e sei namkari nafatin, tanbasa mak ita-nia tasi sei fo’er nafatin. Ita hatudu liman ba malu de’it, jestaun ba lixu ne’e rasik, governu labele kontrola, lixu de’it, lalika ba buat bo’ot. Ita deputadu sira mak semana-semana foti kona-ba jestaun lixu, jestaun ida ne’e, ida ne’eba, maibé reprezentante governu nian mai tu’ur iha ita-nia oin hakerek de’it, depois semana-semana deputadu sira-nia meja leten mak simu resposta husi governu MRLAP, maibé ita haree nafatin hela de’it, buat ruma laiha mudansa. Ha’u la’os halo intervensaun maibé, observa de’it katak, ne’e la la’o, sei ita hakarak iha espíritu de partense ba ita-nia rain, órgaun sira ne’e hotu tenki bo’ok án, órgaun sira hotu tenki hamri’ik hamutuk, hodi suporta malu, atu ita bele hetan rezultadu ne’ebé mak di’ak”, kestiona deputada Veneranda Lemos iha plenária semana ne’e.

Lee hotu :   FRETILIN hahú prepara-an ba EA ''AMP nunka hakfodak''

Nia haktuir, governu estabelese tiha ona estrutura husi Aldeia to’o nasionál iha nível ministerial maibé, bainhira problema ki’ik hanesan lixu de’it seidauk bele rezolve.

Veneranda Lemos mós konsidera, ezekutivu depende maka’as ba informasaun husi Parlamentu Nasionál, maibé laiha asaun konkretu ruma mak hala’o rasik.

“Governu nia estrutura ne’e hahú husi Aldeia Suku mai to’o Postu Administrativu no Munisípiu, mai to’o fali ministériu maibé, so Parlamentu ko’alia mak buat sira ne’e foin la’o, Parlamentu la ko’alia, buat sira ne’e lala’o, liu-liu ita haree iha Kristu-Rei nian ne’eba,  kuandu foti bebeik asuntu ne’e iha PN, ita haree ema ida rua  husi Munisípiu nian tu’un ba lere du’ut, husi turizmu nian ba hamoos maibé, kuandu para, buat sira ne’e mós para fila fali, dois arbiru de’it, ema nia fo’er, animal nia fo’er, ita la agoenta. Agora ita mak hatete dehan, sidade Díli ne’e atu sai halonusa, lei no ordem iha hela maibé, se mak atu kontrola ida ne’e. Triste tebes, tanba ita lahatene ita nia governante sira kontrola buat sira ne’e halo nusa, estrutura Administrativa ne’e la’o oinsa, ita fó hanoin malu bebeik de’it ne’e, hanesan ita laiha buat seluk atu halo, ita mak fó hanoin malu hela de’it mak ba asuntu ida lixu ninia ne’e”, lamenta Veneranda.

Deputada husi bankada CNRT ne’e sujere sujere ba reprezentante governu iha PN, atu bele tau iha konsiderasaun no lori asuntu refere hato’o iha Konsellu Ministru, atu nune’e, deputadu sira iha PN labele simu de’it resposta eskrita maibé, resposta ho asaun no bele halo duni mudansa ba sistema sira.

Lee hotu :   Eleisaun antesipada mosu, BOAMP sei avansa ho pakote ida

“Sekretáriu Estadu, iha Konsellu Ministru favor foti oituan ba asuntu ne’e, hodi halo netik asaun ruma, sela’e semana-semana ita mai foti iha parlamentu ne’e, depois govenru dehan husik ba parlamentu sira atu ko’alia to’o iha ne’ebé mós, ita haree de’it, lalika liga ida, la’os de’it semana-semana simu resposta iha meja leten ba buat ne’ebé laiha, no halo maibé laiha atuasaun”,akresenta Veneranda.

Hatán ba proekupasaun ne’e, reprezentante governu iha parlamentu nasionál, Sekretáriu Estadu Komunikasaun Sosial, Mericio Juvinal dos Reis Akara, hateten, governu halo ona asaun balun, liu husi aprova rezolusaun governu nian, atu bele halo limpeza kada semana.

“Governu halo duni dekretu ida, kada fulan fulan ita hakarak halo limpeza jeral ba hotu-hotu, atu hamoos maibé, sei governu de’it la konsege, tanba ohin ba foti, loraik ba so’e, ne’ebé mak ses husi nia fatin, ita fó sala ba malu maibé, presiza iha asaun mobilizasaun jeral, atu iha konsiensia rasik hodi hamoos, no kada fulan ita-nia Primeiru Ministru mós lídera ida ne’e, informalmente públiku mós halo, inklui maun bo’ot Kay Rala Xanana Gusmão mós halo ida ne’e. Ita aplika duni lei no ordem, ita kontinua ho ida ne’e, maske iha kontradisaun fali hanesan ho vendedor ambulante nian ne’e, bainhira ita-nia Munisípiu Díli ba maibé, deputadu kestiona fali maibé, governu sei kontinua aplika lei no ordem ne’ebé mak iha tiha ona, hahú agora ba oin”, hatan governante ne’e ba preokupasaun deputadu sira-nia iha PN.

Iha inísiu tinan 2019 ne’e, VIII Governu konstitusionál, aprova ona rezolusaun ida, atu ema hotu bele halo limpeza jeral, inklui ministériu hotu, funsionáriu públiku no entidades hotu, iha kada sesta feira fulan ida nia laran.

Lee hotu :   PN haruka ona alterasaun lei RAEOA ba PR

Iha VIII Governu ne’ebé lidera husi Primeiru Ministru, Taur Matan Ruak, forma husi Partidu tolu mak hanesan CNRT, PLP no KHUNTO, maibe deputada CNRT, Veneranda Lemos, komesa “siak” halo komentáriu hasoru VIII Governu ho hanoin ida atu Governu bele hala’o servisu diak liu tan ba povu.say

Add to Comments Here!!!!

error: Content is protected.
Secured By miniOrange
You might also like:
Ofisialmente PR Lú Olo publika ona tratadu FM ■ Kontinua estuda LFP-LAP

Prezidente Repúblika (PR), Francisco Guterres Lú...

Dia 22/08/2019/GMNTV LIVE STREAM/ JORNAL NASIONAL KALAN

Dia 22/08/2019/GMNTV LIVE STREAM/ JORNAL AS 12

Close