JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Halais ezekusaun OJE, Governu tenki solusiona lista membru pendente

Halais ezekusaun OJE, Governu tenki solusiona lista membru pendente

Xefe Bankada Partidu Demokrátiku (PD), António da Conceição, liu husi deklarasaun bankada     iha plenária Tersa (13/08/2019), husu Governu atu solusiona lista membru governu ne’ebé sei pendente hela, atu nune’e, labele afeta ba prosesu ezekusaun Orsamentu Jerál Estadu 2019 ne’ebé Parlamentu Nasionál aprova ona, tanba governasaun la’o kuaze tinan ida ho balun ona.

“Bankada PD iha biban ida ne’e husu mós atu governasaun AMP nian tenki iha kapasidade rasik atu fó ona rohan ba drama polítika ne’ebé mak la’o hela dadaun, ne’ebé mak liu ona tinan ida resin, maibé governu kontinua inkompletu. dadauk eziste iha ita-nia istória nasaun ninian,  ne’ebé mak governu ida la’o to’o tinan ona nafatin inkompletu. AMP nia maioria tenki iha kapasidade, atu fó solusaun ba AMP nia problema rasik”, hateten Xefe bankada PD ne’e liu husi nia deklarasaun polítika.

António da Conceição mós husu AMP atu responsabilidade hodi ko’alia ho Xefe Estadu, atu nune’e, labele abandona tan ministériu xave sira ne’ebé importante tebes ba dezenvolvimentu.

“Bankada PD mós tan, atu iha okaziaun ida ne’ebé ita selebra 20 anos ba loron referendum, presiza selebra ho sentidu klean, ho kbi’it atu ba malu, ho mós kbi’it atu hatan no hakman povu nia halerik. OJE ne’ebé PN aprova, labele sai de’it meius ba governasaun ne’ebé imkompletu, liu-liu ministériu sira importante ne’ebé atu hala’o polítika ba dezenvolvimentu, hanesan setór saúde ladauk iha ministru, administrasaun Estatal ida ne’ebé lori governasaun ba to’o iha kraik mós sei mamuk, finansas ida ne’ebé ka’er pasta integradu hodi haree ba planeamentu no finansas mós nafatin mamuk, inklui petróleu ne’ebé sai nu’udar fonte reseitas prinsipal nasaun nian de’it mós sei mamuk hela, ne’e seidauk eziste iha governasaun sira liu ba, nem mós iha sestu governu ne’ebé abortu tiha, tanba ne’e, PD alerta, atu AMP hola ona responsabilidade loke komunikasaun ho Prezidente Repúblika, hodi hato’o mós informasaun ne’ebé transparante ba públiku, hodi fó ona rohan, tanba ida ne’e mós bele fó implikasaun ba ezekusaun orsamentu jerál Estadu nian, ne’ebé mak uma fukun ida ne’e aprova ona”, tenik deputadu PD ne’e.

Lee hotu :   Eis Deputadu balu privatiza ona kareta Prado ■Lakohi hatama ba PN

Hatan ba pedidu ne’e, Ministru Reforma Lejislativa no Asuntu Parlamentares (MRLAP) Fidelis Magalhães hatete, membru governu inkompletu la’os kulpa governu nian, tanba ezekutivu halo ona esforsu hotu, maibé tanba parte rua entre Xefe Estadu ho Primeiru Ministru ida-ida mantein nia pozisaun.

“Kona-ba pozisaun governu, ha’u sei hato’o ba Primeiru Ministru (PM), maibé Xefe ezekutivu mós hato’o fila-fila ona lista ne’e ba iha Prezidente Repúlika, maibé desizaun husi PR mak kontinua la konkorda atu avansa ba tomada de posse, ne’e mak desizaun Prezidente Repúblika nian.

 Desizaun husi ezekutivu no mós hanesan AMP, mantein nafatin ho lista membru governu ne’e, tanba ne’e la’os kabe ba governu de’it, la’os mós tanba PM mak lahalo esforsu, maibé tanba parte rua ne’ebé to’o agora kontinua nafatin, AMP nia mantein lista, husi parte Prezidente Repúblika nian lakohi fó posse”, afirma Fidelis Magalhães.

Lista kandidatura membru governu ne’ebé pendente mak hanesan, Helder Lopes, Sergio Lobo, José Turquel, Virgilio Smith, Jacinto Rigoberto, Tomas Cabral, Amandio Benevides, maibé iha kandidatu na’in tolu hanesan Francisco Kalbuadi Lay, António Verdial, Kay Rala Xanana Gusmão mak rezigna an ona husi lista refere.

Enkuantu pozisaun governu ne’ebé sei mamuk mak hanesan, Ministériu Finansa, Ministériu Interior, Ministériu Komersiu no Industria, Ministériu Turizmu no Ministériu Saúde, inklui vise ministeriu negósiu estranjeiru ho Ministériu Planu Investimentu Estratéjiku, Ministériu Estatal no vise Ministériu Agrikultura no Peskas.say

Add to Comments Here!!!!

error: Content is protected.
Secured By miniOrange
You might also like:
Dia 13/08/2019 || GMNTV LIVE STREAM || JORNAL NASIONAL KALAN

Dia 14/08/2019 || GMNTV LIVE STREAM || DADER KMANEK

Dia 13/08/2019 || GMNTV LIVE STREAM || JORNAL AS 12

Close