JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN hahú períodu resesu to’o Setembru, PPN husu deputadu sira labele do’ok husi Díli

PN hahú períodu resesu to’o Setembru, PPN husu deputadu sira labele do’ok husi Díli

Deputadu sira Parlamentu Nasionál (PN) Kinta lejislatura nian, Kinta (15/08), hahú tempu resesu durante fulan ida to’o loron 15 fulan Setembru, tinan ne’e.

Maibé Prezidente Parlamentu Nasionál (PPN), Arão Noe Amaral, husu deputadu sira atu labele dok husi Díli durante ferias, tanba PN sei realiza atividade lubuk ida, relasiona ho komemorasaun loron referendum ba dala 20.

“Ita sei iha komemorasaun 20 anos loron referendum nian, ne’ebé mak iha mós, lansamentu  fotografia iha areador PN nian, ne’ebé komisaun organizador ba serimonia nian fiksa ona ba loron 26 fulan Agostu nian, inklui mós dia 30 Agostu nian, PN sei iha sesaun solene, no sei marka prezensa husi Prezidente Repúblika Indonézia, no reprezentante Prezidente Repúblika Portugal nian, inklui Prezidente asembleia Portugal nian, sesaun ne’e sei hala’o iha PN, iha parte dader, no kalan iha serimonia komemorasaun ikus liu iha Tasi-tolu. Tanba ne’e, hahú husu para, ita bele iha resesu, maibé labele sai do’ok husi Díli, tanba bele iha komvokatóriu ba serimonia sira ne’e, nune’e presiza deputadu hotu nia prezensa, tanba ne’e mak husu deputadu sira atu mantein besik iha Díli sira ne’e, atu nune’e karik iha konvokatóriu ruma karik, ami bele fasilita deputadu sira partisipa”, aviza Arão Noe Amaral iha plenária ikus antes resesu nian, Tersa (13/08/2019).

Arão Noe afirma, resesu ne’e sei hala’o durante fulan ida, tanba ne’e, membru komisaun sira ne’ebé kada bankada rekomenda ona mak sei kontinua asegura funsionamentu PN nian durante feriadu.

“Ita-nia resesu komesa iha loron 14 fulan Setembru, durante fulan ida, membru komisaun permanente mak sei ezerse nia funsaun durante resesu iha PN”, afirma PPN ne’e.

Lee hotu :   PPN husu komisaun A aselera relatóriu LAK

Entretantu, kada bankada parlamentares rekomenda ona naran lista deputadu ne’ebé sei envolve iha komisaun permanente ba meza PN kompostu husi membru efetivu no suplente mak hanesan, husi bankada CNRT na’in 9, FRETILIN 8, PLP 6, PD 2/ KHUNTO 1 no PUDD 1 inklui UDT/FM 1.

No komisaun iha Kuarta loron 14 fulan Setembru foin hala’o reuniaun plenária dahuluk, hodi deside estrutura.say

Add to Comments Here!!!!

error: Content is protected.
Secured By miniOrange
You might also like:
Bispu Virgílio: Rekonsiliasaun maka dalan ida atu kura kanek

Bispu Dioseze Dili, Dom Virgílio do...

Frente diplomátiku hahú 1975 tuir ordem Nicolau Lobato

Líder nasionál, José Ramos Horta, hateten...

Halais ezekusaun OJE, Governu tenki solusiona lista membru pendente

Xefe Bankada Partidu Demokrátiku (PD), António...

Close