JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

La rezolve impase polítiku, PN trava PR Lú Olo ba Nova Iorque

La rezolve impase polítiku, PN trava PR Lú Olo ba Nova Iorque

Parlamentu Nasionál (PN), liu husi plenária Segunda (16/09/2019), kansela viajen Prezidente Repúblika (PR), Francisco Guterres Lú Olo atu tuir assembleia jerál iha Nova Iorque, tanba bankada Aliansa Maioria Parlamentar (AMP) vota kontra pedidu viajen Xefe Estadu nian.

Rezultadu votasaun ba pedidu viajen PR Lú Olo nian ba Nova Iorque ne’e, AMP kontra ho votus 27, a favor 20 no abstensaun 1.

Deputadu bankada KHUNTO, Luis Roberto hatete, AMP kontra viajen ne’e, tanba presiza solusiona uluk impasse polítika iha rai laran, hafoin bele ba rai liur, tanba se la’e kontinua budu problema membru governu pendente sira nian.

“Data ne’e 18 de Setembru ne’e, hela loron ida ou rua bele aranka kala’e?, haree ba preparasaun ne’e tarde liu, tanba ne’e viajen  nasaun ida ba nasaun seluk, ita halo tratamentu hanesan fali ba Baukau, ne’e bele mós mosu fallansu iha dala klaran, bainhira ita fó autorizasaun. Segundu, haree ba impasse polítika ne’ebé durante ne’e ita iha, seidauk rezolvidu, entaun presiza haree mós ida ne’e lai, molok autoriza ita-nia nai Prezidente Repúblika halo viajen ba rai liur, tanba em nome nasaun ida ba iha nasaun ida, klaru katak, atu ko’alia entre nasaun rua nia futuru, kona-bá kooperasaun bilateral entre nasaun rua nian maibé, haree ba impasse polítika iha rai laran nian, ate ohin loron ne’e sei pendente nafatin, seidauk rezolve. Tanba ne’e mak liu husi PN ida ne’e, nu’udar reprezentante povu iha uma fukun ida ne’e, hakarak molok ita atu viajen ba rai liur, ita presiza hadi’ak uluk iha ita nia rai laran, buat hotu rezolve, mak foin bele viajen ba liur, hodi diskute relasaun bilateral nian”, justifika deputadu Luis Roberto hafoin votasaun.

Lee hotu :   PD nota PPN Arão viola rejimentu PN

Iha fatin hanesan, deputada bankada FRETILIN, Josefa Âlvares Pereira lamenta ho asaun AMP ne’ebé vota kontra dala rua viajen Xefe Estadu nian, tanba bele fó impaktu ba relasaun bilateral, inklui hatudu imajen ne’ebé ladi’ak iha nasaun seluk nia haree.

“Razaun hanesan deputadu husi bankada governu fó ne’e, hanoin ne’e la’os fundamental, para atu tau hanesan polítika di’ak, tanba kuandu polítika di’ak, buat ne’ebé mak relasaun ho internasional, ita nunka kahur ho problema internal ita-nia nasaun nian, tanba ida ne’e la’os ba reuniaun hanesan babain, ne’e ba reuniaun iha organizasaun nasoens unidas, konserteza PR mós ema sei fó tempu atu ko’alia, Konserteza, PR hanesan ema ne’ebé iha esperiensia barak, nia sei la toka ita-nia situasaun polítika rai laran nian, tanba nia hatene katak, ne’e situasaun polítika interna, nia labele ba kahur ho saída mak internasionalmente, ne’e la’os razaun ema polítiku no reprezentante povu iha uma fukun PN”, afirma deputada FRETILIN ne’e.

Deputadu opozisaun ne’e subliña tan, ho la autoriza viajen PR ne’e, sei fó impaktu negativu ba relasaun entre Timor-Leste ho nasaun relevante sira.

“Ne’e iha mundu internasional, ne’e konserteza ema haree Timor-Leste ne’e saída iha relasaun internasionalmente, liu-liu reuniaun sira bo’ot hanesan ne’e, konserteza ema fó sira-nia hanoin kona-bá ita, ne’e iha impaktu, konserteza ne’e iha impaktu negativu ba ita-nia nasaun, la husik ita-nia PR ba tuir reuniaun iha ONU, tanba ne’e bebeik ona, tanba de’it ita-nia problema internu mak ita impata, problema interna ne’e la’os de’it Prezidente mesak mak atu rezolve, presiza ema hotu ne’ebé iha relasaun ho problema internu ne’e tu’ur hamutuk mak bele rezolve, la’os PR mesak, fila ba governu mós, konserteza presiza diálogu, ida-idak dada nia aan hodi defende ida-idak nia polítika ne’e labele”, tenik deputada Josefa.

Lee hotu :   PPN SEI REKOLLA KARETA PRADO HUSI EIS DEPUTADU

Tuir ajenda ne’ebé iha, tuir loloos, Xefe estadu Francisco Guterres Lú Olo atu halo viajen iha loron 18 fulan ne’e, hodi ba tuir simeira klimátika iha 23 fulan ne’e, inklui assembleia jerál ONU ba dala 74 iha Nova Iorque husi loron 24 to’o 30 fulan Setembru ne’e maibé, la konsege, tanba maioria deputadu iha Parlamentu Nasionál vota kontra pedidu viajen Xefe Estadu nian.

Antes ne’e, iha fulan Novembru tinan 2018, Xefe Estadu kansela vízita ba Santa sé, tanba Parlamentu Nasionál maioria deputadu mak vota kontra pedidu ne’e, hodi la autoriza Xefe Estadu, ho razaun atu rezolve uluk impasse polítika iha rai laran.say

Add to Comments Here!!!!

error: Content is protected.
Secured By miniOrange
You might also like:
PNTL Ainaro la tolera eis GAM treinu subar

Komandante Polísia Nasional Timor-Lorosa’e (PNTL) interinu ...

Membru Polísia ameasa atu oho membru KPK

Aniceto da Costa  núdar vitíma membru...

AJAR kritika Xanana Gusmão

Diretór Asia Justice And Right (AJAR),...

Close