JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN ajenda ona pedidu viajen PR ba RI ho Japaun

PN ajenda ona pedidu viajen PR ba RI ho Japaun

Parlamentu Nasionál (PN), ajenda ona pedidu viajen Prezidente Repúblika (PR) Francisco Guterres Lú Olo ba Repúblika Indonézia (RI) ho Japaun ba plenária iha loron 30, fulan Setembru, tinan ne’e.
Prezidente Parlamentu Nasional (PPN), Arão Noe informa, viajen ne’e sei hala’o iha loron 19 to’o 26 fulan Outubru tinan 2019 ne’e.
“Foin dadauk Prezidente Repúblika haruka fali pedidu ida mai, para husu asentimentu viajen ba Indonézia ho Japaun, iha dia 19 to’o 26 fulan Outubru tinan ne’e, ami ajenda ona ba plenária dia 30 fulan Setembru ne’e maibé, kabe ba desizaun plenária de’it”, informa Arão Noe da Costa Amaral ba jornalista sira iha salaun Hosana, hafoin partisipa konferensia the voice off the voiceless, Sábadu (21/09/2019).
Arão Noe haktuir, pedidu ne’e PR Lú Olo haruka ba PN iha semana kotuk, tanba ne’e ajenda no fiksa kedas data liu husi konferensia líder bankada sira nian.
“Karta pedidu ne’e rasik, Parlamentu Nasionál simu iha Kuarta feira semana kotuk, hafoin ne’e ami lori ona ba reuniaun líder bankada iha Kinta feira ne’e.
Tuir deliberasaun bankada sira hotu katak, fiksa de’it ba dia 30 fulan Setembru de’it, ajenda deslokasaun viajen PR nian”, relata PPN ne’e.
Relasiona ho kanselamentu pedidu viajen ba Nova Iorque, polítiku ne’e klarifika, maske nia parte hanesan Prezidente Parlamentu Nasionál maibé, nia nafatin kumpri desizaun polítika partidu nian, tanba partidu mak nomeia nia hanesan Prezidente ba meja Parlamentu Nasionál kinta lejislatura, tanba ne’e, bainhira bankada deside kontra, nia parte kumpri desizaun hanesan deputadu mós.
“PN Ne’e órgaun deliberativu, desizaun hotu mai husi reprezentante hotu, tanba ne’e kabe ba PN nia desizaun. Prezidente Parlamentu labele halo buat ida, tanba Prezidente PN ne’e moderadór, hanesan porta-voz de’it, Prezidente PN la’os órgaun desizivu, desizaun ba plenária, ne’e kompetensia plenária mak deside maibé, ida ne’e kabe hotu nia reflesaun, desizaun hotu liga ba mós orientasaun polítika partidu ida-idak nian, ita hein fali ajenda tuir mai”, katak Arão Noe.
Iha semana kotuk, Xefe Estadu Francisco Guterres Lú Olo kansela nia viajen ba Nova Iorque, hodi tuir assembleia jerál, tanba vota kontra husi deputadu maioria parlamentar, ho razaun atu konsentra uluk no rezolve impasse polítika iha rai laran, liu-liu posse ba kandidatu membru VIII Governu pendente sira.say

Lee hotu :   Governu la responde pergunta 29, AMP sei prosesa ba oin

Add to Comments Here!!!!

error: Content is protected.
Secured By miniOrange
You might also like:
Mari Alkatiri: FRETILIN lakohi iha tan eleisaun antesipada

Sekretáriu Jerál Partidu Frente Revolucionário Timor-Leste...

Dia 20/09/2019 || GMNTV LIVE STREAM || JORNAL NASIONAL KALAN

PCIC vai adquirir ambulância para apoiar investigação de homicídios

A Polícia Científica de Investigação Criminal...

Close