JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN hatudu lisaun ladiak ba jerasaun foun

PN hatudu lisaun ladiak ba jerasaun foun

Parlamentu Nasionál (PN) kontinua kansela Prezidente Repúblika (PR), Francisco Guterres “Lú Olo”, ba Nova Iorque, Diretór Ezekutivu Forum ONG Timor-Leste (FONGTIL), Daniel Santos da Carmo, konsidera PN hatudu lisaun ladiak ba jerasaun foun sira.

“Situasaun sira hanesan ne’e la lori referensia diak ba ita nia rai, no la sai referesensia diak ba ita nia jerasaun foun sira atu aprende. No ida ne’e ita bele hatete lisaun ida ne’ebé ladun edukativu, tanba ita ninia maneira ne’e mak hakarak deit halo polítika ida ne’ebé vinga malu, odi malu tanba interese polítika. Sé parlamentu halo polítika ne’ebé la hatudu sentidu nasionalizmu no kontinua iha interese partidaria ne’e hatudu lisaun la diak ba ita nia rai, ita tenke separa sasan ne’e, maske ita iha problema interna”, deklara  Daniel Santos do Carmo, ba jornalista sira iha Salaun João Paulo II, Komoro, Díli Kuarta (18/09/2019).

Nia esplika, sé ida ne’e kontinua ejiste, ne’e hatudu katak Parlamentu Nasionál rai hela lisaun at iha nasaun ne’e liu-liu ba lider jerasaun foun sira tuir mai, tanba ne’e nia lamenta tebes ho polítika ne’ebé nakonu ho odiu no vigansa.

“Ami lamenta tanba Prezidente Repúblika atu ba Nova Iorque, ne’e reprezenta Estadu Timor-Leste, tanba ita sai hanesan Estadu membru, signifika atu ko’alia Estadu Timor-Leste nia naran morin ka naran diak mundu internasioná liu-liu Nasoens Unidas”,Haklean Daniel do Carmo.

Iha fatin hanesan  Akadémiku, Francisco Soares, lamenta ho desisaun Parlamentu Nasionál nian ne’ebé kontinua kansela Xefe Estadu nia viajen ba rai liur, tanba Xefe Estadu ba Nova Iorque la’os ba asuntu privadu maibé ba interese nasaun nian.

Lee hotu :   Marí Alkatiri: Timor-Leste labele kontinua moris ho nostaljia

“Ita esforsu an hela atu adezaun ba ASEAN, maibé iha parte seluk parlamentu kansela bei-beik Prezidente Repúblika ninia viajen. Ne’e ba asuntu nasional liu-liu Timor-Leste nia interese, tanba ne’e polítika ho laran oituan labele foti liman deit”, preokupa ni.

Francisco Soares haktuir, bainhira kansela bei-beik vijen Xefe Estadu ne’e hatudu imajen ne’ebé ladiak ba jerasaun sira tuir mai, tanba polítika ne’ebé nakonu ho odiu no viganja.

Enkuantu tuir ajende Prezidente Repúblika, Francisco Guterres Lú Olo aranka ba Nova Iorque iha loron 18 fulan ne’e, maibé Parlamentu Nasionál deside kansela viajen Xefe Estadu nian, tanba ho razaun membru governu nain 9 ne’ebé mak seidauk simu posse. Aes

Add to Comments Here!!!!

error: Content is protected.
Secured By miniOrange
You might also like:
Disputa rai iha Kaitehu, Xanana konsidera ME tau lutu iha rai Estadu

Lider Karismátiku, Kay Rala Xanana Gusmão...

Dia 18/09/2019 || GMNTV LIVE STREAM || JORNAL AS 12

Dia 18/09/2019 || GMNTV LIVE STREAM || DADER KMANEK

Close