JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

POLÉMIKA KARETA PRADO, PN SUBMETE ONA KARTA BA MP-PGR

POLÉMIKA KARETA PRADO, PN SUBMETE ONA KARTA BA MP-PGR

Prezidenti Parlamentu Nasional (PN), Arão Noe deklara, dau-daun ne’e PN sei hein hela desizaun husi Ministériu Públiku (MP), kona-bá kareta ho marka Prado ne’ebé to’o agora eis deputadu balun seidauk entrega.

“PN haruka ona karta ba MP relasiona ho prosesu kareta prado ne’ebé to’o oras ne’e eis deputadu III lejislatura balun seidauk entrega PN, PN haruka ona karta, nune’e ita hein prosesu desizaun husi MP atu foti, tanba prosesu ne’e la’os ona iha PN”, hateten Prezidenti PN ba jornalista sira iha PN, Tersa (10-09-2019), hodi responde preokupasaun  Movimentu Univesitáriu Timor-Leste (MUTL) ne’ebé kontinua kestiona kona-bá  paradeiru kareta prado.

Nia esplika, prosesu ne’e PN entrega ona ba MP, nune’e ida ne’e kabe ba prosesu judisial atu desidi kona-bá estatutu kareta refere.

Antes ne’e, MUTL hala’o manifestasaun hodi kontra desizaun husi deputadu V legislatura, bainhira atu sosa kareta foun ba deputadu sira, tanba hakarak eis deputadu III lejislatura entrega kareta prado, nune’e deputadu foun sira bele uza.

Relasiona ho kestaun ne’e MUTL kontinua apelu ba eis deputadu III lejislatura sira, atu entrega hikas kareta prado ne’ebé sira uza ba PN.

Tuir dadus ne’ebé GMN asesu iha loron 18, fulan Setembru, tinan 2018 katak, deputadu III lejislatura na’in 3 mak entrega ona kareta ba PN.

MUTL husu eis Deputadu entrega hikas kareta Prado ba PN

Nune’e mos, Movimentu Universitariu Timor-leste (MUTL), apela ba eis Deputadu terseira legislatura balun ne’ebé seidauk entrega kareta prado ba Parlamentu Nasional (PN), tenke konsistensia ba desizaun hodi entrega hikas kareta prado ba PN.

Porta voz MUTL, Fidel Walili hatete, deklarasaun ne’ebé antes ne’e eis Membru Deputadu Parlamentu terseira lijislatura sira halo hanesan  konspirasaun ba povu nia hanoin deit, maibé laiha akta ida ne’ebé asina entre PN ho MUTL maske antes ne’e PN  rasik mak koalia,  iha momentu ne’ebé MUTL halo asaun kontra PN ba kareta prado, maibé sira la kumpri.

Lee hotu :   PEP sei hari´i uma ba oan kiak no idozos

“ MUTL kontinua afirma ami nia pozisaun ba públiku katak, tempu badak lia laran MUTL sei halo demostrasaun hasoru PN konaba problema kareta prado, ne’ebé to’o oras ne’e eis deputadu terseira legislatura balun seidauk entrega ba Deputadu foun atu  uza,” dehan Porta voz MUTL, Fidel Walili, ba JN-Diário liu husi komferensia imprensa tersa (10/09/2019) iha Universidade UNTL Sentral Dilí.

Fidel Walili, haktuir iha tempu badak MUTL sei halo demostrasaun tamba MUTL konsidera problema kareta prado hanesan problema sosial, ne’ebé eis Deputadu terseira legislatura kontinua privatiza kareta Estadu hanesan sira nia sasan.

Tamba ne’e iha tempu badak MUTL sei halo demostrasaun hasoru Parlamentu Nasional, inklui iha planu hakarak atu hasoru direita  eis Deputadu terseira legislatura sira, hodi halo akta akordu ida entre MUTL ho sira, nune’e bele solusiona problema ne’e maibé kuandu sira laiha interesse ba akta ne’ebé sira halo mak MUTL sei lori akta ne’e ba iha prosesu justisa. Ety/Fel

Add to Comments Here!!!!

error: Content is protected.
Secured By miniOrange
You might also like:
MS SEI APOIA ORSAMENTU RIHUN USD 180 BA KLÍNIKA BAIRO-PITÉ

Ministériu Saúde (MS) sei apoiu orsamentu...

XANANA HIRUS TRIBUNAL TANBA TAKA DALAN BA FATIN DULAS FATUK IHA LIQUIÇA

Eis Primeiru Ministru, Kay Rala Xanana...

KONTINUA SERVISU IHA AUSTRALIA, JÚLIO:“TRABALLADOR NE’E DIAK LIU”

Preokupasaun públiku ne’ebé kestiona kona-ba traballadór...

Close