JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Arão Noe: Timor-Leste la infrenta impase polítiku

Arão Noe: Timor-Leste la infrenta impase polítiku

Prezidenti Parlamentu Nasional (PPN), Arão Noe, hateten, Timor-Leste la infrenta impase polítiku, tanba prosesu orgaun soberanu hat (4) hala’o ninia kna’ar tuir konstituisaun República Democrática de Timor-Leste (RDTL).

“Ha’u hanoin impase polítiku la akontese, tanba ita nia Estadu Direitu Demokrátiku, prinsípiu demokrásia, nune’e proseu la’o tuir konstituisaun no lei ida ne’e mak sai ita nia fundamentu órgaun ne’ebé Estadu kria, Estadu iha duni separasaun poder entre órgaun iha interdependensia ba malu, Prezidenti Repúblika (PR) atu promulga lei ruma, maibé só governu ho Parlamentu Nasional (PN) mak iha kompetensia halo  lei, PR hatene deit promulga ka veta”, PPN ne’e ba jornalista sira hafoin partisipa debate aberta Voice of the Voices epozódiu datoluk, iha salaun São José Catedral-Díli, Sábadu (12-10-2019).

Xefi Órgaun Lejislativu ne’e informa, Timor-Leste la infrenta impase polítiku, tanba instituisaun sira funsiona tuir konstituisaun RDTL, artigu 106 kona-bá formasaun governu, nune’e órgaun soberania hala’o tuir ninia kna’ar.

“Maski iha debate ne’e, panelista balun dehan Timor-Leste oras ne’e dau-dauk infrenta impase polítiku no balun hateten Timor-Leste la infrenta impase polítiku, ha’u haree husi panelista sira ne’ebé  aprezenta, ha’u konkorda ho sira laiha impase polítiku, tanba instituisaun sira funsiona hela, konstituisaun artigu 106 kona-bá formasaun governu órgaun soberania ida hala’o tuir nia kna’ar importante fundamental mak ita nia fundador Estadu ne’e, iha loron 28, fulan Novembru, tinan 1975 deklara, Estadu Direitu Demokrátiku, tanba prinsípiu demokrátiku ita tenki respeita, sé respeita prosesu rezultadu demokrátiku”, haktuir PPN.

Prezidenti Komisaun Nasional Justisa no Paz (KNJP), Padre Hermínio de Fátima Gonçalves, hateten, ho situasaun ne’ebé akontese iha Timor-Leste, KNJP hala’o programa debate aberta Timor-Leste Voice of the Voices, ho intensaun atu troka ideia no fó inspirasaun ba sosiedade kona-bá situasaun ohin loron ni’an.

Lee hotu :   Mari Alkatiri: Mandatu prezidente RAEOA mak remata maibe fundadór Estadu sei la remata

“Oinsa mak bele motiva sosiedade, ita hotu, sai ohin loron balun dehan impase, balun dehan la impase no situasuan falladu, ita tenki sai husi ne’e, labele mout iha nia laran, tinan hirak nia laran, iha ita nia laran situasaun ne’ebé oras dau-dauk ne’e akontese mak membru governu la kompletu, kansela viajen PR, ha’u pesimizmu, tanba situasuan naruk demais, ita nia funsionamentu departamentu sira, edukasaun la’o ladún ho kualidade no saúde ita tenki haree labele tur metin iha fatin deit“, tenik Padre Hermínio.

Debate aberta Voice of the Voices epizódiu datoluk ne’e ho tema dezenvolvimentu ba solidária no fraternal, tan sá iha impase polítiku. Debate ne’e partisipa husi panelista sira mai husi  veteran, sosiedade sivíl no universitáriu sira.

Antes nee sosiedade Sivil sira konsidera Timor- Leste infrenta hela impase politiku, tanba membru governu ladauk kompletu nunee mos Parlamentu Nasional sempre halo kanselamentu ba viajen Prezidente Republika nian ba rai liur.ety

Add to Comments Here!!!!

error: Content is protected.
Secured By miniOrange
You might also like:
PR Lú Olo : Orgaun Estadu labele sai opozisaun hodi taka dalan ba malu

Prezidente Repúblika (PR), Francisco Guterres ‘Lú...

KAK hein promesa Manuel Cárceres atu bongkar mafiozu

Komisáriu Komisaun Anti Korupsaun (KAK), Sergio...

Oan Soru : Verifikasaun dadus agora nee laiha ona aman sarani

Sekretario Estadu Veterano no Kombatetes Libertasaun...

Close