JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Atu hakotu impasse polítika, AMP tenki konvoka diálogu ho PR

Atu hakotu impasse polítika, AMP tenki konvoka diálogu ho PR

Prezidente Partidu Demokátiku (PD), Mariano Asanami Sabino hatete, atu hakotu impasse polítika ne’ebé kontinua eziste iha Timor-Leste (TL), líder koligasaun Aliansa Mudansa ba Progresu (AMP), tenki konvoka diálogu ho Prezidente Repúblika (PR), Francisco Guterres Lú Olo.

Asanami haktuir, impase polítika iha rai laran ne’e, tenki remata ona atu nune’e, bele konsentra de’it ba prosesu dezenvolvimentu no povu nia moris di’ak.

“AMP tenki halo diálogu ho Prezidente Repúblika, oinsa mak bele tu’ur hamutuk, hodi rezolve lalais impasse polítika ne’e, no oinsa para governu ne’e la’o, tanba governu ne’e Estadu, hakarak ka lakohi governu ne’e kompletu, para depois serví ba povu ne’e ho aselera. Demokrasia mak fó dalan hodi halo kompetisaun, depois kuandu eleisaun remata ona, demokrasia ne’e tenki delivera, delibera ba moris di’ak, labele la’o ladi’ak fali”, hatete Mariano Asanami Sabino ba jornalista GMN, bainhira partisipa grande intervista iha estudiu 2 GMN Bebora Díli, Kinta(10/10/2019).

Asanami afirma, maske Primeiru Ministru, Taur Matan Ruak ho Xefe Estadu sempre hasoru malu kada semana maibé, presiza konsentra asuntu no komunikasaun ho másimu liutan, nune’e bele hakotu ona impasse ne’e, hodi konsentra ba aspeitu ba dezenvolvimentu nian.

“Komunikasaun ne’e tenki mais  kreativu, oinsa para haree asuntu ne’e, ha’u fiar katak, PR ho PM kada Sesta hasoru malu hela de’it, devia tenki buka dalan ona para rezolve tiha, tanba se ministru ida ka’er de’it ministériu ida mós defisil atu kontrola ka jere, oinsa ka’er tan ministériu rua tolu, ne’e defisil tebes, tanba ne’e, di’ak liu mak ita halo kompleta, para nune’e bele aselera ona dezenvolvimentu ne’e. Governasaun ne’e iha buat 4 mak importante, ida governu tenki fó garantia ba estabilidade, la’os de’it seguransa ho defeza maibé, ekonomia mós. Alende ne’e, parte daruak nian, governu tenki kria kampu traballu ba joven sira, tanba agora ita-nia joven sira barak liu, tinan-tinan tenki ba Irlandia no Inglatera, tanba iha nia rain rasik nia Estadu la kria kampu traballu ba sira.

Lee hotu :   AMP deside halo remodelasaun ba VIII Governu  Xanana la partisipa konferensia AMP

Nune’e governu mós tenki sai sasukat mós oinsa mak hasa’e rendimentu, hasa’e kresimentu ekonómiku ne’e, tanba ne’e, kresiemntu ekonomia ne’e tenki sa’e maibé, agora ne’e ita tu’un aat liu, depois ikus liu, tenki iha balansu pagamentu katak, oinsa mak ita-nia ekonomia ne’e bele la’o di’ak, ho sasán tama no sai, tenki iha velosidade hanesan maibé, atu konsentra ba buat 4 ne’e, ministériu tenki kompletu para ministériu sira iha koordenasaun iha servisu hamutuk hodi bele aselera aspeitu 4 ne’e. Presiza ko’alia hamutuk no haree oinsa mak ida-ida bele hala’o mós ninia funsaun, tanba ne’e semi prezidensialista, Parlamentu mak hahoris governu, fó lejítimu ne’e husi PR maibé, instituisaun ida-idak iha podér rasik ne’ebé ida-ida iha diskrisaun ne’ebé mak konstituisaun fó, ita iha balansu maibé, mós ita iha dependensia ba malu labele haluha katak, PR, TR, PN ho governu ne’e komponente importante ba Estadu ne’e tomak, para aselera dezenvolvimentu, no atu serví povu nia di’ak”, tenik Sabino.

Entertantu, impasse polítika ne’ebé ladauk hotu no kontinua ejiste iha Timor-Leste, tanba kandidatu membru governu nain 9 ne’ebé Xefe Estadu husu AMP halo pondera hodi lakohi fó posse.say

Add to Comments Here!!!!

error: Content is protected.
Secured By miniOrange
You might also like:
Kaixa Rakambia apoiu SEAV lori KV halo juramentu

Kaixa Ramelu Kablake no Matebina (Rakambia)...

ADB desidi muda ona TL husi Pasífiku ba Sudeste Aziátiku

Sekretáriu Jeral (SekJer), Ministériu dos Negoçios...

Caso que envolve aquisição de veículos Vicente Guterres alega desconhecer troca de veículos

Foto:Google O ex-Presidente do Parlamento Nacional,...

Close