JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu sosa prado ba eis deputadu III lejislatura, João: “Ha’u asina kontratu atu salva osan Estadu”

Kazu sosa prado ba eis deputadu III lejislatura, João: “Ha’u asina kontratu atu salva osan Estadu”

Foto:Google

Tribunal Distrital Díli (TDD), iha Segunda, loron 21, fulan ne’e, kontinua hala’o julgamentu ba kazu sosa kareta ho marka prado ba deputadu III lejislatura, ne’ebé deskonfia involve mós arguidu na’in tolu (3), hanesan eis Prezidenti Parlamentu Nasional (PN), Vicente Guterres, João Rui Amaral no Fransisco da Costa Soares.

Iha julgamentu kontinuasaun ne’e, tribunal fó tempu ba arguidu , João Rui Amaral hodi fó ninia deklarasaun kona-bá ninia involvimentu iha  kazu ne’e, tanba ne’e, iha audénsia ne’e arguidu rekoñese asina duni kontratu ho kompañia Midori Motors, hodi fornese kareta prado ba deputadu sira, maibé ho intensaun atu salva osan Estadu, hodi kesi metin kompañia ne’e, tanba momentu ne’ebá mosu krizi finanseira.

“Orientasaun ne’ebé ha’u simu husi eis Prezidenti PN, Fernando Lasama de Araújo katak, prepara planu orsamentu hodi sosa kareta ba deputadu sira no orientasaun ne’e antes aprovasaun iha PN, depois de hetan aprovasaun, PN submete planu ne’e ba Ministériu Finansas (MF), hodi hetan aprovasaun, maibé planu ne’e atu sosa deit kareta ba deputadu espesializada permanenti 26, maski nune’e, iha diskusaun oi-oin, entaun desizaun final sosa kareta ba deputadu sira hotu hamutuk 65, depois de hetan aprovasaun Lasama orienta mai ha’u atu verifika kareta nia presu iha merkadu no iha tempu hanesan iha kompañia tolu mak ba hatama proposta, maibé proposta hirak ne’e ami envia hotu ba MF no ikus mai ha’u asina kontratu ho kompañia Midori Motors, hodi sosa kareta 65 ba deputadu sira ho intensaun atu salva osan Estadu, nune’e, kompañia labele halimar ho presu kareta no molok ha’u asina, ha’u konsulta ho Vicente Guterres ne’ebé iha tempu ne’ebá asumi kna’ar hanesan Prezidenti PN interinu no nia parte mos iha koñesimentu”, deklara arguidu iha audénsia.

Lee hotu :   Fila ba deputadu iha PN, Sosiedade sivíl konsidera CNRT proteje Kalbuadi

Alende ne’e, nia mós deklara depois de asina kontratu ho kompañia, iha mudansa espesifikasaun ba modelu kareta husi toyota prado ba fali mitsubishi prado ne’ebe MF no kompañia halo, tanba ne’e, parte MF bolu arguidu hodi konfirma no ikus mai hetan aprovasaun iha PN.

Hafoin rona husi arguidu, juíz prezidi marka fali audénsia ba loron seluk, hodi kontinua rona husi arguidu Fransisco da Costa Soares.

Entretantu arguidu sira deskonfia komete krimi partisipasaun ekonómia no negósiu, ne’ebé previstu iha artigu 299, husi kódigu penal Timor-Leste relasiona ho projetu sosa kareta prado ba deputadu III lejislatura ne’ebé fó prejuízu ba Estadu ho montante USD 400 ba kada kareta.

Audénsia ba julgamentu ne’e prezidi husi juíz kolektivu, Afonso Carmona, Antonio Fonseca no juíz estajiariu, MP reprezenta husi prokurador, Jacinto Babo no arguidu sira hetan asisténsia legal husi advogadu privadu. ita

Add to Comments Here!!!!

error: Content is protected.
Secured By miniOrange
You might also like:
Mate-isin eis MD Cirilio translada ona mai TL

Mate-isin Eis Ministru Defeza (MD) Timor-Leste,...

FRETILIN: Durante tinan 10 governu gasta osan saugati deit

Reprezentante povu iha uma fukun Parlamentu...

Promete bongkar mafia, CNRT: Bainhira mak MJ bongkar mafia

Reprezentante povu iha uma fukun Parlamentu...

Close