JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN aprova reformulasaun LFP FRETILIN kontinua konsidera inkonstitusional

PN aprova reformulasaun LFP FRETILIN kontinua konsidera inkonstitusional

Parlamentu Nasional (PN) iha Tersa, loron 8, fulan ne’e, aprova ona reformasaun ba Lei Fundu Petrolífera (LPF), hafoin pasa iha final global ho votus a favor 34, kontra 24 no abstensaun 3.

Antes ne’e, Tribunal Rekursu (TR) deklara alterasaun ne’ebé mak introduz ba Lei Atividade Petrolífera (LAP) ho Lei Fundu Petrolíferu (LFP) ne’e inkonstitusionál, tanba ne’e, PR halo vetu ba lei sira ne’e, iha loron 28, fulan Agostu, tinan ne’e, hodi haruka fali ba PN hodi halo alterasaun.

Prezidenti PN, Arão Noe hateten, depois de PN aprova reformulasaun LFP no halo alterasaun ba dekretu númeru 9, PN sei haruka fali ba Prezidenti Repúblika (PR), Francisco Guterres “Lú Olo” hanesan projetu lei foun.

 “Bazeia ba ida ne’e mak ha’u halo inisiativa halo ajenda, hodi halo debate, razaun ida mós tanba fulan rua ba oin komesa loron 15, Orsamentu Jeral Estadu (OJE) tinan 2020 tama mai PN, ita labele halo aktividade seluk, ho razaun ida ne’e mak fundamenta hodi tau iha ajenda, halo reparesiasaun ba dekretu ne’e molok OJE tama, dekretu lei ne’e bele rezolve tiha, reapresiasaun iha dalan tolu hanesan  konfirmasaun votus, alterasaun no plenária bele konsidera katak bele husik tiha de’it, maibé iha reformulasaun opsaun ida ne’ebé deputadu sira foti hodi aprezenta proposta ne’ebé halo alterasaun ba dekretu 9 PR veta, halo alterasaun aprova duni”, Prezidenti PN ne’e ba jornalista sira hafoin remata diskusaun no aprovasaun LFP iha PN.

Xefi Órgaun Lejislativu ne’e informa katak, textu ne’e sira sei halo fali redasaun final ba komisaun C, remata ida ne’e mak haruka fali ba PR hanesan projetu foun.

Lee hotu :   Bankada 5 iha PN, Promete aprezenta proposta lei KAK

Maibé husi bankada Frente Revolucionário do Timor-Leste Independente (FRETILIN) foti desizaun vota kontra reformulasaun ba LFP, tanba proposta reformulasaun la muda konteúdu no mantein inkonstitusional.

Xefi bankada FRETILIN, Aniceto Guterres deklara, sira vota kontra  proposta reformulasaun ne’ebé deputadu bankada AMP sira hato’o, ne’e mantein nafatin artigu sira ne’ebé tribunal deklara tiha ona inkonstitusional.

“Proposta reformulasaun ne’e halo deit mudansa ba redasaun, maibé la muda konteúdu no la muda sentidu, tanba ne’e, proposta reformulasaun ba lei refere kontinua inkonstitusional, ami vota kontra, ami la komprende tanba senáriu reformulasaun, tuir giaun hanesan preparadu senáriu espulgasaun, proposta espulgasaun iha ne’e tiha ona, testu foun diploma iha tiha ona, ita deskute ida ne’e bankada parlamentar halo intervensaun ba ida ne’e, la’os halo intervensaun husu espulgasaun. Deputadu AMP sira halo proposta ba reformulasaun ne’e atu sees husi rekerimentu konstitusional ba aprovasaun, atu halo konfirmasaun hodi haruka fila-fali lei ne’ebé inkonstitusional ba PR, tanba proposta reformulasaun hirak ne’e sei inkonstitusional, nune’e laiha fatin ba PN atu halo diskusaun ka votasaun”, afirma Xefi bankada FRETILIN ne’e. ety

Add to Comments Here!!!!

error: Content is protected.
Secured By miniOrange
You might also like:
Korea du Sul selebra tinan 20 destakamentu forsa armada korea nian iha Timor – Leste

Tenente Jeneral Forsa Armadas  Korea do...

TL sei infrenta mini forsa traballu Infantil

Rezultadu peskiza Infantíl no mini forsa...

Rekrutamentu militar obrigatóriu implika ba orsamentu Estadu

Ministru Defeza no  Interior Interinu,  Filomeno...

Close