JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN exiji komando PNTL hasa’e kapasidade jestaun prevensaun

PN exiji komando PNTL hasa’e kapasidade jestaun prevensaun

Prezidenti Komisaun B ne’ebé trata asuntu defeza no seguransa, iha Parlamentu Nasional (PN), deputadu Adérito Hugo da Costa husu ba Komando Jeral Polísia Nasionál Timor-Leste (PNTL) atu kontinua servisu maka’as liu tan, atu nune’e, bele hasa’e kapasidade jestaun ba prevensaun, hodi prevene konflitu sira ne’ebé kontinua mosu.

Deputadu ne’e mós sujere, atu polísia labele mosu deit hodi halo atuasaun, maibé polísia presiza halo patrullamentu ho máximu liu tan, atu labele mosu konflitu hirak ne’e.

“Tenki amenta kapasidade jestaun ba prevensaun ni’an no hadi’a sistema prevensaun ni’an, autoridade kompetente sira presiza iha mapamentu ba fatin ne’ebé rizku, hanesan iha kapital Díli inklui iha munisipiu sira, ita akompaña iha munisipiu ladún, maibé iha Díli deit mak númeru konflitu ne’e mosu maka’as, tanba ne’e, komando Jeral, komando distritu no eskuadra sira, atu tau medida prevensaun ne’e importante tebes, halo movimentasaun oras 24 iha kapital Díli, ne’e importante, liu-liu iha área risku hirak ne’ebé atu mosu perturbasaun orden públiku ne’e”, Prezidenti komisaun B PN ne’e ba jornalista sira iha PN, Segunda (21-10-2019).

Aderito Hugo afirma, PNTL mós tenki kontinua halo investigasaun kle’an, hodi buka hatene motivu husi krimi ne’e, organizadu ou la’e, no tanba sá mak kontinua mosu.

“Ida ne’e la’os fallansu, maibé kapasidade jestaun operasionaliza situasaun mak menus, la hatene tanba saida?, mina mak laiha ka ou osan mak laiha?, ita la hatene loos, maibé ami husi komisaun ne’ebé ka’er asuntu defeza no seguransa, kontinua nafatin alerta ba komando PNTL iha nasional, munisípiu no eskuadra sira, inklui unidade espesial sira ne’ebé destaka, atu matan moris nafatin halo servisu, tanba prevensaun ne’e mak importante, la’os hein deit akontese mak foin mosu ba, medida prevensaun ne’e mak importante liu, servisu polísial ne’e labele para, nein oras 1, durante oras 24 tenki prontu, hodi garante estabilidade seguransa ba povu, liu-liu iha kapital Díli”, alerta Hugo.

Lee hotu :   TLPDP apoia kareta haat ba PNTL

Reprezentante povu husi bankada CNRT ne’e mós, apelu ba povu hotu, atu labele ta’uk, maibé kontinua halo movimentu ho livre iha kualker oras no tempu, tanba ne’e direitu, sé iha impedimentu ruma, iha autoridade polísial atu halo ninia servisu.

Iha fulan Outubru ne’e, mosu ona konflitu iha suku Comoro, Madohi, suku Motael (Farol-red) no selu-seluk tan, ne’ebé konsege rezulta vítima balun baixa iha Hospitál Nasionál Guido Valadares (HNGV), tanba sofre kanek todan. say

Add to Comments Here!!!!

error: Content is protected.
Secured By miniOrange
You might also like:
KAFI halo ajudikasaun kontratu ba projetu 35

Bankada FRETILIN iha uma fukun Parlamentu...

Kazu sosa prado ba eis deputadu III lejislatura, João: “Ha’u asina kontratu atu salva osan Estadu”

Foto:Google Tribunal Distrital Díli (TDD), iha...

Mate-isin eis MD Cirilio translada ona mai TL

Mate-isin Eis Ministru Defeza (MD) Timor-Leste,...

Close