JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Veteranus no kombatentes Díli nian hahú konfirma naran

Veteranus no kombatentes Díli nian hahú konfirma naran

Veteranus no kombatentes libertasaun nasionál iha Munisípiu Díli hahú ba konfirma naran iha kada sede postu administrativu, tuir lista ne’ebé ekipa servisu komisaun omenajen taka ona iha kuadru avizu.  

Dadaun ne’e veteranus kombatentes libertasaun nasionál no família mártir sira ba iha kada sede postu administrativu sira iha munisípiu Díli hodi haree sira nia naran tuir lista ne’ebé mak ekipa servisu Komisaun omenajen sira hamutuk ho ekipa administrasaun postu taka sai iha postu administrativu sira.

Lista hirak ne’e Komisaun Homenajen sira taka hotu iha Munisípiu hortu-hotu iha teritóriu tomak.

Lista naran veteranus no kombatetens libertasaun nasional ne’ebé refere iha kuadru avizu iha postu administrativu Cristo Rei, Postu administrativu Dom Aleixo, Vera Cruz no mós postu administrativu sira ne’ebé partense ba Munisípiu Díli.

Administradór Postu administrativu Cristo Rei, Gaspar da Silva, husu ba  veteranus kombatentes libertasaun nasional no família mártires atu hakat ba sede adiministrasaun postu refere hodi haree naran nune’e karik naran la iha ba haree fali lista iha kuadru avizu iha kada munisípiu rai moris fatin.

“Ho ida ne’e ha’u mos hasai ona karta ba xefe suku sira, atu orienta ba xefe aldeia sira para avisa ba komunidade sira ne’ebé rejistu iha altura ne’eba bele hakata mai hodi konfirma naran iha kuadru avizu. Dadus ida ne’e tuir sira komisaun homenajen foti iha 2003 no 2009, tanba ne’e mak ba sira ne’ebé naran la taka sai, ne’e labele triste, maibe ba haree fali naran iha munisipiu sira rai moris fatin, e informasaun ida ne’e ami hato’o bazeia ba komisaun homenajen hato’o ba ami”, afirma Administradór Postu administrativu Cristo Rei, Gaspar Da Silva.

Lee hotu :   Deskonfia haliis ba partidu, Taur sei kesar elementu PNTL Viqueque ba Julio Hornay

Afonço Rodrigues nu’udar veteranus husi suku Madohi, Postu Administrativu Dom Aleixo Munisípiu Díli hateten rezeita no lakohi ba haree naran iha munisípiu Liquiça tanba ninia partisipasaun durante rezisténsia nia hala’o iha Díli nune’e rejistu mós iha Díli iha tinan 2009.

“Ha’u mai haree naran, ha’u nia naran seidauk taka sai, ha’u rejistru iha suku komoro iha altura ne’eba, e ha’u nia partisipasaun luta mos hala’o iha Díli la’os halo iha Liquiça, tanba ne’e mak hau sei la ba haree naran iha foho,” hateten Veteranus Husi Suku Madohi, Afoço Rodrigues.

Lista veteranus no kombatentes libertasaun nasional hirak ne’ebé dadauk ne’e Komisaun Homenajen taka ona iha Postu Administrativu sira no munisípiu sira iha territóriu tomak Timor-Leste ne’e bazeia ba dadus husi tinan 2003 no 2009 nian. Ito

Add to Comments Here!!!!

error: Content is protected.
Secured By miniOrange
You might also like:
Ema tuda rahun kareta ida iha bairu My Friend “PNTL labele koalia situasaun normal”

Konfrontu entre joven sira  iha bairu...

Estudante iha TL tuir ezame nasionál

Estudante husi ensinu báziku nunu anu...

Konfrontu iha Mascarinhas, Janela eskola UNDIL nian rahun inklui uma abitante ida

Konfrontu entre estudante Universidade Díli (UNDIL) ho...

Close