JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Arão Noe: TR tenke konsistente foti desizaun ba LFP-LAP

Arão Noe: TR tenke konsistente foti desizaun ba LFP-LAP

Prezidenti Parlamentu Nasional (PN), Arão Noe, husu ba Tribunal Rekursu (TR) tenki konsistente foti desizaun ba Lei Fundu Petrolíferu (LFP) no Lei Aktividade Petrolífera (LAP), ne’ebé Xefi Estadu, Francisco Guterres “Lú Olo” haruka ba, hodi halo fiskalizasaun.

“Ami simu ona notifikasaun husi tribunal no tribunal deklara kona-bá alterasaun LAP, artigu 22 konstitusional, LFP mak alterasaun aditamentu artigu 15 A, ne’ebé numeru 2, tribunal deklara konstitusional, iha númeru 3 maka tribunal deklara inkonstitusional, PN sei hein deisizaun husi Xefi Estadu”, Prezidenti PN ne’e ba jornalista sira iha PN, Tersa (19-11-2019).

Xefi Órgaun Lejislativu ne’e, akresenta, razaun PN husu TR foti desizaun ho konsistensia, tanba desizaun TR antes ho agora la hanesan, nune’e hamosu dúvidas.

Dúvida ne’e, bazeia ba desizaun lei rua refere, ne’ebé TR deside inkonstusional sai fali konstitusional no konstitusional sai fali inkonstitusional.

“Ho desizaun hirak ne’e halo ami dúvida, desizaun la klaru, tanba ida ne’e, refere mai konstitusional, ida halo referensia mai iha ne’e inkonstusional la iha koerensia, ami dúvida ho asuntu hirak ne’e no iha desizaun balun hateten desizaun uluk oin seluk, tribunal deside fali mai ho oin seluk, kontradis, ami dehan bele akontese inkonsistensia desizaun bele iha, maski PN la kestiona desizaun husi tribunal, maibé bele fó impaktu ba desizaun, tanba sá uluk oin seluk no desizaun agora oin seluk, uluk balun loos, maibé tuir fali mai laloos no uluk laloos tuir fali mai loos”, afirma Arão Noe.

Maski nune’e, lei rua refere dau-dauk ne’e sei iha meja Prezidenti Repúblika (PR), Francisco Guterres “Lú Olo” no PN sei hein desizaun saáda maka sei foti.

Lee hotu :   Hafoin governu fó konfiansa lidera RAEOA-ZEESM, LuGu prontu asumi kargu ne’ebé nia simu

TR foti desizaun ba LFP no LAP iha semana kotuk no lei refere sei iha meja Xefi Estadu. Lei rua ne’e rasik antes ne’e, PN altera no haruka dahuluk iha pakote lei tratadu Fronteira Marítima (FM), maibé veta husi Xefi estadu bazeia ba rezultadu fiskalizasuan husi TR ne’ebé hatudu inkonstitusionalidade.

Hafoin ne’e, PN ho inisiativa aprezenta projetu lei foun, hodi altera artigu balun ne’ebé konsidera inkonstitusional no haruka fali ba Xefi Estadu, maibé Xefi Estadu haruka fali ba TR, atu bele halo fiskalizasaun abstrata ba lei refere durante loron 15 to’o loron 20. ety

Add to Comments Here!!!!

error: Content is protected.
Secured By miniOrange
You might also like:
Kliente W Four reklama sosa na’an kontaminadu ho ular

Kliente Supermerkadu W Four, ne’ebé lakohi...

Xanana Gusmão simu titulu doutor honoris causa

Universidade Cambodia, Kuarta (20/11), sei organiza...

Governu troka diretór sira arbiru halo Administrasaun Públika lao “rungu-ranga”

Ministru sira iha Oitavu Governu Konstitusional...

Close