JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu imkompletu implika ezekusaun, CNRT sei fó kartaun mean ba OJE 2020

Governu imkompletu implika ezekusaun, CNRT sei fó kartaun mean ba OJE 2020

Xefe bankada CNRT, deputadu Duarte Nunes, hatete, bankada CNRT iha dalan atu fó kartaun mean ka vota kontra Orsamentu Jerál Estadu (OJE) 2020 nian, tuir dalan demokrasia, tanba haree ba kapasidade ezekusaun ne’ebé implika husi membru Governu.

“Bele mós iha ligasaun, karik ita haree ba kapasidade iha ezekusaun, se kapasidade ezekusaun ladi’ak, durante ne’e ita dehan katak, ministru la kompletu mak ezekusaun hanesan ne’e, serake ba oin ne’e ita atu aumenta ka atu diminui, ita sei iha disksaun, ne’e diskusaun plenária, la’os ha’u ka bankada, ita buka hatudu razoens ne’ebé iha,  hotu-hotu konkorda, ne’e demokrasia, dalan mak ne’e. Ezekusaun ki’ik ne’e mak ita sei diskute, sei hatudu, se ezekusaun ki’ik oinsa, ministériu ne’e hakarak husu tan bele ka la’e, ami sei ko’alia, ita akompaña, ne’eduni ha’u labele adianta”, hatete Duarte Nunes ba jornalista sira, iha PN, Kinta (07/11/2019).

Maske nune’e, líder bankada CNRT ne’e afirma, deklarasaun ne’ebé deputada Virginia Ana Belo fó sai, la’os desizaun plenária nian, tanba plenária mak soberania no desizaun bo’ot liu.

“ Ne’e deputada mak ko’alia maibé, ida plenária mak ko’alia ne’e mak loos, buat hotu polítika ne’e hatene ona, deputadu iha liberdade atu ko’alia maibé, to’o iha plenária soberania mak sei deside, kartaun mak hatene. Rizku ne’e iha ne’ebé de’it, buat hotu laiha serteza maibé, importante ko’alia ba malu, buat hotu sei la’o di’ak maibé, ate agora AMP sei sólidu nafatin”,dehan Nunes.

Polítiku ne’e argumenta katak, problema kandidatu membru Governu pendente ladauk iha solusaun, tanba laiha razaun forte ruma ne’ebé aprezenta husi Xefe Estadu, hodi CNRT subtsitui nia ema hirak ne’ebé naran inklina iha lista.

Lee hotu :   Naimori rejeita mosu EA tanba AMP sólidu

 “Istória kona-bá membru pendente ne’e kleur ona, ita hotu hatene, ita kuandu dehan ema ne’ebé hatene ne’e, Prezidente hola desizaun ne’e tanba saída, Prezidente hatene mak hola desizaun, nia unipessoal, kuandu hola desizaun, la’os tanba asesor ka partidu ne’ebé mak ko’alia, tanba responsabilidade tomak ne’e iha Prezidente nia liman, entaun ne’e KRDTL mak tau ona, nia unipessoal, maibé sei karik razaun iha, ami troka tiha ona membru sira ne’e, dehan ema ne’e koruptór no buat sira ne’e maibé, razaun mai husi ne’ebé ita lahatene, loloos husi tribunal, tanba ita-nia lei mak haruka maibé, durante ne’e ami seidauk haree razaun ruma forte, tanba ne’e ita labele akuza A ka B hanesan ne’e, tanba ita lagosta, problema ne’e la’os gosta ka la gosta. Ita haree ba lei, se mak atu deside EA ne’e PR maibé, ita halo tiha ona, no liu  tiha ona, karik ita hotu hakarak ba?, Ita ba ema ida la reklama, ita ba de’it”, tenik deputadu CNRT ne’e.

Alende ne’e, Vise Xefe bankada FRETILIN, deputadu Francisco Branco konsidera, líder polítiku sira halimar liu no la sériu hodi trata asuntu Estadu nian, hodi hakotu impasse polítika iha rai laran.

“Líder bo’ot sira tuir loloos tu’ur hamutuk hodi ko’alia ona maibé, líder bo’ot sira-nia hahalok hanesan fali labarik ki’ik oan sira, entaun, ita la’os halimar berlindus maibé, ida ne’e kestaun Estadu no nasaun nian, ne’eduni fila-fali ba líder bo’ot sira, atu tu’ur hamutuk hodi ko’alia, hanoin rekursus humanus, kuadrus AMP barak, labele depende de’it ema na’in 9, depois ita paraliza Estadu tomak”, subliña Branco.

Deputadu opozisaun ne’e realsa, Governu unidade dalan di’ak ida maibé, lafasil, tanba presiza konsensus.

Lee hotu :   NAIMORI ORIENTA UZA UNIFORME KHUNTO  MANTEIN JURAMENTU IHA RAMELAU

Sei iha solusaun di’ak, bainhira hasoru malu direita entre líder polítiku sira.

“Ida ne’e la’os buat fasil ida atu deside, ne’e presiza konsensus, entre partidu hotu-hotu, tu’ur hamutuk hodi ko’alia, matan ho matan, ibun ho ibun, tu’ur hamutuk hateke malu ne’e ita bele rezolve ona”, katak Francisco.

Alende ne’e, Xefe bankada PD, deputadu António da Conceição mós konsidera, impasse polítika ladauk iha rohan, tanba mosu vingansa polítika bo’ot liu, la’os interesse Estadu.

“Provas ne’e tenke hatudu faktus iha Tribunal maibé, provas ne’e la’os ema ida-idak atu halo ninian de’it, konforme ninia hanoin, se iha buat ruma sala, loloos ne’e buka hatene lai, buat ne’e mai husi ne’ebé, ne’e persegisaun, ita labele halo buat hanesan ne’e, ne’e polítika vingansa, polítika odíu malu, polítika sira ne’ebé uluk karik laran moras malu buat sira iha kotuk-kotuk ne’eba, lori fali ba buat nasaun nian maibé, nia konsekuensia ne’e povu ki’ik sira”, salienta Conceição.

Deputadu PD ne’e reforsa, PD sempre ko’alia unidade nasionál maibé, presiza iha unidade nasionál ne’ebé tau aas interesse Estadu, la’os interesse grupu ka partidária.

“ Unidade nasionál uluk kedas ami ko’alia, desde iha sétimu Governu nia tempu, ate foti tan membru husi partidu seluk nian tama tiha ona, no partidu ne’e rasik vota kontra ninia ema sira, unidade nasionál ne’e signifika ema hotu bele hakruk ba ida ne’e maibé, tuir fali mai grupu ida nia hakarak iha mak foin dehan unidade nasionál ne’e ladi’ak, unidade iha grupu ida-nia interesse ne’e laloos,  unidade iha ema hotu nia interesse ne’e mak loos”, hatete António.

Lee hotu :   Komisaun Permanente kontinua lafunsiona hafoin EA

Líder bankada PD ne’e mós argumenta, PD deklara sei vota kontra OJE 2020 nian, bainhira uma laran AMP rasik ri’in lametin hodi tane nia uma AMP rasik.

“Rezolve problema sira ne’e ami fó ami nia votus, konfiansa ne’e ami fó nafatin, bainhira imi-nia uma laran moos, no metin hela hodi halo servisu maibé, uma laran lametin mai husu tulun fali iha uma tatís ne’e ami tama oinsa, bainhira taka hela odamatan metin, tanba ne’e mak ami aviza uluk tiha ona, se kondisaun ne’e mak la’o nafatin, ami la fó ami-nia votus apoiu maibé, agora sira uma na’in mak ameasa malu ne’e ita haree de’it, husik loron to’o mak ita haree”, afirma António da Conceição.

Antes ne’e, deputada KHUNTO, Olinda Guterres mós kestiona katak, governasaun AMP benefísia husi PLP de’it, duke CNRT ho Khunto.

Alende ne’e, liu husi audiénsia públika entre komisaun espesializada sira ho kada ministerial, deputada Virginia Ana Belo mós ameasa vota kontra OJE 2020, bainhira laiha mudansa ba kolokasaun sira balun ne’ebé konsidera latuir kategória loloos, nune’e deputadu barak husi AMP mós preokupa, governasaun AMP ne’ebé lidera husi Primeiru Ministru, Taur Matan Ruak ne’e, nia ezekusaun OJE 2019 ki’ik maibé, OJE tinan 2020 Governu propoin ho montante bo’ot liu.

Iha semana ne’e mós, Prokuradór Jerál da Repúblika, José da Costa Ximenes deklara, kandidatu membru Governu na’in 9 ne’ebé pendente, la’os kestaun viola lei ruma maibé, tanba asuntu polítika.

Entertantu, kandidatu membru governu ne’ebé sei kontinua pendente,  mak hanesan, José Turquel, Francisco Kalbuadi Lay, Virgilho Smith, Amandio Benevides, Sergio Lobo, António Verdial, Helder Lopes, Jacinto Rigoberto.say

Add to Comments Here!!!!

error: Content is protected.
Secured By miniOrange
You might also like:
FRETILIN konsidera LuGu lidera RAEOA la tuir méritu ■ PM Taur: LuGu ema ida esperiénsia

Reprezentante povu iha uma fukun Parlamentu...

Lere: Jerasaun foun labele arogánte

Xefe Estadu Maior Jeneral F-FDTL, Maijor...

Marí Alkatiri: Situasaun atual grave tebes ■ EA la’os solusaun hakotu impase polítiku

Sekretariu Jerál Partidu FRETILIN, Mari Alkatiri,...

Close