JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Jose Luis Guterres promete buka solusaun ba Ró Haksolok

Jose Luis Guterres  promete  buka  solusaun ba  Ró Haksolok

Prezidente Rejiaun Administrativa Espesial Oecusse – Ambeno (RAEOA), no Zona Espesial Eskonomia Sosial Merkadu (ZEESM), José Luis Guterres, hatete nia sei servisu hamutuk ho Governu Sentrál no Eis Prezidente RAEOA –ZEESM, Mari Alkatiri, hodi rezolve problema Ró Haksolok ne’ebé durante ne’e, sai polémika iha públiku.

 Prezidente foun RAEOA-ZEESM  hato’o kestaun ne’e ba jornalista sira, hafoin simu pose husi Primeiru Ministru, Kuarta (13/11), iha Palasiu Governu.

“Ami sei kontinua nafatin halo komunikasaun ho Prezidente sesante ho eis Prezidente RAEOA ,tamba ita presiza rezolve problema balun hanesan hamutuk ho Governu sentrál hanesan ró haksolok ne’ebé ohin loron iha hela rai Portugal”, dehan LuGu.

Eis Diplomata timoroan nee konsidera problema no dezafiu iha rai ketan barak tebes, maibé nu’udar prezidente RAEOA – ZEESM, sei buka solusaun ba Ró Haksolok ne’ebé sei iha hela faze konstrusaun iha Portugal.

Nudar Prezidente Autoridade foun sei  realiza konferénsia ida hodi koalia konabá investimentu iha Oe- cusse , hodi kria kampu servisu ba Timoroan sira no dezenvolvimentu iha rai enklave nee.

Ró Haksolok ho kustu millaun €13,7, nee inaugura iha 26 Maiu 2017 iha sidade Figueira da Foz, Portugal no Ró nee atu mai Timor-Leste iha Outubru 2017, maibé iha problema internál husi kompañia Atlantic Eagle Ship Building ho sub-kontratór maka to’o ohin loron ró seidauk mai. Ró Hakosolo ne’e rasik iha kapasidade atu tula ema na’in 377 no karreta 15.

Kontratu kosntrusaun ró nee asina iha 2014 entre Governu no empreza Portugués. Konstrusaun ró ne’e konsege paradu, maibé bainhira estabelese ZEESM, prosesu kontrusaun ró-ahí ne’e entrega ba Autoridade mak responsabiliza.

Lee hotu :   FRETILIN preokupa atividade arte marsiais kontinua la’o ■ KRAM la rekoñese

Ró Haksolok, desizaun atu hili ninia estaleiru hahú no foti husi V Governo Konstitusionál ne’ebé lidera husi Kay Rala Xanana Gusmão nu’udar Primeiru-Ministru, tuir ninia reprezentasaun husi Ministru Transporte no Komunikasaun, Pedro Lay da Silva, ne’ebé selebra kontratu ho estaleiro Atlantic Eagle Ship Building Lda. (Atlanticeagle) iha 22 Setembru 2014.

Maibe RAEOA-ZEESM simu prosesu konstrusaun ró liuhosi transferénsia projetu no alokasaun orsamentu husi Governu Timor-Leste ba Autoridade RAEOA-ZEESM hodi transfere poder no alokasaun verba ne’ebé akontese liu tiha akordu entre Governu no Estaleiru Atlantic Eagle no liu estaleiru hodi hahú harii ró.

Hodi garante implementasaun tuir espesifikasaun no padraun tékniku ba Ró Haksolok no assegura katak ró ne’e bele hetan rejistu internasional tuir rekezitu Governu Timor-Leste, RAEOA-ZEESM selebra kontratu supervizaun ba konstrusaun Ró ho Instituto de Soldadura e Qualidade (ISQ), ne’ebé hanesan instituisaun ho esperiénsia liu tinan 50 ho konstrusaun ne’ebé kredensiál atu fiskaliza konstrusaun.Tos

Add to Comments Here!!!!

error: Content is protected.
Secured By miniOrange
You might also like:
Junta Médiku Nasional seidauk simu informasaun kona-bá Julião Mausiri nia moras

Prezidenti Junta Médiku Nasionál (JMN), Marcelino...

Ladún hetan pasajeiru, Aviaun Sriwijaya deside hapara operasaun provizóriu  PN: Governu presiza kontrola presu billeti aviaun

Reprezentante povu iha uma fukun Parlamentu...

Dezenvolve fatin turizmu iha Munisípiu sira, Governu konsulta ho Autoridade Munisipal

Diresaun Jeral Turizmu realiza enkontru konsultasaun...

Close