JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Laiha solusaun ba impase polítiku, Vise PPN: Ne’e tanba líder nasionál sira-nia interese

Laiha solusaun ba impase polítiku, Vise PPN: Ne’e tanba líder nasionál sira-nia interese

Segundu Vise Prezidenti Parlamentu Nasional (PN), Luis Roberto, akuza impase polítiku ne’ebé kontinua seidauk iha solusaun, tanba lider nasionál sira nia interese privadu no grupu.

Luis Roberto hato’o deklarasaun ne’e, relasiona ho impase polítiku iha rai-laran ne’ebé tama ona ba tinan tolu, maibé kontinua seidauk iha solusaun.

“Ita ko’alia kona-bá impase polítika iha rai-laran, halo ita nia ulun moras, nune’e di’ak liu lider tenki hamutuk hanoin atu halo dezenvolvimentu, ita hanoin impase polítiku domina iha Timor-Leste ne’e dezenvolvimentu la la’o”, Segundu Vise PN ne’e ba jornalista sira iha PN, Sesta (08-11-2019).

Reprezentante povu husi bankada KHUNTO ne’e, hateten, governu tenki foku nafatin ba dezenvolvimentu no lalika preokupa ho impase polítiku, sé la’e dezenvolvimentu iha rai-laran sei la la’o.

“Impase polítiku kontinua la’o, ita mós hatene hela, tanba iha mós interese balun ou lider sira iha interese, susar atu hasoru malu, hotu-hotu hanoin ba interese nasionál bele hakotu impase polítiku, realidade hatudu iha lider balun ne’ebé iha interese pesoal no grupu no partidu, maibé bainhira lider hotu iha interese nasional sei la mosu impase polítiku, sé la’e sei kontinua dada naruk”, informa Luis.

Nia esplika, solusaun ba impase polítiku ne’e depende fila ba lider altu nível sira, tanba sira mak bele hakotu impase polítiku ne’ebé seidauk iha solusaun.

“Maski nune’e governasaun Aliansa Mudansa ba Progresu (AMP), ne’ebé kompostu husi Partidu CNRT, PLP no KHUNTO kontinua sólidu nafatin, tanba nu’udar ema polítiku ohin ko’alia ida, aban ko’alia seluk, ne’e mak dinámika polítika”, tenik Segundu Vise PN ne’e.

Enkuantu impase polítiku kontinua seidauk iha solusaun, tanba seidauk iha intendimentu polítiku entre governu ho Prezidenti Repúblika (PR). ety

Lee hotu :   Sekretariadu PN simu ona lista kompozisaun meja ■AMP hili Arão ba PPN

 

Add to Comments Here!!!!

error: Content is protected.
Secured By miniOrange
You might also like:
Xanana Gusmão: Harii uluk uma ba komunidade Beasu hafoin dada LNG

Xefe  Negosiadór Prinisipal  Fronteira  Marítima no...

PM Taur: Vota kontra OJE 2020 kompetensia PN nian

Primeiru Ministru (PM), Taur Matan Ruak...

Hafoin governu fó konfiansa lidera RAEOA-ZEESM, LuGu prontu asumi kargu ne’ebé nia simu

Prezidenti Rejiaun Administrativa Espesiál Oe-Cusse Ambeno...

Close