JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lu Olo husu PN debate didiak OJE 2020

Lu Olo husu PN debate didiak OJE 2020

Prezidente Repúblika, Francisco Guterres Lú Olo, husu ba Parlamentu Nasional (PN) atu debate klean ho didiak Orsamentu Jerál Estadu (OJE) 2020, tanba orsamentu ne’e ba intrese nasional nian.

Prezidenti Parlamentu Nasionál Arão Noé de Jesus, hato’o lia hirak ne’e, hafoin hasoru malu ho Prezidenti Repúblika Francisco Guterres Lú Olo, iha Palásiu Prezidensiál, Nicolau Lobato, Bairu- Pite – Díli, Kuarta (20/11/2019).

Xefe Órgaun Lejisladór ne’e hateten Xefe Estadu husu tenke debate orsamentu ne’e ho klean liu, tanba Orsamentu Jeral Estadu ne’e, orsamentu ba interese nasionál.

“Orsamentu Jeral Estadu ne’e orsamentu ba intrese nasional presiza debate ho klean ho didiak, ha’u hanoin asuntu ida ami konsidera, maibe kabe ba deputadu sira importante iha tempu debate sira des dias ba espesialidade ne’e deputadu sira bele uza masimu hodi hatete,” dehan, Arão Noé.

Arão Noé dehan, “ Prezidenti mos dehan iha orsamentu ne’e bo’ot sei atu redus karik ne’e ho hanoin halo didiak labele impaktu ba prioridade ne’ebe importante, hanesan ha’u dehan ona redus ne’e kompetensia deputadu sira nian liu husi proposta”.

Enkuantu  Orsamentu Jerál Estadu tinan 2020, Governu propoin ho montante dolar amerikanu billaun 1.950.

Iha oprtunidade ne’e mos, Prezidenti Parlamentu Nasionál Arão Noé de Jesus informa mos proposta lei Orsamentu Jerál Estadu tinan 2020 ho mós projetu lei haat ba Prezidenti Repúblika.

Arão Noé de Jesus esplika, proposta lei Orsamentu Jerál Estadu parlamentu konklui ona no relata ba Komisaun C no kontinua hein relatóriu final husi komisaun C, tanba iha mudansa kalendáriu.

Arão Noé dehan hafoin Komisaun C konklui sira nia relatóriu tuir kalendáriu iha loron 25 Novembru, parlamentu sei hahú halo debate iha jeneralidade.

Lee hotu :   PN SUSPENDE PROPOSTA GOVERNU EXTENDE MANDATU KOMISARIU KAK

Alénde ne’e, Xefe Órgaun Lejisladór ne’e informa mós projetu lei 4 inklui lei anti korrupsaun ba Prezidente Repúblika Francisco Guterres Lú Olo.

“Ohin ha’u informa deit lejislasaun parlamentu nian iha lejislasaun lima, ida mak proposta de lei orsamentu jeral estadu 2020, depois projeiru de lei hat, lei anti korupsaun,  lei poder lokal, lei eleisaun parlamentu lokal no lei kodigu mineiru,” hateten, Arão Noé.

Entretantu Lei Anti Korrupasaun baixa hela iha Komisaun A Parlamentu Nasional, lei poder lokál ne’e rasik konsege aprova iha parlamentu nasionál terseira lejislatura, maibé hetan veta husi Xefe Estadu Francisco Guterres Lú Olo tanba sei konfunde ho artigu balun husi lei refere.

Nunee mos  lei kódigu mineral, regulariza kona-ba prosesu mineral nian ne’e duni lei importante iha terseira lejislatura ne’ebé la konsege aprova to’o final global, tanba mandatu hotu.Eus

Add to Comments Here!!!!

error: Content is protected.
Secured By miniOrange
You might also like:
Komete krimi koasaun sexual, TDD kondena arguidu prizaun tinan tolu

Tribunal Distritál Díli (TDD), liu husi...

MNJTL selebra tinan 28 manifestasaun pasífika hasoru Soeharto

Movimentu Nasional Juventude Timor-Leste MNJTL, komemora...

Investimentu Pelican Paradise millaun USD 700

Ministru Estadu Koordenadór no Asuntu Ekonómiku...

Close