JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Marí Alkatiri: Situasaun atual grave tebes ■ EA la’os solusaun hakotu impase polítiku

Marí Alkatiri: Situasaun atual grave tebes ■ EA la’os solusaun hakotu impase polítiku

Sekretariu Jerál Partidu FRETILIN, Mari Alkatiri, hateten, situasaun polítika iha rai-laran sai konfuzaun bo’ot no grave tebes, tanba polítika Aliansa Mudansa ba Progresu (AMP) iha Parlamentu Nasional hakarak atu vota kontra sira-nia orsamentu jeral 2020 rasik. 

Líder másimu Partidu istóriku FRETILIN, Marí Alkatiri hato’o deklarasaun ne’e iha primeira konferénsia Komité Orientadór 25, iha Centro Convenções de Díli, Kinta (07/11/2019).

Eis Primeiru Ministru iha primeiru governu konstitusionál ne’e hateten, dadaun ne’e situasaun polítika iha Timor-Leste grave tebes, tanba konfuzaun ho polítika AMP iha parlamentu ne’ebé deklara hakarak atu vota kontra, Orsamentu Jeral Estadu (OJE) tinan 2020 ne’ebé aprezenta husi oitavu Governu ne’ebé forma husi koligasaun AMP.

“Ha’u hanoin, ha’u koalia ho kombatentes, joven da rezistensia, ha’u koalia mos ho polítiku sira hotu. Ita nia situasaun agora ne’e grave tebes, ita akompaña loron-loron husi radio, debate iha parlamentu lahetene loos se mak opozisaun no se mak governu, ita la hatene loos. Ita rona, ita lahatene loos saida mak objetivu ba debate ida ne’e, maibe aat liu tan ida ne’e, ita haree katak komesa ita hanoin osan ne’e determinante para atu rezolve problema dezenvolvimentu iha Timor-Leste, e ne’e lalos, osan la determinante, osan ne’e é uma património liquido que ita tenke ser uza halo didiak,” hateten Alkatiri.

Antes ne’e alénde deputadu sira bankada opozisaun husi bankada Partidu Demokrátiku deklara sei vota kontra OJE 2020 infelizmente deputadu balun husi bankada apoiu governu mós deklara sei vota kontra Orsamentu Jerál Estadu.

EA la’os solusaun

Nune’e mos Sekretáriu Jerál Partidu FRETILIN, Marí Alkatiri, hateten eleisaun antesipada (EA) la’os solusaun atu rezolve situasaun polítika iha rai-laran tanba povo presiza mudansa polítika no dezenvolvimentu.

Lee hotu :   PR Lú Olo simu karta kredensial husi embaixadór haat

Líder partidu polítiku FRETILIN, Alkatiri hateten asuntu ne’e iha primeiru konferénsia Komité Orientadór 25, iha Centro de Convenções Díli, Kinta (07/11/2019).

Eis Frente diplomata no fundadór estadu Timor-Leste ne’e, sublinha katak  Povu Timor-Leste presija dezenvolvimentu iha multi sektóral, tanba ne’e prefere kultura polítika mudansa no la nesesáriu ba eleisaun antesipada.

“Ha’u hatene katak agora ita gosta tebes, por tudo por nada eleisaun antesipada, ne’e la’os solusaun, ne’e meio para cotrar uma solução, ita halo dala ida ona, entaun ita tenke buka solusaun. Ita tende iha tendensia sempre no hatene haree dalan ida ne’ebe mak lóos, la’os sé mak sala. Abordajen ne’e tende ser muda, kultura polítiku muda, mas fundamentalmente agora ita tende iha korajen atu aborda kestaun de estadu, ita tenke iha korajen atu defende e reforsa, hametin estadu de direitu demokrátiku,”hateten Sekretáriu Jerál Partidu FRETILIN, Marí Alkatiri.

Primeira konferensia komité orientador 25 nian ne’e ho tema Os Factos da Historia Consolidam a Memória e Germinan Nova Conciênci, no iha abertura ne’e hetan partisipasaun husi sívitas akadémiku, estudante universitarius, joventude loriku as-wain, veteranus, jerasaun patriota no diplomata balun. Ito

Add to Comments Here!!!!

error: Content is protected.
Secured By miniOrange
You might also like:
Governu apoia USD300.000 ba eleisaun Prezidensiál Guiné-Bissau

Governu Timor-Leste  apoiu orsamentu USD300.000 ba...

Komisaun konjunta investiga problema entre F-FDTL-PNTL iha finadu

Foto:Facebook Problema entre membru FALINTIL Forsa...

MS sei apoiu USD 180.000 ba klínika Bairo-Píte

Atu rezolve krizi finanseiru ne’ebé klínika...

Close