JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PPN aprezenta indikasaun rai ba futuru edifísiu PN nian ba Governu

PPN aprezenta indikasaun rai ba futuru edifísiu PN nian ba Governu

Prezidente Parlamentu Nasionál (PPN), Arão Noe Amara informa, Parlamentu Nasionál (PN) haruka ona pedidu indikasaun rai iha parte Kaikoli, besik Kuartel PNTL nia kotuk, atu konstroe edifísiu PN foun, ba Governu maibé, seidauk hetan resposta husi Governu.

Arão Noe esklarese,  tanba seidauk hetan resposta husi Governu, entaun PN rasik seidauk konsege aloka osan konstrusaun nian iha proposta Orsamentu Jerál Estadu (OJE) 2020 nian.

“Edifísiu PN ne’e mak uluk terras propriedades indika rai ida iha palásiu prezidensial nia kotuk,  ba edifísiu PN nian maibé, depois konsulta ho órgaun hotu, ami haree katak, fatin estratejis duni maibé, tanba besik demais órgaun rua ne’ebé importante ba Estadu, Prezidente Repúblika ho PN, iha loos fatin ida ne’ebé besik malu, bainhira iha atividades ne’ebé perturba iha sorin, bele prejudika órgaun seluk nia atividades mós. Ezemplu karik iha manisfestasaun ruma, mak taka dalan ba fatin ruma, ne’e bele prejudika mós órgaun seluk nia atividades lor-loron, ho opsaun ida ne’e, depois audiensia no rona mós tékniku sira, no deputadu sira mós ko’alia kona-bá asuntu ne’e, tanba ne’e mak ami buka fali alternativu seluk, ne’ebé mak ami propoin ona ba PN, para oinsa atu haree rai iha Kuartel PNTL nia kotuk ne’e, agora edifísiu aat mamuk ida iha ne’eba ne’e, bele ka la’e aloka ba PN, hodi prepara ba edifísiu PN foun. Sei iha fali opsaun seluk ne’ebé Governu obta, di’ak ne’ebé atu atribui ba PN, ami nakloke, importante mak órgaun rua labele besik malu, tanba bele hamosu disturbus”, informa Arão Noe Amaral ba jornalista sira, iha nia gabinete, Kuarta (13/11/2019) ne’e.

Lee hotu :   CNRT-KHUNTO sujere PR entrega ba AMP forma Governu •Assanami: ‘La konsege rezolve, diak liu EA’

Maske nune’e, Prezidente PN ne’e subliña, Governu seidauk fó resposta ruma ba PN, kona-bá desizaun ba rai iha Kaikoli nian.

“Tanba ne’e mak ami buka hela alternativu seluk, buka fatin ida apropriadu maibé, kabe ba Governu, tanba alokasaun rai ne’e kompetensia Governu nian, liu-liu ministériu justisa ho terras no propriedades, tanba ne’e, ami hein katak, solusaun ne’e bele iha, para ami mós bele halo planu ona para aloka orsamentu ba konstrusaun edisifísiu maibé, ami propoin de’it, seidauk iha resposta husi Governu, tanba ne’e ami aguarda desizaun”, tenik Noe.

Antes ne’e, Governu indika ona rai iha Bairro Pité besik Palásiu Prezidensial maibé, la konsege konstroe, tanba sei iha implikasaun, bainhira órgaun soberanu rua besik malu.

Dadaun ne’e, iha órgaun importante rua, hanesan ezekutviu ho lejislativu besik malu hela, tanba fatin propriu ba edifísiu PN seidauk fiksu.say

Add to Comments Here!!!!

error: Content is protected.
Secured By miniOrange
You might also like:
PN depozita konfiansa ba LUGU atu halo mudansa iha RAEOA

Prezidente Parlamentu Nasionál (PPN), Arão Noe...

Lere rekoñese jerasaun tuan sira egoista no arogante

Xefe Estadu Maior FALINTIL Forsa Defeza...

Eis membru GAM labele koko seguransa Estadu

Segundu Komandante Polísia Nasionál Timor-Leste (PNTL) ...

Close