JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mosu dezintendimentu ho komunidade Beaço, Planta LNG sei muda ba Natarbora

Mosu dezintendimentu ho komunidade Beaço, Planta LNG sei muda ba Natarbora

Deputadu bankada Frente Revolucionário do Timor-Leste Independente (FRETILIN), Favião Oliveira, hateten, projetu Liquefied Natural Gas (LNG) ne’ebé tuir planu sei estabelese iha suku Maluru-Beaço, munisípiu Viqueque, maibé tanba mosu dezintendimentu ho komunidade Beaço posibilidade sei muda ba postu administrativu Natarbora, munisípiu Manatuto.

“Realidade hatudu katak ha’u rona planta LNG iha posibilidade sei la dada ba postu administrativu Viqueque, maibé planta LNG sei dada fali ba iha postu administrativu Natarbora, munisípiu Manatuto. Projetu planta LNG la dada ba Beaço-Viqueque, tanba iha dezintendimentu entre Xefi Negosiador ho populasaun ne’ebé iha Beaço kona-bá indeminizasaun, tanba rai ne’ebé dau-dauk ne’e komunidade sira hela kleur ona, sé muda fila-fali ba Nova Beaço ne’ebé laiha no bainhira komunidade hela iha fatin ida muda fali sira ne’e sei sai problema“, deputadu bankada FRETILIN ne’e ba jornalista sira iha Parlamentu Nasional (PN), Kinta (05-12-2019).

Favião, esplika, atu dada ba Natarbora ne’e mós sei iha prosesu negosiasaun ho populasaun sira no depende mós ba Xefi Negosiador, Kay Rala Xanana Gusmão.

“Iha dezintendimentu planta LNG, la dada fali ba Beaço, muda fali ba Natarbora mós sei iha prosesu halo negosiasaun ho populasaun, sira konkorda ka la’e no depende mós ba Xefi Negosiador, Kay Rala Xanana Gusmão. Kona-bá iha Beaço populasaun kontinua hela nafatin no muda fila-fali material ne’ebé Timor GAP no Autoridade Nasional Petróleu no Minerais (ANPM) tau iha Beaço, sei muda hotu ba iha Natarbora. Prosesu atu dada kadoras mai Timor-Leste ne’e la’os fásil no sei la akontese iha tinan oin mai, maibé presiza estudu tinan 3 no atu halo explorasaun presiza estudu tinan 5”, afirma deputadu bankada FRETILIN ne’e.

Lee hotu :   Sub-vensaun ba kandidatus PR 2017, MPF husu CNE hatama rezultadu votus

Nia akresenta, tuir FRETILIN nia haree governu atu dada planta LNG, maibé to’o agora governu seidauk halo estudu viabilidade, tenki halo estudu viabilidade hodi hatene mina nia profunidade ne’e hira no plataforma atu harí kompañia mai husi ne’ebé.

“Ha’u ladun iha konfiansa katak, kadoras Greater Sunrise dada iha tempu besik, ne’e inposivel, maibé presiza tempu naruk, ita hotu hakarak dada kadoras mai iha Timor-Leste, maibé la’os agora”, tenik Favião.

Hatán ba preokupasaun ne’e, Vise Prezidenti PN, Maria Angelina Lopes, hateten, teknikamente Timor GAP halo ona estudu viabilidade, oportunidade saída mak Timor-Leste bele hetan wainhira halo investimentu iha rai-maran, karik governu haree la viabel la fó oportunidade.

“Ha’u hanoin ami seidauk iha informasaun klaru, ha’u seidauk bele pronunsia iha ne’e, iha oportunidade atu halo audénsia ho governu, maski populasaun barak antusiasmu oferese sira-nia rai atu halo dezenvolvimentu iha setor petróleu iha área ne’ebá, maibé muda ba Natarbora ne’e tanba saída mak iha mudansa”, tenik Maria.

Antes ne’e, Xefi Negosiador, Kay Rala Xanana Gusmão halo ona diálogu ho komunidade hirak ne’ebé afeitadu ba projetu LNG iha suku Maluru-Beaço, postu administrativu Viqueque Villa, munisípiu Viqueque. ety

  

Add to Comments Here!!!!

error: Content is protected.
Secured By miniOrange
You might also like:
Jurista: PM Taur retira OJE 2020 iha PN la viola lei

Jurista Avelino Coelho, hateten, Oitavu Governu...

Governu rekoñese fraku ezekuta OJE 2019 iha kapital dezenvolvimentu

Ministra Finansa Interina, Sara Lobo Brites,...

PM Taur fó fiar ba Agio lidera ajustamentu OJE 2020

Ekipa Ajustamentu Orsamentu Jerál Estadu (OJE)...

Close