JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OJE 2020 billiaun USD 1.950 pasa iha PN, FRETILIN ameasa lori ba tribunal

OJE 2020 billiaun USD 1.950 pasa iha PN, FRETILIN ameasa lori ba tribunal

Deputadu bankada Frente Revolucionário do Timor-Leste Independente (FRETILIN), iha Parlamentu Nasional (PN), Joaquim dos Santos, ameasa sei lori ba tribunal, karik Orsamentu Jeral Estadu (OJE) tinan 2020 ho montante billaun USD 1.950 pasa iha PN, tanba viola prinsípiu konstitusional.

“OJE 2020 ne’ebé governu aprezenta ba PN ho montante billiaun USD 1.950 pasa iha PN, FRETILIN sei lori ba tribunal, tanba viola lei no viola prinsípiu konstitusional ne’ebé garantia seguransa ba fundu mina-rai. Ami haree governu aloka orsamentu dez-ekilibradu, reseita ki’ik no despeza bo’ot, sé bankada parlamentu konkorda ita bele reduz ka halo ekilibriu ba orsamentu, governu tenki aloka ba setor produtivu hanesan setor sosial, edukasaun, agrikultura, saúde, ekonómia no merkadu, mobilizasaun sosial no merkadu ki’ik, ita dependensia ba fundu mina-rai boot ba bei-beik, ita nia reseita ita kuda iha setor produtivu ki’ik”, deputadu husi bankada FRETILIN ne’e ba jornalista iha PN, Segunda (02-12-2019).

Nia akresenta, ho nune’e, husu ba bankada governu atu konkorda halo redusaun, maibé depende ba opiniaun husi husi bankada, maioria konkorda atu halo redusaun ka la’e.

“Governu tenki aloka orsamentu ekilibriu, maski lei autoriza governu foti osan liu RSE, maibé presiza iha justifikasaun ba PN no la signifika governu atu aloka boot liu orsamentu ba iha rúblika bens serviço, ami FRETILIN la konkorda governu aloka osan boot liu orsamentu ba bens service, foti osan boot tenki aloka ba setor produtivu sira, la’os bens service, tanba ne’e, ami prepara proposta 100 resin atu halo redusaun, maibé la’os haree ba proposta, importante maka ba matéria”, afirma Joaquim.

Hatán ba kestaun ne’e, Vise Prezidenti PN, Luis Roberto, hateten, VIII  governu propoin osan bazeia ba programa prioridade ne’ebé planeia tiha ona atu implementa iha  tinan 2020.

Lee hotu :   Aprezenta KIP iha plenária, Depende konferensia lider bankada

“Ita ko’alia atu halo dezenvolvimentu, tenki prevé osan maka foin halo dezenvolvimentu, maibé sei haree mós ba ezekusaun OJE 2019, plenaria sei iha hanoin boot no plenaria mak determina, bankada FRETILIN hatama proposta atu halo redusaun, ida ne’e direitu sira ni’an, inklui mós bankada sira seluk. Atu halo redusaun, iha item balun labele halo redusaun total, maibé ita tenki haree ba item, sé ita ko’alia kona-bá kresimentu ekonómia, ita presiza osan, ita tenki reduz osan ne’ebé rúbrika sira ne’ebé la importante”, tenik Luis.

Entretantu iha loron primeiru (2/12) debate OJE 2020 ne’e, PN liu husi komisaun C ne’ebé trata asuntu finansas publika, lee relatóriu pareser ho pájina 122 no lee hahú husi tuku 09:00 dader to’o tuku 06:00 loraik. ety

Add to Comments Here!!!!

error: Content is protected.
Secured By miniOrange
You might also like:
PM Taur: OJE 2020 la fó ameasa ba sustentabilidade fundu petrolíferu

Primeiru Ministru (PM), Taur Matan Ruak,...

FRETILIN konsidera TL partisipa expo Dubai fa’an liafuan mamuk

Bankada FRETILIN iha Parlamentu Nasionál (PN)...

Autór soke mate abitante nain rua aplika TIR

Autór JVRSS  ne’ebé mak soke mate...

Close