JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu lansa sistema SIGTAS iha munisípiu Baucau

Governu lansa sistema SIGTAS iha munisípiu Baucau

Ministeriu Finansas, Diresaun Jerál Autoridade Tributaria, Tersa (05/02/2019) halo lansamentu ba Standard Integrated Government Tax Administration System (SIGTAS) iha Munisipiu Baucau.

Sistema ne’e direitamente lansa husi Ministra Finansas Interina, Sara Lobo Brites akompaña husi Diretora Geral Autoridade Tributaria, Monica Ranger da  Cruz no Prezidenti Autoridade Munisipiu Baucau, António Guterres, Prokuradora Distrital Baucau, no representante Komando PNTL, Munisipiu Baucau inklui empresário sira municipiu tolu nian, Munisipiu Baucau, Lautem, Viqueque, no  Munisipiu Manatuto.

Ministra Finansas Interina, Sara Lobo Brites, hateten, politika atu diversifika reseitas, atu oinsa atu hasa’e reseitas domestika, liu husi hadia mekanismu, sistema hodi fo asesu ba ema hotu ho fasil ho kustu ne’ebe ki’ik.

“Hau sai testemuña ba lansamentu sistema SIGTAS atu hodi fó atendementu ba seitór privadu rejiaun Baucau, ho lansamentu ne’e, seitór privadu no contribuinte sira la nesesario ona ba iha Dili atu bele hetan asesu ba sistema ne’ebe iha imposto. Husi perspektiva Governu implementasaun ida ne’e planu ne’ebe trasa kedas iha planu PEDN, maske Governu troka maibe planu ne’e ninia kontinuasaun sempre hala’o entaun ida ne’e hanesan komprimisiu VIII Governu atu fo apoia ba desentralizasaun ho objetivu atu imporsiona dezenvolvimentu seitor privadu nian iha munisipiu hodi bele kontribui diak liu tan ba dezenvolvimentu iha facilidade ne’ebe maka bele kria ambiente negosio ida diak hodi enkoraza negosio embora ho eskala mediu ou eskala ki’ik”, hateten Ministra Finansas Interina, Sara Lobo Brites iha seremonia lansamentu.

Governante ne’e hatutan, antes ne’e Governu lansa uluk ona sistema pagamentu, hafoin lansamentu tiha sistema ne’e ladun simu ona halerik husi empresário sira relasiona ho atrazu pagamentu. Sistema ne’ebe lansa lori pagamentu besik ba povu, ne’ebe agora sistema SIGTAS ida ne’e ita lansa atu lori contribuinte besik ba Governu, tanba deficil iha asesu ba sistema ho kondisoens ne’ebe ladun favorável lapromove negosio no sei la hasa’e reseitas.

Lee hotu :   Veteranus Baucau hakarak estabilidade iha EA

Iha fatin hanesan, Diretora Jeral Autoridade Tributaria, Monica R. da Cruz, hateten, atoridade tributaria antes ne’e harii ho naran serbisu fiscal Timor-Leste hahu nia mandatu iha tinan 2000 tempu UNTAET ne’ebe sistema administrasaun imposto administra husi UNTAET no centraliza iha nasional.

Hahu tinan 2008 serbisu imposto administra deretamente husi Governu Timor-Leste liu husi Ministeriu Finansas wainhira UNTAET nia mandatu remata iha Timor. Serbisu repartisaun Impostu rejiaun Baucau estabelese ona iha tinan 2003 ne’ebe iha momento ne’eba servisu hotu sei la’o normal to’o iha tinan 2017. Iha fim do ano iha tinan 2017 wainhira diresaun jeral imposto hambrik nudar autoridade tributaria tuir dekretu lei numero 3/2017 5 de Abril autoridade tributaria fo kedas prioridade autoridade atu haree oinsa bele servi diak liu tan no atende necessidades kontribuintes no kliente sira hotu iha munisipiu.

Iha inisiu 2018 liu husi kolaborasaun entre Unidade Sistema Informasaun Autoridade Tributaria no ekipa sira seluk halo avaliasaun ba sistema imposto iha Rejiaun Baucau, Maliana no Oecusse, no tuir relatório avaliasaun edifisiu Repartisaun Autoridade Tributaria Rejional Baucau maka iha ona linha Governu maka asesu sistema imposto ka SIGTAS.

Diretora Jeral Autoridade Tributaria nee hatutan iha fim do ano 2018 ekipa konsege halo konfigurasaun sistema iha serbisu Repartisaun Autoridade Tributaria Rejional Baucau, iha Janeiro 2019 ekipa husi Autoridade Tributaria halo kedas treinamentu operacional ba sistema SIGTAS ba funcionário AT iha regional Baucau hodi fo atendementu dereita ba necessidades contribuinte sira nian iha municipiu Baucau, Manatuto, Viqueque no Lautem.

Prosesu ida ne’e nudar etapa importante ida ne’ebe Autoridade Tributaria hahu hodi implementa programa Ministeriu Finansas nian ne’ebe hakarak desentraliza serbisu ba municipiu hodi presta servisu besik liu tan ba komunidade.

Lee hotu :   AEROPORTO NICOLAU LOBATO LA REFLETA NARAN INTERNASIONAL

Nia hatutan iha loron 5 Janeiru 2019 hahu sistema SIGTAS loke ona iha Rejiaun Baucau hodi reprezenta Municipiu Lautem, Viqueque no Manatuto. Agora dadaun iha prosesu ba moderniza sistema imposto versaun 3 Ministeriu Finansas sei esforsu atu bele instala repartisaun  servisu imposto iha municipiu hotu atu bele promove liu tan efisiensia iha prosesu impostus ba contribuintes no sidadaun hotu hanesan parseiro Estado nian.

Instalasaun sistema SIGTAS ne’ebe operacionaliza ona depois de lansamentu, municipiu Baucau bele emite numeru TIN ka NiF (Numeru Identifikasaun Fiskal) kaptura pagamentu fiscal husi contribuinte sira, pagamentu anual no mos sertidaun dividas, prosesu sira ne’e hotu lapersiza halai to’o Dili katak husi Lautem Viqueque no Manatuto bele ba deit repartisaun Autoridade Tributaria Municipiu Baucau no sei benefisia mos instituisaun Estado seluk hanesan Ministeriu Publiku karik iha indisius Fraude Fiskal, Ministeriu Publiku bele hetan dereita informasaun iha repartisaun Baucau.

Nunee mos Prezidenti Autoridade Munisipiu Baucau, António Guterres orgulho tebes ho Planu Governu Central liu husi Ministeriu Finansas, tanba bele hili Munisipiu Baucau hanesan Centro ba Ponta Leste.

“Governu konkretiza mehi ida ne’ebe kleur ona katak wainhira maka desentraliza aktividade sira seluk, tanba ita hatene deskonsentrasaun administrativa hodi hakat ba sentralizasaun poder lokal liu husi faze ida desentralizasaun administrativa territorial la’o dadauk hela, maibe kompleta mos aktividade ne’e katak aktividade tributaria nian mos desentraliza, ida sei fase deskonsetra, mas ida lao tiha ona ba desentralizasaun ne’e fator ida ne’ebe kompletasaun ba politika deskonsetrasaun hodi bele dignifika nia na katak municipiu ne’e iha ne’ebe no sei prepara an atu hakat ba ne’ebe, li-liu kliente no contribuinte sira, tanba ita bo’ot sira laduvida trata dokumentu sira ne’ebe kemercia nian”, dehan nia.

Lee hotu :   Governu inaugura auto estrada Suai-Zumalai ■MOP kongratula inisiativa Xanana

Autoridade Lokal ne’e mos garante tekniku no funcionário sira sei atende diak kliente no contribuinte sira nian, tanba antes ne’e mos Repartisaun Tributaria Municipiu Baucau guia, maibe ho lansamentu ne’e sira la’os ona sai ponte atu guia entre Governu central ho reprezenta Municipiu, maibe deretamente ona fo atenmentu ba serbisu imposto ne’ebe konsentra iha regional Baucau.

Nune’e mos Prezidenti Câmara Comercio Industria (CCI) Municipiu Baucau, Estanislau M. Q. da Costa agradese tebes ba Governu, tanba estabelesementu sistema SIGTAS ne’e maka durante ne’e seitor privadu sira mehi, maibe ikus mai realiza duni.

“Programa ne’e maka durante ne’e ami mehi, no to’o ohin loron realiza ona, ne’ebe hanesan milagre ida ba ami, ami agradese tebes, tanba durante ne’e ami atu selu deit buat ki’iuk koan ida mos tenke halai to’o Dili, iha ne’eba ami sei gasta tan osan lubuk ida”, hateten Prezidenti CCI Municipiu Baucau .

Lideransa masimu CCI Municipiu Baucau ne’e mos husu ba empresário sira atu serbisu no kopera diak ho tekniku no funcionário Ministeriu Finansas, li-liu Autoridade Tributaria.

Tuir planu, sistema SIGTAS ne’e sei estabelese no sei halo lansamentu mos iha Municipiu Bobonaro, Postu Administrasaun Maliana, no Rejiaun Administrativa Especial Oecusse-Ambeno (RAEOA). mia

Add to Comments Here!!!!

error: Content is protected.
Secured By miniOrange
You might also like:
F-FDTL sei hato’o karta petisaun ba PN ho Governu

Xefe Estadu Maior Jeneral FALINTIL- Forsa...

PM Taur fahe esperiensia negosiasaun FM ba delegasaun Vanuatu

Membru Parlamentu no Xefe delegasaun Repúblika...

DIA 07/02/19 || GMNTV LIVE STREAM || DADER KMANEK

Close