JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL husu joven Viqueque kria paz no estabilidade

PNTL husu joven Viqueque kria paz no estabilidade

Polísia Nasional Timor-Leste (PNTL), liu husi Komandante PNTL munísipiu Viqueque, Superintendente Asistente, Eduardo Campos, husu ba joven sira atu kria paz no estabilidade, atu nune’e bele implementa projetu Liquefied Natural Gas (LNG), iha suku Maluru, munisípiu Viqueque.

“Ha’u hakarak apela ba joven sira iha área Beaço, mai ita servisu no kolabora hamutuk atu garantia paz no estabilidade, hodi bele implementa projetu LNG iha Beaco”, Komandante PNTL munísipiu Viqueque ba jornalista sira liu husi nia diskursu iha suku Maluru, Tersa (16-07-2019).

Nia informa, atu implementa projetu LNG PNTL munisípiu Viqueque sei estabelese postu polísia hodi asegura seguransa ba komunidade no empreza mina nasional Timor Gap ne’ebé hala’o aktividade pre-identifikasaun, liu-liu atu implementa projetu LNG.

“Implementasaun ba projetu LNG ne’e, sei kria empregu ba joven sira iha munisípiu Viqueque, liu-liu iha suku Maluru rasik, nune’e komunidade sira tenki prepara-an no ema husi munisípiu seluk mós bele mai iha fatin  ne’e, atu bele servisu, nune’e bele kontribui ba dezenvolvimentu nasional”, haktuir Komandante PNTL-Viqueque, Superintendente Asistente, Eduardo Campos.

Populasaun ne’ebé afetadu ba projetu LNG hamutuk 1600 resin, kompostu husi aldeia Maluru, Makaloso, Loho-Oan, Makaliku no Kailoibere.

Entretantu total uma-kain ne’ebé afetadu ba projetu refere sei muda ba bairru foun tolu (3), hanesan Nova Beaço hektar 200, Nova Knua Kailoibere hektar 180 no Nova Knua Makaliku hektar 90. ety

Lee hotu :   FALUR: PR HUSU HASA'E DISIPLINA IHA FORSA ARMADA

Add to Comments Here!!!!

error: Content is protected.
Secured By miniOrange
You might also like:
Vise Prezidente FMCTL konsidera Crosser sira ladún preparadu

Vise Prezidente Federasaun Motorciclismu Timor Leste...

Kazu Leorema, Suspeitu prinsipál halai subar tiha ba Ermera

Komandante Polísia Nasional Timor-Leste (PNTL), Munisípiu...

Crosser TL sai primeiru lugár iha RI ba kategoria 65 CC

Ekipa Lafaek Timor - Leste iha...

Close