JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo husu Governu atu hadia fali auto estrada nebe aat

PR Lú Olo husu Governu atu hadia fali auto estrada nebe aat

Prezidente Republika, Francisco Guterres Lú Olo, husu ba Governu atu hadia hikas Auto Estrada ne’ebé kotu iha Suku Oques, Postu Administrativu Maucatar no Suku Labarai Postu Administrativu Suai Vila, Munisipiu Covalima.

“Ami liu mai too Aeroportu haree di’ak no kapas, lokoraik liu ba Suku Oques ami liu husi jalan tool (auto estrada) kapas furak kaber tebe-tebes, too ponte ida iha ne’ebá too Zumalai estrada tohik iha dalan klaran udan been estraga tiha hotu,” dehan, Prezidenti Repúblika Lú Olo, iha nia diskursu iha dialogu ho komunidade Munisipiu Covalima, Sesta (28/06).

Xefe Estadu husu atu Governu koordena ho kompañia ne’ebé halo projetu bele buka solusaun hadia hikas estrada hodi fasilia di’ak liután movimentu transporte públiku.

Lú Olo dehan, nia ho ninia komitiva ho karreta la’o haleu sidade Covalima kondisaun infraestrutura estrada komesa di’ak liu Munisipiu seluk, maibé triste bainhira haree auto estrada ne’e udan boot tun maka’as sobu rai monu taka estrada too agora Governu la rezolve.

Maske nunee ema numeru ida iha nasaun nee apresia ho progresu dezenvolvimentu infraestrutura nebe Governu harii, hanesan Aeroportu Internasionál Komandante em Xefe FALINTIL, Kay Rala Xanana Gusmão no projetu estrada iha Suai vila.

Prezidenti Repúblika Lú Olo dehan, liu husi estrada ne’ebé halo hodi responde ona preokupasaun povu kona-ba dezenvolvimentu infraestrutura estrada, maibé husu atu hadia mós estrada liga ba suku no aldeia ho di’ak liután.

Prezidenti Repúblika Lú Olo dehan, liu husi estrada ne’ebé halo hodi responde ona preokupasaun povu kona-ba dezenvolvimentu infraestrutura estrada, maibé husu atu hadia mós estrada liga ba suku no aldeia ho di’ak liután.

Lee hotu :   Autoridade RAEOA la entrega dokumentu ba ekipa tranzisaun husi Governu sentrál

Kona-ba preokupasaun Prezidente Repúblika atu hadia hikas auto Estrada nebe aat ne’e, Vise Ministru Obras Públika (MOP), Nicolau dos Reis   dehan parte Governu halo ona indentifikasaun ba estrada ne’e no sei koorden ho kompaña hodi hadia fila fali.

“Obrigadu ba nai prezidente bele konvida ona ha’u mai hatan hodi rona preokupasaun povu nian kona-ba problema estrada iha Covalima. Iha planu mestre VIII Governu nian sei hadia estrada sira ne’e tuir Planu Estrateziku Dezenvolvimentu Nasional (PEDN) 2011-2030”, esplika Vise Ministru.

Governante nee dehan, MOP kria tiha programa mestre ba tinan lima sei hadia estrada no ponte liga ba suku too aldeia hotu-hotu.

Entretantu tuir observasaun JN-Díaro nota, auto estrada iha parte Suku Oques, Postu Administrativu Maucatar udan boot iha fulan hirak liu bá halo monu rai no fatuk boot tún husi foho leten ho distensia metru 20 taka tomak estrada.

Nune’e mós, iha parte Suku Labarai, Postu Administrativu Suai Vila, besik Aeroportu Suai rai halai halo estrada nakfera kuak naruk ho distensia metru 7 liu.

Fo hanoin fali katak, Auto Estrada ne’e, VIII Governu Konstitusional foin inagura iha loron 17 Novembru 2018 ne’ebé liga estrada husi Munisipiu Covalima ba Fatuka Postu Adminsitrativu Zumalai ho distansia kilomentru 30.3 ne’e gasta orsamentu tokon  USD 304 ne’ebé implementa husi Kompañia Internasionál China Overseas Engineering Company-China Railway First Group Joint Venture (COVEC-CRFG JV).

Estrada ne’e Governu halo hodi liga dalan husi área tasi ibun sudeste ho dalan nasionál ho objetivu signifikante,hanesan denzeovimentu infraestrutura petroliu, aselera dezenvolvimentu hodi prepara ba futuru kriasaun plantasaun Plataforma Suai Supplay Base (SSB) liga ba Refinaria Betanu, no LNG Beacu-Viqueuque inklui fasilita distribuisaun logistika no produtu agrikola no industria ba merkadu lokál no internasional. Eus

Add to Comments Here!!!!

error: Content is protected.
Secured By miniOrange
You might also like:
DIA 30/06/19 || GMNTV LIVE STREAM || JORNAL NASIONAL KALAN

DIA 30/06/19 || GMNTV LIVE STREAM || JORNAL AS 12

DIA 29/06/19 || GMNTV LIVE STREAM || JORNAL NASIONAL KALAN

Close