JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AIMORUK ESENSIAL IHA HNGV STOCK OUT

AIMORUK ESENSIAL IHA HNGV STOCK OUT

Diretor Klínika Hospital Nasional Guido Valadares (HNGV), Flávio Brandão, preokupa aimoruk esensial no vital balun iha Hospital Nasional Guido Valadares stock out katak laiha ona.

Diretor Klínika HNGV Dotor Flavio Brandão, hateten, situasaun polítika rai laran dadauk ne’e afeta problema barak mosu iha HNGV liu-liu kona-ba atendimentu saúde iha HNGV ladun la’o diak tanba aimoruk barak mak laiha ona

“Situasaun polítika rai laran agora dadauk ne’e afeta servisu atendimentu saúde ba komunidade tanba saida? ita iha ne’e ita hahú husi Diretor, médiku to’o Cleaner ita halo esforsu hotu atu asegura situasaun balun ne’ebé agora ita infrenta tanba ita iha ne’e aimoruk barak mak nia stock mamuk, liu-liu aimoruk esensial kuaje hanesan, amoxilin, paracetamol no sira seluk, inklui aimoruk importante (vital), balun ne’ebé mak oras ne’e dadauk ita laiha ona. Ida ne’e situasaun ida ne’ebé lolos tenki responde urjenti,”Diretor Klínika HNGV, Flavio Brandão, hateten ba Jornalista sira iha nia servisu fatin HNGV Bidau Dili Kuarta (12/7/2018).

Flavio haktuir, problema stock out hanesan ne’e la’os foin akontese, maibe bebeik ona iha HNGV, maibe sempre halo meius oi-oin liu-liu halo kompras urjenti no kiikoan iha klínika privadu sira hodi responde. Maibe nu’udar médiku no kargu sefia iha HNGV, husu ba parte ne’ebé kompetenti inklui Estadu atu labele husik situasaun refere akontese bebeik tanba bele prejudika ema nia vida.

“Ida ne’e ita labele husik hanesan ne’e bebeik tanba nia impaktu ba ita-nia pasiente sira, se sira mai ita fo reseita hela deit mak sira sei la konfia hodi mai ou aat liu tan mak sira mai atu hetan aimoruk ne’e maibe aimoruk ne’e laiha ne’e, labele,”Flavio koalia.

Lee hotu :   ME KANSELA YUDISIUM BA ESTUDANTE UNITAL

Diretora Ezekutivu Servisu Autónomo de Medicamentos e Equipamentos de Saúde (SAMES), Odete Maria Freitas Belo, hatete, aimoruk ne’ebé hotu ne’e tanba stock aimoruk tinan 2017 nian no tinan 2018 nian sosa tiha ona maibé seidauk haruka mai.

“Ha’u simu relatoriu ida husi Diretor Farmasia HNGV katak sira presiza duni aimoruk importante balun liu-liu ba aimoruk operasaun nian, no sira seluk tanba sira nia stock laiha duni, no sira tenki husu mai iha ne’e tanba aimoruk ne’e so ami deit mak bele sosa, tanba ida ne’e narkotika oituan entaun so ita deit mak bele sosa, entaun foin lalais ami sosa RAEOA nian kuaje ampola lubuk ida entaun ami husu sira nian oituan pois ajuda ba HNGV to’o ita-nia aimoruk foun to’o mai. Total stock aimoruk ne’ebé dadauk iha armajen SAMES hamutuk item 400,”dehan nia.Ola

Add to Comments Here!!!!

error: Content is protected.
Secured By miniOrange
You might also like:
XANANA LA SIMU POSSE TANBA DIGNIDADE

Prezidente Aliansa Mudansa ba Progresu (AMP),...

SEMANA OIN, GOVERNU APREZENTA PROGRAMA BA PN

Primeiru Ministru (PM), Taur Matan Ruak,...

TRIBUNAL LA REJISTA KAZU KRIMI HUSI MEMBRU GOVERNU CNRT  XANANA: PR LÚ OLO HAKAT LIU KONSTITUISAUN

Tribunal Distrital Dili (TDD) deklara katak,...

Close