JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

GOVERNU PRESIZA FO ATENSAUN BA LABARIK ABANDONA ESKOLA

GOVERNU PRESIZA FO ATENSAUN BA LABARIK ABANDONA ESKOLA

Espoza Prezidente Repúblika, Francisco Guterres ‘Lú-Olo’, Cidalia Mouzinho Lopes Guterres, rekomenda ba VIII Governu atu toma atensaun ba problema labarik ho idade minoridade barak ne’ebé mak abandona eskola inklui ladun hetan tratamentu saúde diak.

Espoza Prezidete Republika, Francisco Guterres Lu-Olo, ne’e hateten, agora la’os ona tempu atu ukun nain sira koalia barak, maibe tenki tau iha asaun nune’e bele rezolve labarik ho idade minoridade ne’ebé mak dadauk ne’e la hetan atensaun máximu iha kualker aspetu.

“Ha’u hanoin katak Estadu no Governu mos iha hanoin no hakarak atu nia povu ne’e hetan diak, entaun ha’u hanoin ita labele koalia deit maibe tenki tau iha asaun atu nune’e pelo menus husi parte balun hahú book-an dadauk ona, nune’e bele rezolve asuntu labarik sira nian ne’ebé mak ohin loron sai problema boot ne’ebé laos deit labarik sira deit maibe mos ba joven sira hotu nune’e bele hetan atensaun husi Estadu tanba sira mak futuru ba nasaun,”Cidalia Mouzinho Lopes hato’o preokupasaun ne’e ba Jornalista sira, hafoin partisipa seremonia lansamentu imunizasaun iha Administrasaun Munisípiu Dili, Segunda (2/7/2018).

Cidalia afirma, problema labarik sai preokupasaun ba entidade hotu, tanba ne’e liu husi mekanizmu saida deit tenki rezolve problema ne’e nune’e alende sira bele sente ukun an no partisipa dezenvolvimentu nasional nian.

“Ida ne’e realidade duni, ita labele taka, ita labele hateten buat hotu la’o diak hela, ita mos labele uza ida ne’e mos hodi halo ba polítika maibe mai ita tau liman hamutuk hodi tau atensaun ba asuntu ne’e, katak labarik sira abandona, labarik sira la hetan edukasaun no la hetan tratamentu saude ne’ebé diak,”dehan Cidalia.

Lee hotu :   Ministru Saúde Inagura Lixu Insenerador

Tuir Cidalia, Estadu liu-liu Governu iha kompetensia atu haree no tau matan ba nia sidadaun sira, tanba ne’e liu husi mekanizmu saida deit tenki halo nune’e tantu labarik, joven ferik no katuas iha nasaun soberania ne’e labele sente kiik no laiha valor iha nia rain rasik.Ola

Add to Comments Here!!!!

error: Content is protected.
Secured By miniOrange
You might also like:
F-FDTL REHABILITA EBF LAU-HATA HO US $ 31,857,40

FALINTIL Forsa Defeza Timor-Leste (F-FDTL) gasta...

PN HILI MEMBRU 3 BA KSDS

Parlamentu Nasionál (PN) liu hosi plánaria...

PM TAUR: LISTA VIII GOVERNU SEIDAUK IHA SOLUSAUN

Primeiru Ministru (PM), Taur Matan Ruak,...

Close