JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estudante nain 4 UNPAZ sei halo estudu komparativu iha Japaun

Estudante nain 4 UNPAZ  sei halo estudu komparativu iha Japaun

Estudante nain 4 husi Fakuldade Saúde Públika, Universidade da Paz, sei halo estudu komparativu kona-ba Saúde Públika, iha Universidade Nagoya City, Japaun durante semana ida.

Vise Dekana Fakuldade Saúde Públika UNPAZ, Maria Juvi Gonçalves, hatete estudu komaparativu nee realiza baseia ba akordu nebe universidade nasaun rua nee iha tinan hirak liu ba.

“ ami nia estudante sira ba Universidade Nagoya City Japaun, bazea ba akordu neebe ami halo ona iha tinan hirak liu ba ho Universidade Japaun”, dehan Primeira  Vise Dekana Fakuldade Saúde Públika UNPAZ, Maria Juvi Goncalves, ba JN-Diario,  Sábado (20-10-2018), iha Kampus UNPAZ, Manleuna Dilí.

Vise Dekana Saude Públika nee  haktuir katak estudante nain 4, sei ba halo estudu komparativu iha Japaun, iha área neebe sira estuda ba, hamutuk ho estudante Universidade Nagoya City Japaun, sira bele troka ídea  liu husi esperensia neebe sira iha.

“  Sira fila mia Timor, sira sei implementa estudu komparativu neebe mak sira halo iha Japaun, ba iha Universidade, liu-liu Fakuldade Saúde Públika, atu nunee estudante maluk neebe la ba, bele hetan fali esperensia husi sira”, hatutan Maria Juvi Gonçalves.

Iha fatin hanesan, Vise Reitor UNPAZ, Apolinario Marçal, afirma  estudu komapartivu nee hanesan passu susesu ida ba Universidade , tambá bele iha oportunidade atu loke liras ba Universidade seluk, hodi bele hadia kualidade Universidade no estudante sira.

“ Ami parte Universidade sente ida nee hanesan susesu ida neebe, iha historia estabelecimento Universidade, tambá iha hanoin kualidade laos milagre ida, maibe kualidade mai husi esforsu neebe ita tenke halo, tambá nee atu haboot ita nia Universidade, ita presiza haboot ita nia an ba Universidade sira seluk, liu-liu iha regiaun” afirma Vise Reitor UNPAZ.

Lee hotu :   UEUMB LA MENTA DESIZAUN MS HAPARA KONTRATU DR METAN

Vise Reitor UNPAZ  reafirma, liu husi mobilidade estudante no Dosente sira, bele foti esperensia foun ruma, hodi kontribui ba hadia edukasaun , peskiza ho ita nia servisu komunitariu diak liu tan iha ita nia país Timor.

Nia realsa Universidade hotu iha mundo, tenta halo ida nee, atu bele lori Universidade besik liu tan, no kompleta malu ho kbiit no mobilidade neebe iha,ita bele manan esperensia neebe iha, hodi bele komplimenta ita nia kbiit iha desenvolvimento Edukasaun.

Reprezentante Estudante Fakuldade Saúde Públika, Junilde Cariana Malenia , promete bainhira remata peskiza iha Universidade  Nagoya City Japaun, sei mai aplika esperensia neebe hetan durante peskiza, ba Universidade , liu-liu iha Fakuldade Saúde Públika.

“ Hau sente kontente no orgulho, tambá ida nee sai hanesan motivasaun ba ami nain haat, liu-liu Universidade iha Fakuldade Saúde Públika, atu bele ba halo estudu komparativa iha Japaun, neebe liga ho área Saúde Públika, hodi bele hasa’e ami nia kualidade iha futuru mai”, termina Junilde. Fel

Add to Comments Here!!!!

error: Content is protected.
Secured By miniOrange
You might also like:
Uma maternidade Sentru Saúde Lospalos Vila kondisaun aat

Uma maternidade iha Sentru Saúde Lospalos...

PN aprova propsota sosa kareta 48 ba deputadu foun

Atu fasilita deputadu V lejislatura sira...

Redus OJE privativu millaun US$17, Hodi tau prioridade ba deputadu foun

Parlamentu Nasionál (PN) liu hosi diskusaun...

Close