JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ME husu profesor hanorin estudante fase liman ho di’ak

ME husu profesor hanorin estudante fase liman ho di’ak

Ministra Eduksaun Juventude no Desportu, Dulce de Jesus Soares, rekomenda  ba profesor sira atu hanorin estudante sira oinsa  utiliza  material fase liman nian hanesan Be no sabaun  ho di’ak  no responsavel.

Ministra Edukasaun Juventude no Desportu, Dulce  de Jesus Soares, hateten, programa fase liman sai ona material disiplina saúde eskolar  iha eskola hotu-hotu,  tanba ne’e profesor sira iha  kompetensia atu hanorin klean liu tan oinsa fase liman ho sabaun tanba maske liafuan fase liman ne’e fasil, maibe  susar iha nia implementasaun.

“Ha’u husu ba profesor no profesora sira atu hanorin klean liu tan atu nune’e oan sira ne’ebé eskola iha eskola ida ne’e, sei rona importansia husi fase liman  ida ne’e, favor ida ba uma hatete fali ba inan aman, ho alin no maun sira katak hotu-hotu tenki fase liman, tanba husi fase liman mak bele hadook ita husi moras oi-oin mak hanesan, Diareia, mear no seluk tan, afinal buat fase liman ne’e la’os buat todan ida, maibe atu halo ne’e todan teb-tebes”,hatete Dulce de Jesus Soares, liu husi nia intervensaun iha  loron mundial fase liman ho sabaun iha Eskola Ensinu Báziku Sentral Manleuana-Díli, Tersa(23/10/2018).

Dulce haktuir, programa fase liman  lolos buat ne’ebé mak fasil, maibe susar atu implementa tanba bainhira atu haruka oan ida fase liman  hanesan hasoru funu bo’ot  ida, tanba presiza pasiensia no servisu maka’as inan aman nian.

“Hanesan Ministra Edukasaun hamrik iha ne’e kapaas los mas prátika ne’e la’os fasil,  tanba ha’u mos enfrenta, tanba ne’e hakarak hatete ba profesor no profesora sira nomos ba asosiasaun Profesor sira atu ajuda atu bele hato’o mensajen ne’e tanba ida ne’e mak baze aprende ema ida atu hatene“,Ministra Edukasaun ne’e dehan.

Lee hotu :   MS deve Hospital Internasional sira milaun 6 USD

Nune’e mos, espoza Prezidente Repúblika, Francisco Guterres ‘Lú Olo’, Cidalia Lopes Mouzinho Guterres, hateten,  programa  fase liman ne’e nu’udar programa ida ne’ebé mak  Ministériu relevante sira hanesan, Ministério Eduksaun, Ministériu Saúde nomos  Parseiru Dezenvolvimentu sira hala’o  kuaze tinan  tolu ona  ho objetivu atu prevene moras infeksaun  sira ne’ebé mak  fasil  hadaet hanesan, Diareia, mear no seluk tan.

Tanba ne’e nia husu ba implementador sira atu  implementa programa refere ho di’ak no rigorozu nune’e bele prevene moras hirak ne’e liu-liu moras Diareia, tanba moras diareia nu’udar moras  Segundu ne’ebé mak  oho labarik kiikoan ho idade  tinan lima mai kraik.

“Programa fase liman ho sabaun atu hadia saúde no salva moris liu husi prevensaun infeksaun ne’ebé mak hadaet husi diarea nomos moras sira seluk  tan,”dehan espoza PR ne’e.

Iha fatin hanesan, Diretora Eskola Ensinu Báziku Sentral  Manleuana, Rosa Alda Maria da Cruz, hateten, eskola prontu orienta Alunu eskola refere atu aprende oinsa prevene-an husi moras hirak ne’ebé mak mensiona liu husi fase liman ho sabaun molok han, antes sintina no raut foer.

“Programa ne’e importante tebes tanba ne’e ami sei  orienta sira oinsa fase liman ne’ebé mak di’a,k tantu iha uma no iha eskola atu nune’e estudante sira bele moris  ho saéde ne’ebé mak di’ak”dehan Rosa Alda Maria da Cruz.

Programa ne’e   realiza tanba hetan apoiu  tékniku no material husi  Parseiru Dezenvolvimentu sira hanesan, UNICEF , Unilever, Water Aid, no seluk tan.Ola

 

Add to Comments Here!!!!

error: Content is protected.
Secured By miniOrange
You might also like:
IPG realiza konferensia Internasional kona-ba jeolojia, petróleu no gás

Instituto Petróleo no Geologia (IPG), Tersa-feira...

Konfrontu iha Balide, rezulta joven ida kanek todan

Akontese konfrontu entre joven sira iha...

ME hahú halo koreksaun ba Ezame Nasional ■Dezembru anunsia rezultadu

Ministra Eduksaun Juventude no Desportu, Dulce...

Close