JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Diak husi moras Korasaun, Dionísio Babo asume hikas kna’ar nu’udar MNEK

Diak husi moras Korasaun, Dionísio Babo asume hikas kna’ar nu’udar MNEK

Ministru Negósiu Estranjeiru no Kooperasaun (MNEK), Dionísio Babo Soares, fila hikas mai rai laran hodi hala’o nia kna’ar nu’udar Ministru hafoin hala’o tratamentu ba nia korasaun kuaze fulan rua iha estranjeiru.

Iha Sesta (16/11/18), Dionísio Babo, hasoru malu ho Primeiru Ministru (PM), Taur Matan Ruak, hodi informa kona-ba moras ne’ebé nia sofre durante ne’e.

Iha sorumutu ne’e, Dionísio Babo hateten ba Xefi Governu katak, dadauk ne’e nia saúde rekopera hikas ona, no prontu atu reazume fali nia kna’ar hanesan Ministru Negósiu Estranjeiru no Kooperasaun.

“Ha’u mai hasoru Primeiru Ministru, atu relata kona ba ha’u nia situasaun, depois fila husi viajen ida husi Amérika, ba tuir Asembleia Jeral Nasoens Unidas nia reuniaun, ha’u hetan moras tiha, depois halo tratamentu”,informa Dionísio Babo ba jornalista sira iha Palásiu Governu, Dili, Sesta (16/11), hafoin hasoru malu ho PM Taur.

Iha okaziaun ne’e, Dionísio Babo, agradese ba Governu, no ema hotu ne’ebé halo ona orasaun ba nia bainhira nia halo tratamentu iha Amérika.

“Tratamentu ne’e hotu tiha ona, agora ha’u fila fali mai no mai fó hatene ba Primeiru Ministru kona ba ha’u nia retornu.  Tratamentu la’o diak tebes, agora ha’u iha rekooperasaun, ha’u hasoru Primeiru Ministru, ha’u hatete katak, ha’u preparadu atu rejume fali ha’u nia servisu”, relata Dionísio.

Nia esklarese, tuir relatóriu médiku, doutor espesialista sira iha ne’ebé halo tratamentu ba nia iha Amérika, fó ona autorizasaun ba nia atu fila fali mai Timor- Leste, tanba nia kondisaun saúde estavel ona.

“Tratamentu la’o nafatin, sira fó prazu semana nen (6), no agora ha’u kompleta ona semana nen, no ha’u bele halo ona servisu, ho modestu tuir ita nia situasaun saúde, to’o ita rekopera kompletamente”,relata Dionísio.

Lee hotu :   Dom Virgílio espera rekursu GS bele fó servisu ba timoroan

Dionísio afirma, iha sorumutu ne’e mós, nia informa ba Xefi Governu kona-ba kestaun servisu balun kona ba reuniaun Asembleia Jeral Nasoens Unidas nian, no pozisaun polítika ne’ebé Timor-Leste hola kona ba asuntus oi-oin, iha nivel nasoens unidas nian, no Planu balu kona-ba servisu diplomasia,  iha fulan hirak tuir mai.cos

 

Add to Comments Here!!!!

error: Content is protected.
Secured By miniOrange
You might also like:
Altera lei FP, Taka dalan ba TC halo fiskalizasaun

Prezidente Conselho Consultivo Fundo Petrolífero (CCFP)...

Mundu ho Tétun GMNTV 10 Novembru 2018

JORNAL NACIONAL GMNTV KALAN, Loron-15 Fulan-Novembru Tinan-2018

Close