JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS estabelese sentru tratamentu ba moras kankru serviks iha Vera Cruz

MS estabelese sentru tratamentu ba moras kankru serviks iha Vera Cruz

Ministériu Saúde (MS), estabelese  sentru tratamentu  ba moras kánkru Mama (Susun), no mós kánkru serviks (oan fatin), iha Sentru Saúde (CS), Vera Cruz, ho objetivu atu  hatene  lalais kona ba sintomas husi moras refere.

Ministra Saúde interina, Elia António Araújo dos Reis, hateten, objetivu husi estabelesimentu sentru atendimentu refere, atu atende lalais pasiente sira ne’ebé mak deskonfia hetan moras refere, nune’e bele hetan atendimentu ne’ebé di’ak no adekuadu, molok hetan to’o iha estadiun aas.

“ita hatene katak, loron mundial saúde sempre monu iha loron 7 fulan Abril kada tinan, ne’ebé Timor-Leste rasik ita selebra ohin ho tema, Kovertura  Universal Saúde, ne’ebé ho siknifika katak, saúde ba ema hotu iha ne’ebé de’it, tanba ne’e mak MS iha inisiativa, atu haree liu ba kondisaun  pasiente ho moras kánkru mama, no mós kankru serfiks nian, ne’ebé afeta ba ita-nia feto maluk sira, tanba ne’e mak ita estabelese  sentru ida ne’e iha ne’e, atu ita-nia  feto maluk sira bele fasil mai asesu bainhira iha ona sintomas ruma kona ba moras refere”, hateten Elia Antónia de  Araújo dos Reis, ba jornalista sira  hafoin obseva direita sentru atendimentu ba pasiente moras kankru mama, no mós kankru serfiks iha sentro saúde Vera Cruz,  Segunda (8/4/2019).

Iha fatin hanesan, doutor Alito Soares, hanesan dutor onkolojia no mós responsavel ba moras kankru, senti preokupa ho situasaun ne’ebé mak dadauk ne’e pesoal saúde sira, liu-liu nia parte enfrenta, tanba maske sentru tratamentu ba moras refere hahú estabelese iha tinan 2015, maibé to’o agora seidauk iha sentro rejistrasaun, tanba ne’e  dala barak númeru ne’ebé mak parte balun hanesan ministério saúde no Hospital Nasionál Guido Valadares relata la hanesan.

Lee hotu :   Partisipa Jenesys parte II, Jenesys nafatin fó oportunidade Timor-oan halao estudu komparativu

“Sentro rejistrasaun ba kánkru ne’e to’o agora ita seidauk iha, entaun dala ruma dadus sira ne’e, ita seidauk iha kompletu, husi médiku ida, husi departementu ida, husi HNGV, tanba ita seidauk iha, entaun dala ruma  ita nia médiku sira haree iha hospital ka iha fasilidade saúde ne’e, barak maibé tanba la rejistu iha fatin ida, entaun númeru sira ne’e mai dala ruma lahanesan, mas ha’u hakarak  dehan de’it katak,  númeru pasiente ne’ebé mak sofre moras ne’e iha HNGV de’it, husi  tinan 2015 mai 2018 hamutuk 325 pasiente, dala ruma mós bele liu ida ne’e tanba barak mak ita la konsege rejistu”, katak Alito Soares.

Alende seidauk iha sentru rejistu, HNGV mós to’o oras ne’e seidauk iha mákina  deteksaun sedu hanesan, ekipamentus mamográfia  ne’ebé prejudika servisu pesoal saúde sira atu hatene  klasifikasuan moras kánkru ne’ebé mak iha.

“fatin ida ohin ne’e atu halo de’it escreaning clinical ejamenasaun  atu halo deteksaun ba moras kankru mama (susun), no mós kánkru serfiks ne’ebé la’os  estabelese de’it iha sentru saúde  Vera Cruz, maibé mós ba sentru saúde no hospital referensia sira hotu, inklui sentru internamentu no sentru maternidade hotu atu nune’e iha kada fasilidade sira ne’e iha fokal poin, nune’e hahú ohin ba oin halo ejaminsaun detensaun sedu ba moras sira ne’ebé mak iha sinais no sintomas ba kánkru mama, nomós kánkru serfiks, entaun ida Díli laran, Vera Cruz hanesan fatin ida ne’ebé mak ita termina para halo ida ne’e, no ita rekuñese katak, la’os iha ne’e de’it mak infrenta problema, maibé iha HNGV mós infrenta problema hanesan, liu-liu kona ba mákina deteksaun sedu ou mákina mamográfia seidauk iha, ita foin iha de’it mak ultrasonográfia, mas ida ne’e ita  labele uza hodi halo detensaun, so ida bele halo detensaun mak mamográfia ne’ebé karik sei ki’ik ita bele halo operasaun”, relata Alito.

Lee hotu :   ME louva kapasidade professores

Enkuantu,  oficial encarregado organizasaun saúde mundial iha Timor-Leste, Sudath Peiris, promete, organizasaun saúde mundial sei kontinua servisu hamutuk ho Ministériu saúde hodi metas ne’ebé mak iha.

“Atu ema hotu iha nasaun ida ne’e nia  laran bele iha asessu ba servisu saúde ne’ebé ho kualidadi di’ak. Iha TL tratamentu saúde nian ita hatene di’ak ba bebeik, liu husi estabelesimentu postu saúde nian, liu husi polítika Governu nian atu estabelese postu saúde hirak ne’e iha kada Suku sira iha TL, iha ne’ebé hanesan ita hatene katak, iha TL iha Suku 250 husi Suku 300 liu mak iha ona postu saúde, estabelese ona hamutuk ho doutor. Ida ne’e prova katak, iha duni progressu ida ne’ebé di’ak ba servisu saúde nian ba ema hotu. Bazeia ba planu estratéjia saúde nasionál nian, iha tinan 2020 katak, Governu sei estabelese posto saúde iha Suku hotu iha TL. Hanesan ita bele akompañia iha notísia sira katak, kada fulan posto saúde foun ida hahú loke hikas ka estabelese no funsiona”, katak Sudath Peiris.

Nia haktuir, TL nia progresu di’ak ba bebeik, hamutuk ho doutor 900 liu, ne’ebé mak tuir formasaun iha TL, no agora aloka ona iha kada postu saúde ne’ebé mak iha, dalaruma mós Suku balun laiha postu saúde, maibé doutor sira alokadu ba iha Suku ne’e.

“Iha buat seluk tan mak iha inisiativa úniku iha TL mak programa “saúde na famila”, iha ne’ebé doutor sira la hela de’it iha postu saúde, maibé sira hahú vizita komunidadi sira, husi uma ba uma hodi buka ema sira ne’ebé laiha asessu. Ida ne’e mak halo WHO senti katak, kompara ho nasaun seluk iha rejiaun ne’e TL, avansa ho lais tebes hodi besik ba objetivu “tratamentu sáude universal”.Ne’e duni WHO senti haksolok hodi kontinua parséria ho Governu TL, iha dalan oi-oin hodi atinji objetivu ida ne”,  relata Sudath Peiris.ola

Add to Comments Here!!!!

error: Content is protected.
Secured By miniOrange
You might also like:
Governu sei hato’o relatóriu implementa PAN RKSNU ba SekJer ONU

Governu Timor-Leste, liu husi Ministério Interior,...

PN husu Governu koloka negosiante ambulante iha fatin justu

Reprezentante povu iha Parlamentu Nasional (PN),...

PN preokupa desizaun Tribunal aplika TIR ba autór droga

Deputadu iha Parlamentu Nasional (PN) preokupa...

Close