JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS bandu labele taka Klínika Bairo-Píte

MS bandu labele taka Klínika Bairo-Píte

Manajer  Klínika Bairo Pite, Inácio dos Santos, informa, Vise Ministra Saúde (MS), Elia António de Araújo, la autoriza jerente Klínika Bairo-Píte taka klínika refere, tanba bele fó impaktu negativu ba pasiente  sira-nia vida.

Inácio haktuir, Vise Ministra Saúde, konvida ona jerente klínika refere no fó ona introdusaun atu labele taka klínika refere, tanba  Ministériu Saúde sei ajuda klínika refere hodi rezolve problema krize finanseira ne’ebé mak klínika  ne’e  infrenta.

“Vise Ministra Saúde, la mai direita iha ne’e, maibé konvida ona ami, ha’u ho dutor Daniel ba ona iha ne’eba no halo ona enkontru ho Vise Ministra katak, labele taka klínika ne’e, tanba Ministériu Saúde, sei buka meius atu bele ajuda krize finanseira ne’ebé  mak ita infrenta, no iha ne’eba sira esplika mai ona ami katak, lei la permiti sira atu utiliza orsamentu ne’ebé mai husi Estadu atu selu saláriu funsionáriu sira iha ne’e, maibé sira sei buka solusaun oinsa bele ajuda, sei  Orsamentu Jeral Estado tinan ida ne’e sufisiente, entaun sira bele aloka mai”, informa Inácio dos Santos, ba GMN iha nia servisu fatin Bairo-Píte Díli, Kuarta (19/6/2019).

Inácio hateten, alende  iha posibilidade bele ajuda tinan ne’e, Ministériu Saúde mós  husu atu klínika refere halo proposta foun atu bele preve iha orsamentu tinan 2020 nian.

Inácio haktuir, alende Ministériu Saúde, Primeiru Ministru  liu husi Gabineti Apoiu Sosiedade Sívil mós fó ona resposta pozitivu katak,  sei apoia klínika Bairo-Píte iha tempu badak.

 “Kona ba ameasa husi pesoal saúde sira katak, atu greve ne’e, sim los maibé, dadaun ne’e  ita bo’ot sira mós hatene katak, ami hetan apoiu husi kompañia balun hanesan Jonize, ne’ebé mak foin lalais fó apoiu osan dolar Amerikanu rihun rua nolu USD (20.000) ba ami, tanba ne’e ami senti kaman oituan, iha mós resposta positivu husi Primeiru Ministru, liu husi Gabineti Apoio Sosiedade Sívil, ne’ebé mak  foin lalais bolu ona ha’u rasik ba iha ne’eba no sira hatete katak, maske orsamentu ne’ebé mak iha oituan, la tuir buat ne’ebé mak ami husu, maibé sira  koko atu bele ajuda liu husi orsamentu ne’ebé mak iha”, Inácio hateten.ola

Lee hotu :   Númeru dengue aas iha Munisípiu 4, MS kria ekipa integradu ba atendimentu urjensia

Add to Comments Here!!!!

error: Content is protected.
Secured By miniOrange
You might also like:
FRETILIN konsidera Kalbuadi hatudu ezemplu ladiak ba PN

Vise Xefi bankada Frente Revolucionária do...

Naimori husu PM ho PR solusiona lista membru Governu pendente

Konselleiru Partidu KHUNTO, José dos Santos...

Xanana Gusmão halo tinan ba dala 73, Husu Timor-oan hotu atu servisu maka’as ba dezenvolvimentu TL

Líder karismátiku, Kay Rala Xanana Gusmão,...

Close