JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Transporta urjente ba HNGV, Família pasiente malnutrisaun agradese VMS

Transporta urjente ba HNGV,  Família pasiente malnutrisaun agradese  VMS

Adriano Freitas,  aman husi pasiente malnutrisaun na’in rua mak hanesan, Jezinho Maia no Carles Fretas, agradese Vise Ministra Saúde (VMS), Asuntu Kuidadu Saúde Primária, Elia António de Araújo dos Reis Amaral, tanba bele disponivel hodi transporta nia oan na’in rua ne’e mai Díli hodi hetan tratamentu saúde.

Adriano senti kontenti, VMS ho nia ekipa  halo ona vizita  ba nia hela fatin, hodi halo konsultasaun gratuita no  transporta kedas  nia oan na’in rua ne’ebé mak kuaze tinan ida resin sofre mal nutrisaun, maibé  paradu de’it iha uma, tanba laiha kbi’it atu lori ba sentru saúde, tanba hela fatin dok husi sentru saúde, no postu saúde.

“Ha’u atu laran metin los ba se, halerik ba halerik mos ema la hatan, tanba ne’e mak ohin inan sira iha aas ne’eba mai ona bele lori sira ba hodi hetan netik tratamentu”, hateten Adriano Freitas ba GMN ho matan ben nakonu, iha nia hela fatin Suku Leorema Aldeia Manuleten, Sesta (13/7/2019).

Adriano haktuir, durante ne’e nia rasik labele halo buat ida no depende de’it ba nia ferik oan, tanba laiha forsa hodi halo servisu no mos lori nia oan na’in rua ba iha fasilidade saúde hodi hetan atendimentu, maske moras ne’ebé mak sira na’in rua infrenta ne’e kuaze tinan  sanolu resin ona.

“Sira na’in rua nia moras ne’e komesa tinan 2008, mas atu dehan todan ne’e  foin tinan ida resin, atu lori ba hospital labele, tanba ha’u forsa laiha, nia inan mak esforsu aan kous sira tun sa’e, no halo servisu sustenta ami, nia inan mak ba lere ema nia toos loron ida dolar rua hodi sustenta ami no aguenta to’o agora, tanba ha’u mós hetan moras asma, ha’u hili ai teb-tebes mós labele”, relata Adriano.

Lee hotu :   Florêncio Sanches: Clarence Lim deside fa’an Kmanek

Entretantu, Vise Ministra Saúde, Asuntu Kuidadu Saúde Primária, Elia António de Araújo dos Reis Amaral, senti triste haree kondisaun real família Adriano Maia no Carles Feitas, tanba moris ho kondisaun ekonomia ne’ebé mak la favoravel.

“Tuir informasaun ne’ebé mak ha’u iha katak, iha vizita na família iha tinan  2016, família ida ne’e nia kondisaun di’ak, maibé liu tiha tinan tolu, família ida ne’e hetan moras ida ne’e, tanba ne’e mak ohin ha’u mai ho ekipa integradu, iha médiku jeral, médiku espesial pediatria nian atu mai halo intervensaun direita, molok ba iha HNGV,no iha ekipa konjunta ne’e, ita iha dutora espesialista pediatria nian, ne’ebé sei halo intervensaun direita iha HNGV, no ami hotu promete katak, ami sei halo esforsu hodi halo buat ne’ebé mak di’ak ba sira na’in rua”, promete Elia.

Nune’e mós Dutora Espesialista pediatria, Lourdes Leaun hateten, pasiente na’in rua ne’e labele simu de’it aimoruk, maibé tenki halo konsultasaun médiku kompletu hanesan raisis no seluk tan, atu nune’e bele identifika lolos kauza husi moras ne’ebé mak pasiente na’in rua ne’e infrenta, tanba alende malnutrisaun, pasiente na’in rua mós deskonfia hetan moras komplikadu.

“Atu hatene ne’e, ami sei dehan diagnosis bandin, tanba atu hatene lolos nia kauza ne’e, ita presiza halo ijamenasaun kompletu, ne’ebé ita sei haruka ba iha Díli, depois iha ne’eba ita sei halo ezamenasaun báziku lai, nomós halo CT-SCAN ba iha nia ruin kotuk, depois ita haree  no detekta para depois iha defeitu ruma anatómiku, iha ne’eba depois ita sei haruka ba médiku ortopedista sira haree, mas se laiha problema anatómiku, iha ne’eba ita haree fila-fali, dala ruma nia kelainan iha nia saraf ou se la’e iha nia uat”, esplika Lourdes.

Lee hotu :   Konstrusaun moru Dolok-Oan sei sobu

Tuir Dutora ne’e katak, sira labele halo pasiente na’in rua ne’e normal fila-fali hanesan uluk, tanba moras ne’ebé mak sira enfrenta kleur ona.

Maske nune’e dutora ne’e fiar katak, maske la halo pasiente na’in rua ne’e normal fila fali hanesan uluk, maibé pelumenus bele halo sira-nia kondisaun fiziku bele iha forsa hodi bele han no hemu mesak.

Pasiente Jezinho Maia  no Carles Freitas oan ba dala rua no dala tolu husi bin no alin na’in hitu, husi aman  Adriano dos Santos No inan Noriana Maia, husi Munisípiu Likisa, Postu Administrativu Bazartete.

Pasiente Jezinho Maio no Carles Freitas oras ne’e dadauk baixa ona iha sala pediatria Hospital Nasional Guido Valadares Bidau Dili.ola

Add to Comments Here!!!!

error: Content is protected.
Secured By miniOrange
You might also like:
Ema hetan mate-isin bebé ida iha Tasi-tolu

Komunidade Godino Lidia Ximenes,  nu’udar labarik...

Governu tenki hadia lei investimentu-atendimentu públiku

Atu hadi’a ekonomia iha rai laran,...

DIA 14/07/19|| GMNTV LIVE STREAM || JORNAL NASIONAL KALAN

Close