JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Malnutrisaun iha Timor-Leste atinji 40%

Malnutrisaun iha Timor-Leste atinji 40%

Diretór Ezekutivu Forum ONG Timor-Leste (FONGTIL), Daniel Santos da Carmo, hateten, malnutrisaun iha Timor-Leste (TL) atinji ona porsentu 40, tanba ne’e governu liu husi Ministériu Agrikultura no Peskas (MAP) tenke  dezenvolve seitór agrikultura hodi bele redus malnutrisaun iha rai ida ne’e.

“Dadus hatudu katak, malnutrisaun iha Timor-Leste ne’e 40%, no dadus mós hatudu katak populasaun Timor-Leste 75% sira peskador no agrikutor no maioria sira hela iha area rural, entaun ita nia problema mak ne’e no problema seluk mak inseguransa ai-han kontinua ejiste iha ita nia rai”, afirma Daniel do Carmo, ba jornalista sira iha Salaun João Paulo II, Komoro, Díli Kuarta (18/09/2019).

Nia esplika katak, bainhira nasaun ida mak depedente deit fos importasaun husi rai liur, maske iha potensial ba agrikutor, maibé Estadu ladun iha seriedade no ladun tau perioridade atu halo investimentu liu-liu seitor agrikultura.

Tanba ne’e mak FONGTIL realiza forum refere atu rona opiniaun sira husi NGO hotu-hotu atu aprezenta ba governu oinsa bele konsidera asuntu refere nune’e bele redus malnutrisaun iha TL.

Iha fatin hanesan Encaregada FAO iha Timor-Leste, Paula Lopes da Cruz, haktuir, FAO iha kompromisiu boot hodi investe ba seguransa alimentar no kombate malnutrisaun iha TL, nune’e sei servisu hamutuk ho entidades hotu.

“Ita bele haree estadu bele investe diak liu tan, ba asuntu rua ne’e hadiak seguransa alimentar no mós kombate malnutrisaun iha rai laran. Tanba sira servisu hamutuk ho komunidade no loro-loron no sira buka solusaun rasik no kontinua toka asuntu ne’e ba inan aman no fó atensaun ba joven feto kuidadu sira nia saúde no konsumu ai-han ne’ebé iha nutrisaun”, esplika Paula da Cruz.

Lee hotu :   • Luis Lobato Uniforme Saude labele uza sai sumasu

Nia hatutan, atu redus problema refere mak motiva komunidade sira kuda ai-han no la presiza ai-han importasaun sira husi rai liur, tanba ai-han sira ne’ebé kuda ne’e iha nutrisaun ne’ebé diak, tanba ai-han doméstiku ka ai-han lokal ne’e mak iha nutrisaun diak liu kompara ho ai-han importasaun.

Tanba ne’e FAO iha komitmentu nafatin atu apoiu Estadu TL hodi dezenvolve agrikultura no fó apoiu formasaun ba agrikultor sira, hodi hasae sira nia kuñesimentu oinsa bele hasa’e sira nia produsaun agrikula iha TL. Aes

Add to Comments Here!!!!

error: Content is protected.
Secured By miniOrange
You might also like:
Kazu ta’a malu no naok ema nia sasán, impaktu husi fatór ekonomia no dezempregu

Reprezentante povu iha Parlamentu Nasional (PN),...

PN hatudu lisaun ladiak ba jerasaun foun

Parlamentu Nasionál (PN) kontinua kansela Prezidente...

Disputa rai iha Kaitehu, Xanana konsidera ME tau lutu iha rai Estadu

Lider Karismátiku, Kay Rala Xanana Gusmão...

Close