JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

EEB-EES hahú ezame terseiru trimestrál *Bandu alunu sira lori telemovel tama sala aprendizajen

EEB-EES  hahú ezame terseiru trimestrál *Bandu alunu sira lori telemovel tama sala aprendizajen

Eskola Ensinu Báziku to’o Eskola Ensinu Sekundáriu  Jeral no Privadu iha teritóriu Timor-Leste hahú ezame terseiru trimestral atu pasa klase, iha Segunda (18/11).

Diretur  eskola Finantil, Aloysius Mauberek hatete,  hahú horseik, eskola primária to’o sekundáriu públiku no privadu sira iha teritóriu Timor-Leste hahú ezame terseiru trimestral hodi pasa klase.

“Prosesu ezame ne’e tuir prosedimentu no kalendáriu husi ministériu edukasaun ne’ebé ami iha ona preparasaun fatin kadeira meza no material hodi fó ezame, matéria ezame, ne’eduni foti estudante sira-nia volor husi ezame primeru to’o terseiru trimestral, no matéria ne’e sei halo koreksaun liu husi média elektrónika ne’ebé liu no la liu, depende estudante nia kapasidade rasik”, hatete  Aloysius Mauberek  ba GMN iha Finantil Aimutin Díli,  Segunda (18/11).

Nia haktuir, antes tama ezame, mestri sira fó les kona bá matéria ne’ebé uza atu ezame, nune’e estudante sira bele iha konesimentu ba matéria ne’e, maibé dala barak estudante balun latuir les ne’ebé hanorin husi mestri sira iha parte lorokraik, entaun susar ba estudante sira atu.

Nune’e mós, Koordenadór Jeral Eskola Báziku Filial Siklu 1.2 Aimutin,  Rogerio Soares, hatete,  eskola Primária sira hahú husi primeiru ano to,o kintu ano deit mak ezame, tanba sestu ano realiza tiha ona ezame bai-bain  iha semana kotuk, hodi pasa ba sétimu ano, tanba Ministériu Edukasaun sei implementa sistema foun iha eskola primária sira ba sestu ano laiha ona ezame nasionál, maibé halo ezame bai-bain hodi pasazen ba terseiru siklu.

Eskola ensinu primária sira halo deit ezame ba klase terseiru to’o kintu ano ba primeiru to’o segundu ano halo deit avaliasaun.

Lee hotu :   • Luis Lobato Uniforme Saude labele uza sai sumasu

Antes ne’e terseiru ano ba ensinu pre- sekundáriu no ensinu sekundáriu halo ona ezame nasionál enkuantu ezame ne’e sei remata iha sesta semana ne’e.

Bandu alunu sira  lori telemovel tama sala aprendizajen

Deputadu komisaun G, ne’ebé trata Asuntu Edukasaun iha Parlamentu Nasionál (PN), Sabino Soares ‘Guntur’ husu profesor sira, atu tau regras iha kada eskola, hodi bandu estudante sira lori telemovel iha sala aprendizajen, liu-liu bainhira material la’o hela.

Deputadu husi bankada PLP ne’e mós rekoñese katak, seidauk iha lei ruma, hodi regula utilizasaun media sosial iha Timor-Leste, maibé hanesan lejisladór, sei esforsu atu bele kria regras ruma, hodi nune’e ema hotu utiliza média sosial tuir nia regras, tanba mudansa teknolojia avansadu.

“ Ita ko’alia kona-bá informasoens, ita presiza estudu klean, desizoens ruma ne’ebé mak kompetensia profesor sira ka diretur sira, ne’e sira bele halo, ita la presiza halo lei mós sira bele kontrolu hela material hirak ne’e, tanba labarik sira la fokus ba prosesu aprendizajen, kuandu lori telemovel tama to’o aulas ne’e implika ba sira-nia konsentrasaun atu tuir prosesu aprendizajen. Ho razaun ne’e mak eskola ida-idak iha kompetensia tomak para regulariza, oinsa mak estudante sira labele lori telemovel tama ba aulas”, sujere deputadu Guntur iha PN, Segunda ( 18/11/2019).

Maske nune’e, deputadu ne’e rekuñese katak, difisil atu bandu totalmente estudante sira utiliza medsos, tanba presiza adapta aan ho sistema modernizasaun tékniku, maibé ho dalan ne’ebé pozitivu.

“Kuandu ita bandu total atu utiliza medsos, ne’e ita marjinaliza tiha labarik sira husi mudansa globalizasaun teknolojia modernizasaun,

Oinsa atu kontrola mak, ita tenke kosensializa labarik sira, nune’e sira hatene oinsa mak utiliza sasán sira ne’e, tuir nia tempu rasik, tempu eskola nian no tempu livre nian”, tenik Guntur.

Lee hotu :   MESSK: Orsamentu rekruta formadór lian Portugés la sufisiente

Deputadu ne’e hato’o asuntu ne’e, relasiona ho sujestaun no komentáriu balun ne’ebé publika iha média sosial, hodi husu atu karega ba parte edukasaun, atu tau lei ruma, hodi bandu estundante lori telemovel ba eskola, tanba konsidera estudante sira la konsentra ba material  ne’ebé profesor sira fahe, maibé preokupa liu mak telemovel. Aba/say

Add to Comments Here!!!!

error: Content is protected.
Secured By miniOrange
You might also like:
Restorante LINIVON sai melhor vensedór iha kompetisaun Tiger Street Food 2019

Restorante LINIVON sai melhor vensedór iha...

Abitante hetan mate-isin ida iha Praia dos Coqueiros

Abitante  ida hetan  mate-isin  Alcino  Perera...

PN husu MS kontrola aimoruk herbal fa’an online

Deputadu komisaun F ne’ebé trata asuntu...

Close