JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Klínika Bairo-Píte seidauk hala’o kontribuisaun ba pasiente

Klínika Bairo-Píte seidauk hala’o kontribuisaun ba pasiente

Jestór Klínika Bairo-Píte, Inácio dos Santos, hateten, to’o agora klínika seidauk aplika husu kontribuisaun husi pasiente, tanba seidauk hetan solusaun atu halo kobransa ba pasiente sira ne’ebé halo tratamentu saúde iha klínika.

Tuir Inácio informa, razaun seluk mak maioria pasiente hirak ne’ebé mai halo tratamentu iha klínika refere kbi’it la’ek deit, tanba ne’e estrutura klínika presiza tetu di-di’ak antes implementa husu kontribuisaun ba pasiente.

 “Atu halo kontribuisaun husi pasiente sira ne’e ami planu ona,  maibé atu realiza ne’e mak ami sei hanoin di-di’ak, tanba ita haree pasiente sira ne’e barak mak mai hala’o tratamentu iha ne’e, barak mai husi foho no maioria ema sira mai halo tratamentu iha klínika laiha kbi’it, ho ida ne’e, mak ami hanoin atu husu kontribuisaun ba sira kusta uitoan, tanba dalaruma atu hetan deit  hahan mós kusta, ho ida ne’e mak ami husi parte manajamentu  sei hanoin hela atu husu kontribuisaun ho tipu ida oinsa, ho nune’e, ami hanoin atu husu kontribuisaun ba ema sira ne’ebé mak ho tipu  iha kbi’it ami  husu kontribuisaun boot uitoan, ema ne’ebé mai kbi’it laiha, ita husu menus, ida ne’e, mak ami sei halo diskusaun hela depois de  ami finaliza diskusaun mak ami foin aplika ida ne’e”, Jestor Klínika Bairo-Píte ne’e ba GMN iha ninia kna’ar fatin Bairo-Píte, Díli, Tersa (05-11-2019).

Alénde ne’e, Inácio dos Santos mós esplika, Diretor Klínika Bairo-Píte, Daniel Murphy ninia pozisaun mantein atu fó tratamentu gratuita ba pasiente, tuir konstituisaun RDTL haruka.

“Dotor Daniel Murphy nia pozisaun mak prontu halo tratamentu gratuita ba komunidade sira, tanba konstituisaun garante tratamentu gratuita ba komunidade no ema laiha kbi’it atu selu, ho situasaun krizi finanseiru ne’ebé dau-daun ne’e klínika hasoru bele prejudika funsionáriu sira  husi departementu farmásia, laboratorium, rejistrasaun, parteira no emerjénsia, hodi labele tama servisu no halo atendementu ba pasiente sira,” tenik Jestor Klínika Bairo-Píte ne’e.

Lee hotu :   TL Hahu’u anu letivu 2018, Ema hotu tenki iha responsabilidade ba edukasaun

Tuir nia katak, iha hanoin klínika Bairo-Píte ne’e sei entrega ba governu, liu husi Ministériu Saúde (MS), atu fasilita no jere klínika refere ho rekursu umanu ne’ebé iha.

“Ami tenta atu hasoru VIII Governu, liu husi Vise MS na’in rua, atu husu oinsa sira atu suporta finanseiru, sei la suporta finanseiru ami  bele entrega klínika ba governu”, haktuir Inácio.

Ho problema krizi finanseiru ne’e, estrutura klínika hala’o ona sorumutu ho Prezidenti Repúblika (PR), Francisco Guterres “Lú Olo”, Primeiru Ministru (PM), Taur Matan Ruak no mós hato’o ona proposta orsamentu ba MS, liu husi Vise Ministra Saúde, Élia António de Araújo dos Reis Amaral no promete atu responde iha tempu badak, maibé realidade kuaze besik tinan ida ona, maibé seidauk iha rezultadu nafatin. eni

Add to Comments Here!!!!

error: Content is protected.
Secured By miniOrange
You might also like:
Aquita Tama Laka hakotu iis tanba atake kardiaku

Membru Brigada Negra, Constâncio dos Santos...

PJR rejeita fó informasaun ba PR labele fó posse ba membru Governu pendente

Prokurador Jeral Repúblika (PJR), José da...

PM orienta MF Sara Lobo Brites tau matan ba asuntu importante tolu

Primeiru Ministru (PM),Taur Matan Ruak fó...

Close