JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS sei apoiu USD 180.000 ba klínika Bairo-Píte

MS sei apoiu USD 180.000 ba klínika Bairo-Píte

Atu rezolve krizi finanseiru ne’ebé klínika Bairo-Píte hasoru durante ne’e, Vise Ministra Saúde, Élia António de Araújo dos Reis Amaral, hateten, iha tinan oin Ministériu Saúde (MS) sei fó apoiu orsamentu ho montante USD180.000 ba klínika Bairo-Píte.

“Iha tinan 2020 ha’u hanoin iha ona alokasaun orsamentu ba ba klínika Bairo-Píte, ao mesmo tempu sei hein, tanba iha prosesu depois em termos ba oin sei iha promulgasaun ba Orsamentu Jeral Estadu (OJE) ne’e ho di’ak husi Prezidenti Repúblika (PR), Francisco Guterres “Lú Olo”, Élia Amaral informa asuntu ne’e ba jornalista sira, hafoin partisipa reuniaun Konsellu Ministru (KM), iha Palaçio do Governo, Kuarta (06-11-2019).

Governante ne’e esplika, maski nune’e MS seidauk bele aloka orsamentu, maibé koloka ona pesoal saúde no ekipamentu, hodi apoiu servisu klínika Bairo-Píte.

Ita hatene katak, klínika Bairo-Píte ne’e klinika ida ne’ebé privadu, maibé durante ne’e governu apoiu hela em termos rekursu umanu, ami koloka pesoal saúde, ekipamenu ho medikamentu, ami sempre suporta ba iha ne’ebá”, katak Élia.

Vise MS ne’e rezeita mós deklarasaun husi Jestor klínika Bairo-Píte ne’ebé hateten, sira marka ona audénsia ho Vise MS, maibé to’o agora seidauk iha sorumutu entre estrutura klínika nini’an ho Vise MS, hodi buka solusaun ba krizi ne’ebé klínika ne’e infrenta, tanba durante infrenta krizi nia parte hasoru malu dala tolu ona ho estrutura klínika Bairo-Píte.

“Antes ne’e, ha’u mós hasoru ona sira dala tolu, hanesan Vise Ministra tutela interior, entaun ida ne’e Ministru Exersísiu interior mak bele foti desizaun, depois haree ba ida ne’e konkordansia ne’ebé mak iha, ha’u hanoin ita haree ba oin, para atu hadi’a ba iha alokasaun orsamentu ne’e rasik”, tenik governante ne’e. eni

Lee hotu :   Cuba kontinua forma médiku Timor-oan

Add to Comments Here!!!!

error: Content is protected.
Secured By miniOrange
You might also like:
Domingos Barreto reativa fali nia funsaun hanesan prokurador

Prokurador, Domingos Barreto ne’ebé hetan demisaun...

Rekrutamentu F-FDTL 2020, Lere insiste tenki fó prioridade ba veteranu nia oan

Xefe Estadu Maior FALINTIL Forsa Defeza...

Timor-Leste seidauk bele kria moeda rasik

Ekonomista Timor-Oan, Manuel Tilman, hateten, Estadu...

Close