JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu atribui US$ 15 milhoens ba uma kreda TL ho

Governu atribui US$ 15 milhoens ba uma kreda TL ho

Governu Timor-Leste atribui US$ 15 Milhoens ba uma kreda liu husi asina akordu annual ne’ebe asina iha reuniaun Konselho Ministrus, Kinta (10/05/2018).

Akordu ne’e tinan-tinan sempre asina hodi renova akordu ne’ebe antes ne’e asina ona husi Governu no uma kreda hodi ajuda aktividade igreja nian hanesan aktividade social no edukasaun.

Akordu ne’e asina husi Prezidenti Komferensia episcopal Timor-Leste, Dom Basilio do Nascimento no Primeiriu Ministru (PM) Marí Alkatiri, ne’ebe partisipa mos husi Bispo Dioseze Dili, Dom Virgílio do Carmo da Silva.

Prezidente Komferensia Episkopál, Dom Basílio do Nascimento hateten, akordu ne’e Estadu Timorense ho Estado Vatikano asina ona iha tinan 2016, kona ba kontribuisaun ne’ebe Estadu Timor-Leste fo ba uma kreda foku ba programa importante tolu mak hanesan edukasaun, problema social sira inklui aktividades igreja nian, tanba Governu konsidera igreja parseiru Governu nian.

 Tan ne’e, iha akordu annual ne’ebe kada tinan Governu ho uma kreda lokal tenki renova, atu nune’e subsídiu ne’ebe Governu tuir indikasaun ba programa prioridade ne’ebe iha.

Dom Basílio hatutan, tuir lolos akordu refere prazu to’o fulan Jullu 2017 tenki renova ona, maibe la konsege renova, tanba VII Governu seidauk la’o normal.

“Iha akordu ida entre Estado vatikanu ho Estadu Timorense konaba kontribuisaun ne’ebe Estadu Timor fo ba uma kreda ba aktividades sira ne’ebe uma kreda nian, iha area tolu, edukasaun, buat sosiál nian, servisu uma kreda nian. Ne’e duni tuir asinatura ida ne’e iha akordu annual ida tinan-tinan tenki asina, maibe tinan ida ne’e atraza liu, tanba Governu Jullu 2017 la la’o. Foin ohin mak bele asina akordu ba 2018 nian,” hateten Dom Basílio do Nascimento ba jornsliata sira hafoin remata serimónia asinatura akordu refere iha Palasiu Governu, Kinta (10/05/2018).

Lee hotu :   PR simu kargu nu’udar patronu UNE-TL

Dom Basílio akresenta,  akordu ne’e hahu implementa ona iha tinan ida ba kotuk, maibe iha tinan ida ne’e labele atu kontinua implementa tanba osan laiha.

Maibe igreja kontinua implementa nafatin programa ne’ebe asina ona, maibe Governu aloka ona osan ba uma kreda hafoin taka fila-fali osan ne’ebe foti hodi implementa programa refere, maibe igreja tenki presta kontas ba Estado konaba kontribuisaun ne’ebe Estado hara’ik ba igreja.

“Estado ho Governu konsidera uma kreda hanesan parseiru ba servisu povu nian, ne’e duni Estado partilla ho uma kreda ho responsabilidade konaba servisu povu nian liu-liu buat ne’ebe uma kreda laiha forsa, liu-liu konaba osan Estado kontribui tuir kapasidade Estado nian,” afirma Dom Basilio do Nascimento.

Líder igreja katólika ne’e argumenta, vantazen no des-vantazen husi programa refere bainhira, maske iha ideia mesak fulak, Maibe osan laiha sei la halo buat ida.

Nune’e mos Sekretáriu Estadu Konsellu Ministru no Komunikasaun Sosiál, Matias Boavida hateten, akordu ida ne’e asina, tanba Governu atu fo kontribuisaun no subvensaun annual ba uma kreda ho montante orsamentu hamutuk US$ 15 milloens orsamentu 2018 nian.

Hodi implementa ba aktividades igreja nian, li-liu iha area sosiál, edukasaun no inklui aktividades igreja nian.

Entretantu, Estado Timorense ho Estado sante-se hahu asina akordu ne’e iha tinan 2016, no Estado Timor-Leste reprezente husi Primeiru Ministru (PM), Rui Maria de Araújo iha VI Governu Konstitusionál, bainhira Sekretáriu Estadu Santa-se Pietro Parolin halo primeira vizita mai Timor Leste. mia

Add to Comments Here!!!!

error: Content is protected.
Secured By miniOrange
You might also like:
Ezekusaun orsamentu duo désimu atinji 60%

VII Governu konstitusional ne’ebé lidera husi...

Julio Hornay: Laiha toleransia ba se mak halo krimi iha sentru votasaun

Komandante Jeral Polísia Nasional Timor-Leste (PNTL),...

Dom Basílio husu povu hotu tenki ba vota

Núnsiu apostóliku no Bispo dioseze Baucau,...

Close