JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hametin kooperasaun, Governador NTT vizita RAEOA

Hametin kooperasaun,  Governador NTT vizita RAEOA

Governador Nusa Tenggara Timur (NTT) Viktor Bungtilu Laiskodat ho nia delegasaun hala’o vizita kortejia ba Rejiaun Administrativa Oe-cusse Ambeno (RAEOA), alende atu  haree prosesu dezenvolvimentu ne’ebé la’o iha Oecusse, vizita ne’e mós atu hametin liu tan kooperasaun entre NTT ho RAEOA.

Prezidenti Autoriedade Reijuan Administrativa Espesial Oe-cusse Ambeno (RAEOA)  Mari Alkatiri hateten, ho  vizita Governador NTT nian ba Oe-cusse ne’e,   iha tempu badak sira sei desidi ekipa konjunta ida hodi servisu hamutuk atu dezenvolve rai rua ne’e,  iha área sosial,  kultura  no ekonomia.

“Ita hatene katak, NTT no Oe-cusse iha fronteira, maibé Oe-cusse haleo NTT ho tasi, maske nune’e Governador NTT ne’e fó  prioriedade liu mai Oe-cusse. Ami ohin ko’alia saida mak intensaun entre RAEOA no NTT  nian mak, ita atu servisu hamutuk iha área sosial, kultural, no ekonómiku. Iha enkontru kortejia deside  atu halo komisaun konjunta teknika ida, atu dezenvolve kooperasaun iha áre tolu prinsipal ne’ebé ha’u mensiona ona”, relata Alkatiri liu husi konferensia ba imprensa, hafoin hala’o enkontru ho Governador NTT, iha Rezidensia ZEESM, Segunda (10/12/2018).

Alkatiri haktuir, parte rua sei  desidi atu harii ekipa konjunta ne’e iha  loron 20 fulan maiu tinan oin iha Kupang,  atu ko’ali  klean liu kona ba asuntu refere.

Alende ne’e, Governador NTT, Viktor Bungtilu Laiskodat mós hateten, sira-nia enkontru ne’e, ko’alia kona ba oinsa atu  dezenvolve illa rua, liu husi  sosial budaya, no ekonomia, ne’ebé sai prioriedade atu dezenvolve iha Oe-cusse, iha momentu ne’ebé  Timor Leste saa nasaun ida.

“Ami aseita ona hodi kria  ekipa konjunta, atu labele iha tan pidato, ami sei hahú servisu iha forsa Joint Boarder Development, servisu hamutuk atu dezenvolve fronteira, atu hasa’e diginidade ema Timor nian iha nivel internasionál, liu husi dezenvolve  ekonomia iha illa Timor, no servisu hamutuk ida ne’e ita espera la’o ho di’ak, no ekipa ne’e sei servisu iha tempu  ne’ebé badak”, katak Viktor.oly

Lee hotu :   Kondisaun la favoravel, AACTL suspende Sriwijaya Air hala’o operasaun

Add to Comments Here!!!!

error: Content is protected.
Secured By miniOrange
You might also like:
Finalista UNTL 697 simu graduasaun

Universidade Nasionál Timor Lorosa’e (UNTL) fó...

Embaixada Portugal tenki kria kondisaun dignu ba Timor-oan

Reprezentante povu iha Parlamentu Nasional (PN)...

CNRT:Deklarasaun Alkatiri halo konfuzaun públiku

Bankada CNRT iha Parlamentu Nasionál (PN),...

Close