JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana Gusmão: Ema haluha kultura mak haluha nia orijin

Xanana Gusmão: Ema haluha kultura mak haluha nia orijin

Líder istóriku, Kay Rala Xanana Gusmão, hatete rekonsiliasaun ne’e Timor ninia kultura, laos inventa, kompara ho ohin loron problema ki’ik ida hamrik baku malu, sona malu, dun malu, tanba hases-an tiha husi Timor nia kultura ne’ebé bei-ala sira hanorin nanis ona.

Atual Xefe Negosiadór Prinsipal Fronteira Maritima ne’e apela ba Timor-oan sira atu labele haluha kultura, tanba kultura fatór importante ba ema ida-idak ninia moris, no ema ne’ebé haluha kultura, haluha ona ninia abut maka lahatene ona ninia orijin.

Comadante em Chefe FALINTIL iha tempu resistensia, Kay Rala Xanana Gusmão  koalia lia hirak nee iha serimonia expozisaun fotografia historiku,  Segunda (03/12), iha salaun Arquivo no Museum Resistensia Timor –Leste, Colmera, Díli.

Xanana Gusmão dehan tan atu hatene kultura ne’e kompleta liu tenke iha dezeju, vontade hodi kontinua aprende nafatin.

“Ita hanoin katak sai husi eskola hotu ona, durante ita nia vida tomak, ita aprende no aprende nafatin, ne’e duni hau kontenti tebes haree katuas barak iha ne’e. Loke ita boot sira nia tilun hodi rona, rona no fahe ba malu, rona se? rona ita nia bei-ala sira, fahe ba malu sira nia hanoin, esperansa no sira nia mehi. Hodi ida ne’e maka ita bele liga ita nia an ho ita nia bei-ala sira”, hatete Xanana

Prezidenti Republika ba periodu 2002 – 2007, realsa  dala ruma halo seremonia kulturais ba ne’e han deit, la tuir, la rona, balu ba ne’e atu hemu deit tua mutin no han deit na’an fahi, na’an karau, maibe liga ba sira ne’e katak “halo ita nia an hakbesik ba ita nia bei-ala sira”.

Lee hotu :   Husu PR eleitu hakuak ema hotu, tau as intrese Nasaun

“Ita dehan ona loke ita nia tilun hodi rona, tau ita nia an iha sira nia istoria, sira nia vida, moris no sira nia kultura”, hateten Xanana.

Xanana Gusmão dehan, fo perdaun ba malu ne’e mos hola parte iha kultura Timor-oan nian.

“Ita tenke aprende ita nia kultura rasik, ita nia hanorin rasik. Ha’u fo ezemplu ida maka ita tur hamutuk ho ita nia maluk sira ba Indonesia mai fila fali ita nahe biti, tur hamutuk, koalia husu perdaun ba malu, lori tempu, la’e ema la fila, tanba ne’e aprende ho ita nia kultura, dala ruma ema husu tanba sa imi perdua sira, maibe ida ne’e, tanba ita nia kultura mos, ita nia kultura uluk liurai sira reino ida ba funu ho reino seluk, lakleur sira diak malu fali, tur hamutuk, mama malus, ida ne’e maka iha tiha ona ita nia klamar, hanoin hodi fácil teb-tebes”, esplika Xanana.

Iha fatin hanesan, Peskizadora Phylis Ferguson senti kontenti tebes tanba bele mai fali Timor-Leste.

“Tinan barak liu ba hau mai timor hau servisu iha CAVR, serbisu ida ne’e ho nia abut ba hau nia serbisu ida uluk hau halo, tanba ne’e hau kontenti mai hasoru fali ho ita boot sira, iha anin ba mudança ne’ebe agora dadauk hu, ne’e hanesan fatores pozitivu ida ba ita hotu. Ho okupasaun colonial iha sekulu 20-21 no funu moderen produs okupasaun barak liu hodi hamosu desintendimentu, depois politiku barak liu tan, ho situasaun hirak ne’e halakon hotu eransa kultura nian, entaun husi Timor-Leste sasan kultura nian hamutuk 2700 husi total 300 mil”, Peskizadora Phylis Ferguson konta hikas.

Lee hotu :   GMN hatudu duni kualidade no méritu  Jorge Serrano: GMNTV presiza kritika konstrutivu

Nune’e mos, Ministra Edukasaun, Juventude no Desportu, Dulce de Jesus promete sei kuidadu didiak fotografia istoriku sira ne’e.

“Ami senti orgulho no agradese tebes, wainhira hau haree imagem istoriku sira ne’e halo ita hanoin fali katak senti hasoru malu ho ita nia bei-ala sira, ita nia bei-ala sira uluk matenek tebes, maske laiha edukasaun formal hanesan ita agora. Tanba ne’e ministério edukasaun, joventude no desportu iha responsabilidade boot atu garante ba sasan sira ne’e”, dehan Governante ne’e.

Fotografia kultura Timor nian ne’e peskizadora Phylis Ferguson wainhira halo peskiza maka hetan iha muzeu Olanda, Alemanha no Rusia. Dadaun ne’e fotografia sira ne’e tau iha Arkivu no Muzeu Rezistensia TL.

Partisipa iha seremonia expozisaun ne’e mai husi Lider Nasional hanesan Xanana Gusmão, eis Prezidenti Republika, José Ramos Horta, membru VIII Governu Konstitusional balu, korpu diplomatiku, veteranus no estudante. Mia

Add to Comments Here!!!!

error: Content is protected.
Secured By miniOrange
You might also like:
Jornal Semanário GMNTV,Edisaun 2 Dezembru 2018

Fó posse ba adjuntu PJR, PR Lú Olo husu MP atu lori justisa ba ema hotu

Prezidenti Repúblika (PR), Francisco Guterres ‘Lú...

GRANDE ENTREVISTA, Loron-3 Fulan-Dezembru Tinan-2018, Asuntu: PROBLEMA ELEKTRICIDADE IHA TIMOR LESTE

Close