JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

So’e lixu arbiru sei multa osan to’o USD 1000

So’e lixu arbiru sei multa osan to’o USD 1000

Sekretáriu Estadu Meiu Ambiente Demétrio de Amaral de Carvalho hateten, tuir dekretu lei ijiene Orden públiku,  númeru 33 /2018 hateten, ba sidadaun sé de’it, mak soe lixu arbiru no la tau tuir nia fatin, sei multa osan USD 1 to’o USD 1000.

“Ami halo inspeksaun kona ba jestaun lixu iha Díli laran, ita hatene  katak, loja sira, supermerkadu sira mak produs lixu barak liu, no  barak husi sira la iha kondisoens atu halo tratamentu lixu  iha sira nia loja rasik , tanba ne’e mak inspeksaun ohin ne’e, iha objetivu ida hodi sosializa katak, dekretu lei hijiene orden Públiku,  tenki  aplika, tenki reforsa dekreitu lei ne’e, liu-liu  ba  empreza no komersiante, loja, supermekradu  sira atu tau tong sampah ka fatin lixu hodi halo segregasaun ba lixu plástiku, kalen, no besi aat sira, atu nune’e ajuda           Munisípiu Díli nia servisu, ne’ebé rekolla lixu iha dadersan”, dehan Demétrio ba Jornalista sira iha Audian Díli,  Tersa (15/01/2019).

Demétrio hatutan, dekretu lei hijiene orden públiku sai referensia ba servisu ohin loron mak, sé  mak soe lixu ne’e bele hetan sansaun  dolar ida to’o USD 1 to’o USD 1000, sé halo inpktu so’e lixu arbiru sei fó moras ba ema seluk.

“Iha kodigu penal mós hateten, so’e lixu arbiru ne’e hanesan krimi ambientais. Ita fó hanoin ba sira, no sira la halo tuir, loron ruma mak  ita kaer toman,  ita entrega ba Autoriedade hodi halo prosesu. Hanesan ohin ha’u dehan, entidade komersiante sira mak produs lixu bo’ot liu, husi ami nia peskiza hatudu komunidade sira ladun produs lixu, maibé loja bo’ot sira ne’e produs lixu, besik  toneladas, entaun ita tenki  enkoraja sira halo jestaun lixu di’ak uluk, nune’e mós ita fó hanoin ba uma kain sira, atu hatene organiza rasik sira nia lixu, atu ta’u tuir iha fatin lixu”, katak Demétrio.

Lee hotu :   Komunidade Suai falta bee moos

Iha  fatin hanesan, Administrador Postu Administrativu Nain Feto, Tomas Alberto Braz hateten,  Autoriedade hasai ona sirkular ida, hodi hato’o ba loja sira ne’e atu halibur lixu, tula ba fatin ne’ebé mak determinadu tiha ona.

“Hanesan Sekretáriu Estadu Ambiente hateten ona, iha lei númeru 33 / 2018 kona ba hijiene orden públiku, iha  sansaun ona, multa ho osan, karik ba sidadaun sira ne’ebé la kumpri lei ne’e, ita implementa tenki hahú halo inspeksaun no sosializasaun ba sidadaun sira atu bele komprende kona ba lei hijiene orden públiku”, katak Tomas.oly

 

Add to Comments Here!!!!

error: Content is protected.
Secured By miniOrange
You might also like:
PR veta LAP-OJE 2019, Iha dalan ba impréstimu sosa asaun ConocoPhillips ho Shell

Reprezentante Espesiál Governu Ba Asuntu Petróliu,...

Kay Rala Xanana Gusmão: Ha’u laiha tempu atu halo diálogu, prefere servisu ba povu

Lider Nasionál Kay Rala Xanana Gusmão,...

HABURAS VIDA ESPIRITUAL GMNTV Edisaun 51

Close