JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sosiedade Sivíl konsidera, Kazu omisídiu hosoru Tan Lin Xue hafoer imajen TL iha mundu

Sosiedade Sivíl  konsidera, Kazu omisídiu hosoru Tan Lin Xue hafoer imajen TL iha mundu


Sosiedade Sivíl  konsidera,   hahalok  krime omisídiu husi ema deskuñesidu hasoru sidadaun Xineza Tan Lin Xue,  iha área Bairo Pite foin lalais ne’e, sei hafoer imajen Timor-Leste (TL) nian iha mundu.

Tuir Diretur Ezekutivu Yayasan Hak, Manuel Monteiro katak, alende hafoer TL nia naran iha mundu, kazu omisídiu refere mós sei impede investor sira husi rai liu atu mai    investe iha TL, hodi loke kampu servisu ba Timor-oan sira.

“ Kresimentu ekonomia ida atu buras depende tebes ba prezensa ema seluk nian, ne’ebé bai-bain iha termo ekonómiku ita dehan, investimentu estranjeiru. Tanba ne’e ho kazu ne’ebé mak akontese ba sidadaun estranjeiru ida, imajen TL nian ba iha regional no iha Mundu nian, espailla hela informasaun katak, ita-nia rain seidauk seguru, bele hafoer ita-nia rain  nia naran, fó dúvida ba investor sira atu mali loke investimentu iha ne’e”, hateten Manuel Monteiro  ba GMN, iha nia servisu fatin Palapasu Díli,  Tersa (26/3/2019),  relasiona ho akontesimentu kazu krime omisídiu ne’ebé akontese ba sidadaun Xineza ida iha área Hudi Laran Bairo Pite.

Manuel haktuir, alende kazu krime omisídiu hasoru sidadaun Xinezas, kualker kazu krime hotu iha implikasaun negative, tanba sidadaun hotu la senti seguru bainhira halo movimentu iha tempu kalan, satan ba ema estranjeiru. Tanba ne’e hanesan Estadu ida, presiza ganrante intraksaun  ho komunidade hotu, tantu komunidade iha rejiaun Ázia no iha mundu tomak, nune’e ema estranjeiru sira bele mai investe iha TL, hodi loke kampu servisu ba Timor-oan.

“Bainhira situasan ida ne’e akontese, mak ita-nia Ministériu Negosius Estranjeirus tenki halo esforsu aan maka’as, atu halo kampaña fila fali, atu halo diplomásia fila fali iha rejional, nomós iha mundu, liu-liu ligasaun ho sidadaun estranjeiru ida ne’ebé mak mate. Nasaun ne’ebé mak lakon nia ema ne’e, liu-liu China, tenki esforsu maka’as hodi kria fila fali lasu amizade ida ne’ebé mak di’ak, hodi prosesa kazu ne’e tuir dalan justisa nian, atu bele garante lasu amizade entre  nasaun rua ne’e nian, no tenki hateten, Estadu rai ida ne’e sei la tolera aktu krime ne’ebé mak akontese iha ita-nia rain, hodi nune’e bele konvensa nasaun sira seluk atu bele mai investe”, relata Manuel Monteiro.

Lee hotu :   Borlaco aprezenta rezultadu diagnostiku Instituisaun Estadu ba PM

Manuel afirma, laiha dalan seluk, alende esforsu Ministru Negosius  Estranjeirus  no Kooperasaun konversa  ho nasaun ne’ebé mak nia sidadaun mate, ho komitmentu tenki  kaer no prosesa autor sira ne’ebé mak  halo ona krime hasoru sidadaun Xineza ne’e, tanba liu husi dalan ida ne’e mak bele fó fila fali fiar ba nasaun sira ne’ebé mak iha hanoin no hakarak atu mai investe iha TL.

Tuir Manuel, dalan di’ak liu atu hamenus númeru krime iha TL mak,  lider nasionál hotu tenki iha ona komitmentu, oinsa hakotu siklu imponidade iha TL, liu-liu prosesa kazu  krime sira ne’ebé mak oras ne’e  dadauk kontinua pendenti  iha tribunal.

“Pelumenus informasaun ne’ebé mak ami hetan husi Ministériu Públiku, husi 2012 to’o 2018, kazu pendente ne’e mais ou menus rihun lima, no kazu sira ne’e labele prosesu tanba iha mós limitasaun ho rekursus humanus”, katak Manuel.

Enkuantu Diretur Ezekutivu Asian Justice And Rights (AJAR), Jose Luis Oliveira, mós afirma, akontesimentu krime ne’ebé mak akontese iha fatin-fatin hanesan krime rama ambon, sona malu, oho malu, tuda malu no seluk tan, inklui kazu krime omisídiu hasoru sidadaun Xineza iha Bairo Píte ne’e, la’os preokupasaun ema ida rua nian de’it, maibé ema hotu nian, tanba situasaun seguransa iha rai laran la garantidu ba sidadaun hotu ne’ebé lolos iha direitu atu halo movimentu iha kualker oras.

 “Ida ne’e preokupasaun ba ita hotu, ita la’os kolia ema estranjeiru, ema rai na’in ka ema ministru ou oinsa, maibé ba ita hotu, ida ne’e ita bele dehan katak, ameasa ida ba direitu moris hakmatek, direitu livre mobilizasaun ba povu, povu la senti seguru iha situasaun kalan. Ida ne’e ha’u ko’alia ba povu, ha’u la ko’alia ema estranjeiru no ema rai na’in, maibé ba ema tomak, agora ministru sira ne’e iha eskoltu, ita povu imposivel atu polísia mai fó seguransa  ba ita idak-idak, agora ita tenki hadia polítika ida oinsa kria situasaun ida ne’ebé mak ema senti livre, ha’u ko’alia polítika la’os nia medidas, ita tenki hadia ita-nia polítika, tenki hatene problema ne’e nia abut ne’e mai husi ne’ebé, tanba saida?, serake ema laiha osan mak ema tenki ba hadau ema nia sasan no ema nia vida?”, dehan Luis Oliveira.

Lee hotu :   PM Taur orienta GASS halo selesaun ba proposta ONG ho rigorozu

 Nia haktuir, situasaun ida ne’e, tenki  deskobre, husi parte judicial,  tanba TL iha polísia investigativu, iha mós ajente intelejensia, no intelejensia sira tenki servisu hodi detekta ida ne’e, la’os simu osan ba tu’ur iha bar,   entaun kuandu situasaun sira mosu hanesan ne’e, semak fó informasaun.

Luis Oliveira relata, husi parte sientifika mós, tenki halo peskiza ida kona ba situasaun ida ne’e, hodi hatene tanba saida  mak akontesimentu krime mosu iha fatin-fatin, tanba liu husi peskiza mak bele deskobre kauza husi akontesimentu krime hanesan rama ambon no seluk-seluk.ola

Add to Comments Here!!!!

error: Content is protected.
Secured By miniOrange
You might also like:
TL hetan ona númeru identidade marítima no aero ■Tempu badak aviaun komersiál 5 hala’o ona operasaun

Ministru  Transporte no Komunikasaun (MTK),  José...

PN husu servisu defeza-seguransa labele hamosu grupu ▀ PNTL la tolera ema hemu-tua iha estrada

Parlamentu Nasionál (PN), husu ba servisu...

PN husu Governu hadia urjente irigasaun mota Karau-Ulun

Deputada bankada CNRT, Virgina Ana Belo,...

Close