JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur fó instrusaun ba SEFOPE prepara joven ba empregu

PM Taur fó instrusaun ba SEFOPE prepara joven ba empregu

Primeiru Ministru (PM), Taur Matan Ruak hatene nia fó ona instrusaun ba Sekretáriu Estadu Formasaun Profesionál  no  Empregu, atu servisu hamutuk ho diretór Sentru Formasaun Becora ho Tibar atu prepara joven sira ba empregu.

“Hau fó ona instrusaun ba Sekretariu Estadu Formasaun Profesional no Empregu para servisu ho diretór sira iha Sentru Formasaun sira, liu-liu Becora ho Tibar ,atu iha vizaun do’ok ,tamba kada tinan ita nia joven kuaze 15.000 maka tama iha kampu servisu ,tamba ne’e se ita laiha kapasidade absolve ba iha Sentru Formasaun tékniku profesionál oinsá maka ita bele prepara sira atu hetan empregu”, hatete  PM Taur Matan Ruak,  ba Jornalista sira, Segunda (8/4), iha hafoin vizita Sentru Formasaun Tibar.

Governante nee kompromete atu investe makas ba sentru formasaun Tibar, hodi prepara rekursus  humanus kualifikadu ba Timor oan atu partisipa prosesu konstrusaun Estadu.

 “Hau kontente lolos muito organizadu ,amibiente diak, hanorin diak ,ne’e enkoraza los Governu para halo investimentu bo’ot ba oin hodi tau atnsaun ba formasaun tekniku profesional ba ita nia  joven sira nian”, afirma PM Taur.

Xefe ezekutivu nee dehan tan dadaun ne’e kestaun mão de obra ejizente loos ba Timor-Leste ,tamba ne’e Governu iha obrigasaun atu prepara rekursus humanus ba ninia sidadaun, liu husi formasaun tékniku profesional sira ne’ebé estabelese ona iha teritóriu.

Formasaun tékniku profesionál nee alende haruka Timor oan ba servisu iha rai liur liu husi programa servisu temporariu  ba iha Austrália ,Korea Súl, no Japaun ,hahú iha kompromisiu simu Timor oan hodi servisu ,Governu mós tenke prepara Timor oan atu servisu ba ninia rai rasik.

Lee hotu :   UE oferese Euro 774.316 ba PDHJ

Xefe Oitavu Governu Konstitusional nee dehan muda mentalidade no karakterisktika baruk-teen ba kultura servisu maka’as ,fiar malu, disiplina tempu importante ba formandu sira atu aprende hodi nune’e bele forma sira sai sidadaun ne’ebé iha responsabilidade ba ninia a’an no nasaun ,bainhira remata formasaun.

Iha  fatin hanesan Sekretáriu Estadu Formasaun Profesionál no Empregu ,Julião da Silva, hatete, Governu sei investe makas ba Sentru Formasaun ne’e atu sai modelu iha Ázia Pasifiku ,tamba ne’e iha ona planu ba oin atu fornese formasaun ba joven sira 15.000 kada tinan.

Diretór Sentru Formasaun Tibar, Simão Tito Barreto, hatete graduadu ne’eb’e simu ona sertifikadu formasaun ho nivel I, II, III durante ne’e hamutuk ema nain 4.585.

Iha trimestre da-uluk 2019, formandu 96 maka hetan ona graduasaun , nain 217 dadauk ne’e tuir hela formasaun nivel I,II,III,husi total numeru ne’e 176 tuir hela formasaun ativu no restu seluk hala’o hela estájiu kurikular iha instituisaun Estadu no privadu sira.

Diretór Sentru Formasaun Tibar ,Simão Tito Barreto, esplika área konstrusaun kontempla sesaun maka eletrisidade ,karpintaria,solda-dura, pedreiru, no kanalizasaun ,área hospitalidade, iha house keeping and food favorage, área agrikultura, kontempla iha hortikultura, no frutikultura,,área energia alternativa hanesan Biomasa,bio gás, no sólar painél ,área eletrical instrumentation nivel I,II.tos

Add to Comments Here!!!!

error: Content is protected.
Secured By miniOrange
You might also like:
Opozisaun akuza AMP boikota KIP ■CNRT konsidera la los

Relatóriu Komisaun Inkéritu Parlamentar (KIP) ne’ebé...

DIA 09/04/19 || GMNTV LIVE STREAM || JORNAL NASIONAL KALAN

DIA 10/04/19 || GMNTV LIVE STREAM || DADER KMANEK

Close