JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Traballadór sira husu Governu hasa’e saláriu mínimu ba USD 200 ■Governu sei halo mudansa

Traballadór sira husu Governu hasa’e saláriu mínimu ba USD 200 ■Governu sei halo mudansa

Selebrasaun loron mundial traballadór ne’ebé monu iha loron 1 fulan Maiu,  Konfederasaun Sindikatu Timor-Leste (KSTL), husu ba Governu atu hasa’e saláriu mínimu   traballadór sira nian husi USD 115, ba USD200, relasiona ho realidade moris agora nian ne’ebé karun.

 “Relasiona ho problema traballadór nian iha tinan 2012, KSTL aprezenta ona proposta saláriu mínimu ba Governu, hodi halo revizaun ba saláriu mínimu husi USD 115 ba USD 200, ho razaun kustu de vida karun, maibé soke malu ho kampaña no eleisaun parlamentar 2017, mak to’o agora seidauk iha solusaun, maibé husi parte KSTL kontinua ezije ba Governu, wainhira formasaun Governu los ona”, ezije Sekretáriu Jeral KSTL, Almerio Vila Nova ba GMN iha Santa Cruz Díli, Kuarta (01/05).

Almeiro haktuir, atu rezolve problema traballadór sira nia problema ne’e, parte inspeksaun jeral traballu mak tenki halo inspeksaun ba empreza sira atu bele hatene klean trabalhador sira-nia problema ne’ebé mak infrenta.

“Protesaun ba direitu trabalhador tenki halo liu husi inspeksaun jeral do traballu, maibé inspeksaun jeral do traballu nia servisu ladun másimu, tanba dalabarak sira ba halo inspeksaun hasoru de’it na’in ba empreza, maibé la hasoru direitamente traballadór sira, tanba ne’e violasaun direitu traballadór kontinua la’o no buras”, relata  Almerio.

Tuir dadus husi KSTL, iha tinan ne’e iha keixa hamutuk  70 husi traballadór sira kona ba hapara traballadór nia servisu la ho razaun, problema saláriu no hapara kontratu.

“Aproveita ho komemorasaun loron mundial traballadór ne’ebé monu iha loron 1 fulan Maiu, KSTL realiza marsa ida ne’e hodi hato’o ezijensia importante lima ba Governu, no partidu polítiku sira atu tau konsiderasaun ba direitu traballadór hanesan, hasa’e saláriu mínimu, kria kampu servisu, hari’i institutu seguransa sosial, protesaun direitu no seguransa saúde no hijiene iha servisu fatin, tanba trabalhador barak nafatin hasoru diskriminasaun to’o ohin loron”, afirma Almerio.

Lee hotu :   Lixeira de Tíbar: Perigos à espreita na comunidade

Nia haktuir, violasaun ba direitu traballadór, dala barak mai husi empreza ne’ebé hala’o servisu iha área seguransa hanesan, Guardamor, Maubere, no área komersiu hanesan hospitalidade, turismu inklui mós husi funsaun publiku.

Iha fatin hanesan, traballadór hein loza, Venancio Lopes informa, problema ne’ebé durante ne’e sira hasoru iha servisu fatin mak, laiha regra servisu ne’ebé klaru, signifika tama tuir oras, maibé wainhira tama liu oras empreza la aplika over time, kontratu la define klaru no loron feriadu laiha.

Komemora loron mundial trabalhador ne’e, KSTL selebra liu husi la’o ain husi Santa Cruz  ba to’o Largo Lecidere , nu’udar jestu ezijensia ba Governu, relasiona ho violasaun direitu humanu ne’ebé akontese ba traballadór iha Timor-Leste.

Governu sei halo mundasa ba salariu mínimu

Nune’e mos, Sekretáriu Estadu Formasaun Profisional no Empregu (SEFOPE), Julião da Silva, hateten, oitavu governu konstituisional iha ona planu atu halo mundansa salariu mínimu ba traballaor sira, maibé hein hetan aprovasaun husi Konsellu Ministru (KM).

“Ha’u hanoin ita atinji ona 95% depois hein deit aprovasaun husi Konsellu Ministru (KM), bainhira ami aprezenta ba Konsellu Ministru (KM) bainhira fó ona apresiasaun ita bele hahu ona polítika ida ne’e, maibé konaba montante ne’e seidauk”, Dehan Julião da Silva ba Jornalista sira iha Delta Nova, hafoin partisipa seminariu loron mundial ba traballadór Tersa (30/04/2019).

Enkuan governante ne’e mós rekoñese katak, traballadór sira ne’ebé mak servisu iha Korea no Australia la’os atan ba ema, maibé atan ba nia familia no ba nia nasuan.

“Traballadór sira ne’ebé mak servisu iha ne’eba ne’e atan duni, mas atan ba nia familia, atan ba nia nasaun, tanba ita ba servisu ne’e ba liurai feto no nia oan iha nia uma, se feto ida mak ba servisu ba liurai ida nian ona ne’ebé mak hein iha uma, tanba ne’e mak traballadór ne’e atan ba sira ne’ebé iha uma”.

Lee hotu :   Ema soe bebé ida iha Marconi ■Espoza PR Cidalia:Estadu tenki foti sansaun

Iha fatin hanesan Prezidente Cámara Comersio Industria Timor-Leste (CCI-TL) hatete, salariu minimu laos ona problema tamba antes ne’e halo ona sosializasaun hodi hasae salariu minimu.

“Ha’u nia hanoin problema la’os problema salariu minimu ba ami emprezarius la’os problema salariu minimu. Salariu minimu ne’e ami deskuti tiha ona iha tinan 2000 liu ba hotu-hotu konkorda ona para hanusa hasa’e salariu mininu ne’e”,hateten Oscar Lima.

Prezidente CCI-TL husu mós ba sindikatu traballadóres no mós ba governu para ne’ebé simu salariu minimu tenke iha kapasidade ne’ebé klean para simu salariu minimu, kuandu hasa’e salariu minimu to’o ona 200 no balun 200 ital  dollar.

Nune’e mós Sekretáriu Jéral Konfederasaun Sindikatu Traballadór Timor Leste (KSTL), José da Conçeição, hateten, KSTL kontinua halo esforsu no aprosima nafatin governu para oinsa bele hadia salariu minimu ba traballadór sira.

“Hanesan reprezentante organizasaun traballadór sira nia iha konsellu nasional do traballu ne’ebé kontinua halo esforsu no tenta nafatin SEFOPE no emprezariu sira oinsa bele hadia salariu minimu ne’ebé dadaun ne’e estabele iha nasaun ne’e, tanba US$ 115 dollar ne’ebé mak implementa ne’e seidauk to’o ba traballadór sira nia nesesidade uma laran, tamba governu perzisa aumenta salariu minimu ne’ebé mak iha, no trata traballadór sira ho dignu hanesan ema traballadór ida”. Aba/Aes

Add to Comments Here!!!!

error: Content is protected.
Secured By miniOrange
You might also like:
RAEOA-ZEESM TL simu aprezentasaun orsamentu tinan 2020

Rejiaun Adminsitrativa Espesiál Oé-Cusse Ambeno e...

Naimori: Povu mak sai vítima la’os CNRT

Konselleiru másimu partidu Kmanek Haburas Unidade...

FRETILIN aseita diálogu solusiona impase polítiku rai-laran ■ Lakohi sai ai-tonka

Sekretáriu Jeral Partidu FRETILIN, Mari Alkatiri,...

Close