JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kongregasaun SCB selebra aniversáriu ba dala-40

Kongregasaun SCB selebra aniversáriu ba dala-40

Iha Sábadu, loron 8, fulan ne’e, kongresaun São Carlos Boromeu (SCB) selebra ninia aniversáriu, ezistensia no misaun iha Timor-Leste, liu husi misa eukaristia ne’ebé prezidi husi Bispo Dioseze Díli, Dom Virgílio do Carmo da Silva, iha kapela noviciada Manleuana, munisípiu Díli.

Bispu Dioseze Díli ne’e liu husi ninia omília haktuir, Selebrasaun eukarístika ne’e nu’udar asaun grasa ba Na’i Maromak, tanba Ninia interversaun divina iha misaun kongregasaun SCB, iha tempu difísil kongregasaun refere kontinua esforsu eduka foinsa’e sira iha tempu naruk nia laran.

“Wainhira kongregasaun relizioja sei menus tebes iha ita nia rai mós mós forsa Dioseze nian sei fraku iha tempu ne’ebá, ita boot sira hahú iha momentu difísil sira ne’e, maibé fiel nafatin ba karisma São Carlos hodi tau matan ba edukasaun foinsa’e ninian, iha tempu naruk ne’e nia laran, ohin ita haksolok haree fali ba kotuk, milagre boot ne’ebé Na’i Maromak halo iha nia uma kreda no povu Timor, husi nia oan feto sira, São Carlos Boromeu ninian, progresu ne’ebé ita haree, hatudu sinal ida ne’ebé ho mentalidade, espíritu santu nian ne’ebé hourik iha imi no halo imi atu hatama fatin ba dezafiu foun sira iha misaun edukasaun iha uma kreda”, Bispu Dioseze Díli, Dom Virgílio do Carmo da Silva SDB, Sábado (08-06-2019).

Bispu Dioseze Díli ne’e enkoraza Misionáriu ne’ebé hatudu nafatin korazen atu eduka no halo Evanzelismu ba sarani sira iha nasaun ida ne’e.

“Hanesan reflete imi nia lema selebrasaun tinan 40 ninian “Fiel ba Missão hari’i Nação”, fiel ba misaun ne’e liafuan ne’ebé hahú inspira há’u nia reflesaun, ohin temi tiha ona iha leten liafuan agradesementu, agradese ba irmã sira nia fidelidade ba sira nia vida nu’udar ema ne’ebé maka consagrada, lakolen atu fó sasin kona-bá Jesus nia terus, ,mate no ninia moris hias”, Bispu Dioseze Díli, Dom Virgílio liu husi ninia omília.

Lee hotu :   Kompañia divita group rejeita abandona projetu dada eletrisidade

Husi sorin seluk, Responsábel uma formasaun vida relijioza SCB, Madre Filomena Perreira hateten, durante tinan 40 ne’e, sira hala’o misaun iha parte edukasaun, hanesan ensinu infantil, ensinu báziku no ba oin sei alarga to’o nivel ensinu Pre-sekundáriu no Sekundáriu, maibé sei haree mós ho kbi’it rekursu umanu ninian.

“Durante tinan 40 ne’e, ami hala’o kna’ar primeiru iha parte edukasaun, ami hahú husi zero, husi pre-primária, maibé iha tinan 2015 ami hahú iha ensinu báziku, depois adapta ho sistema edukasaun ni’an, ami sei hahú ba iha pre-sekundária ho sekundária, maibé haree lai tuir kbi’it iha maka foin hahú konstrusaun ba pre-sekundária ni’an ho sekundária seidauk”, haktuir Madre Filomena.

Dau-daun ne’e númeru estudante husi pre-primária to’o ensinu báziku iha kongresaun SCB hamutuk 580 ba leten.

Entretantu partisipa iha misa selebrasaun eukaristia ba tinan 40 SCB ne’e, partisipa máximu husi estudante, família, professor, madre, Irmaun no irman sira. mya

Add to Comments Here!!!!

error: Content is protected.
Secured By miniOrange
You might also like:
Tribunal deside entrega bebé ba nia inan-rasik ■ Komunidade Lahane konsidera injustisa

Polísia Nasionál Timor-Leste (PNTL ), kumpri...

Horta husu governu buka advogadu defende kazal Timor-oan detein iha Atambua

Eis Prezidente Repúlika Timor-Leste, José Ramos...

Projetu tasi mane sei lori dezenvolvimentu TL ba oin

Sorry, this entry is only available...

Close